Nelson Morales

Sunog, sumiklab sa Barangay Campus; higit 200 pamilya, nawalan ng tahanan

Article (news)

Jessie Cruzat

ABS-CBN News

MAYNILA — Hindi bababa sa 40 bahay ang tinupok ng apoy sa Pook Daan Tubo, Barangay U.P. Campus, Quezon City, pasado alas-9 ng umaga nitong Lunes, Marso 3.Mabilis na kumalat ang apoy dahil bukod sa magkakatabi ay gawa rin sa light materials ang karamihan sa mga bahay.“Doon po sa likod nagsimula po tapos may nagsigaw na sunog. Nakatakbo pa po ako. Pagdating ko diyan sa gate pa lang trinap na po ako ng bumbero pero wala na po akong madadananan kasi puro usok na talaga kaya kahit isang gamit wala kaming nakuha,” kwento ng residente na si Rose Postrado na walang naisalbang gamit.Ayon kay Barangay Chairman Lawrence Mapala, may isang bahay na itinuturo ang mga residente kung saan umano nagmula ang apoy.“Base sa mga residente, meron daw isang bahay na walang tao, doon daw nagsimula, nag-spark ‘yong kuryente,” saad ni Mapala.Itinaas ang sunog sa ikatlong alarma kung saan higit 50 truck ng bumbero ang rumesponde.Aminado naman ang Quezon City Fire District na nahirapan sila sa pag-apula sa apoy dahil sa lakas ng hangin na sinabayan pa ng init ng panahon.“Ang triangle of fire ay heat, oxygen and fuel. Ang heat po, kung mainit talaga, mas mabilis po na masusunog ang bahay,” saad ni Fire Chief Inspector Marvin Mari, chief of operations ng QCFD.Anim na residente at tatlong bumbero naman ang naitalang nasugatan at nahirapang huminga na agad nilapatan ng paunang lunas.Sa tala ng barangay, higit 200 pamilya ang apektado ng sunog.Patuloy pang inaalam ng BFP ang pinagmulan ng  apoy at ang kabuuang halaga ng pinsala.

Hindi bababa sa 40 bahay ang tinupok ng apoy sa Pook Daan Tubo, Barangay U.P. Campus, Quezon City, pasado alas-9 ng umaga nitong Lunes, Marso 3.

Hindi bababa sa 40 bahay ang tinupok ng apoy sa Pook Daan Tubo, Barangay U.P. Campus, Quezon City, pasado alas-9 ng umaga nitong Lunes, Marso 3.