Geline Salac

Bangkay sa basurahan sa Payatas, nakilala na

Article (news)

Bangkay sa basurahan

Kaxandra Salonga

ABS-CBN News

Natukoy na ang pagkakakilanlan ng bangkay ng matandang babae na natagpuan sa garbage dump sa Barangay Payatas, Quezon City nitong Miyerkoles ng umaga.Ayon sa Quezon City Police, ang biktima ay isang 65-anyos na babaeng mag-isang naninirahan sa Orchid Street, Barangay Payatas.Sa panayam kay Eddie Batara, deputy executive officer ng Barangay Payatas Area A, agad silang rumesponde matapos makatanggap ng ulat na may natagpuang bangkay ang ilang basurero.<div><iframe width="640" height="360" src="https://www.youtube.com/embed/urLBR5juWRU?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>“Nagsasakay po sila ng basura sa truck. Then nagulat po sila dahil meron isang garbage bag na mabigat. So nung isinampa po nila sa truck, nakita na tumambad po sa kanila ay kamay. Sa gulat po nila, nagtakbuhan po &#x27;yung mga palero,” ani Batara.Nakasuot ng ilang patong ng damit pang-itaas ang biktima ngunit wala itong pang-ibabang kasuotan nang matagpuan ng pulisya.Sa kuha ng CCTV, Martes ng madaling araw huling namataan ang babae na lumabas ng kanyang tahanan patungo sa San Miguel Street.“Tapos non, di na siya muling bumalik… kaya nung pinakita sa social media &#x27;yung picture niya na natagpuan sa basurahan… nagkaron lang ako ng idea kung siya talaga ‘yon, nung nireview ko yung CCTV at nakita ko yung mga suot niyang damit,” pahayag ni Analiza Tan, kapitbahay ng biktima.Hindi makapaniwala si Tan sa sinapit ng kanyang kapitbahay na higit tatlong dekada nang nakatira sa lugar.“Mabait na tao ‘yon, tahimik ‘yon… tapos mahilig siyang tumulong sa mga nagtitinda ng balot, &#x27;yung mga nakikita niyang vendors na 24 hours nagbebenta, tinutulungan niya ‘yon magtinda kaya ganung oras siya lagi umalis, mga madaling araw,” aniya.Lubhang nabahala si Tan para sa kanilang komunidad matapos ang insidente.“Parang ‘di ka na safe sa lugar mo kung may ganyang klaseng krimen na nagaganap sa paligid. May mga anak akong umuuwi ng madaling araw, alanganing oras… so safe pa ba silang uuwi sa bahay namin?” sabi niya.Tiniyak naman ng pamunuan ng barangay na patuloy ang kanilang pagpapatrolya at mas pinahigpit pa ang seguridad sa lugar.Hustisya ang panawagan ni Tan para sa kanyang kapitbahay, na kasalukuyang nakaburol sa Sta. Cruz, Manila.“Hindi niya deserve yung ganung klaseng brutal na pagkamatay kasi mabait naman po siyang tao. Tapos senior citizen na siya, 65 na siya, tapos ginanun pa nila,” aniya.Patuloy pang iniimbestigahan ng pulisya ang posibleng motibo sa krimen.

Natukoy na ang pagkakakilanlan ng bangkay ng matandang babae na natagpuan sa garbage dump sa Barangay Payatas, Quezon City nitong Miyerkoles ng umaga.

Natukoy na ang pagkakakilanlan ng bangkay ng matandang babae na natagpuan sa garbage dump sa Barangay Payatas, Quezon City nitong Miyerkoles ng umaga.