Daven Tamayo

P600-M halaga ng expired na karne na binebenta pa sa merkado, nasabat ng NBI

Article (news)

Karen De Guzman

ABS-CBN News

MAYNILA -- Sinalakay ng National Bureau of Investigation (NBI) ang isang cold storage facility sa Meycauayan, Bulacan matapos madiskubreng luma o expired na ang mga binebentang karne.Sa ulat ng NBI Central Luzon, dumulog sa kanilang opisina ang isang impormanteng nababahala sa pagbebenta umano ng kumpanya ng mga expired na karne ng baboy, manok, at baka.Sa bisa ng search warrant, pinasok nila ang pasilidad at tumambad sa kanila ang kahon-kahong produkto.“Nakita namin na may mga expired nga dun, marami. ‘Yung iba mga 2020 pa, 2022,” ani Atty. Isaac Carpeso Jr., regional director ng NBI Central Luzon.Napag-alaman pa ng NBI na nire-reprocess, nire-repack, at nire-relabel pa nila ang mga produkto para magmukhang bago at inaalok sa malalaking pamilihan.“May mga inaamag na, inuuod na talaga. They try to conceal these products behind, dun sa pinakadulo ng pallets nila,” ayon sa imbestigasyon ni Atty. Aires Manaloto, Special Investigator III.“Kapag spoiled na talaga ‘yung meat products, gina-grind nila at ginagawa nila to other products like siomai, hotdog, and the like,” dagdag niya.Tinatayang aabot sa P600 milyong halaga ng expired na produkto ang nasamsam sa isa sa dalawang storage facility ng kumpanya na ayon sa NBI ay delikado nang kainin ng publiko.Itinanggi naman ng mga abogado ng kumpanya ang mga paratang at sinabing nagulat din sila sa mga alegasyon ng NBI.Sasampahan ng reklamong paglabag sa Consumer Act of the Philippines in relation to Food Security Act ang may-ari ng cold storage facility.

Sinalakay ng National Bureau of Investigation (NBI) ang isang cold storage facility sa Meycauayan, Bulacan matapos madiskubreng luma o expired na ang mga binebentang karne.

Sinalakay ng National Bureau of Investigation (NBI) ang isang cold storage facility sa Meycauayan, Bulacan matapos madiskubreng luma o expired na ang mga binebentang karne.