Ched Rick Gatchalian

2 riding-in-tandem na nambiktima ng Indian huli dahil sa naiwang motorsiklo

Article (news)

Indian national, sugatan matapos barilin ng riding-in-tandem sa Malabon

Jeff Caparas

ABS-CBN News

MALABON CITY – Dalawang holdaper na nambiktima ng Indian national ang nahuli ng mga awtoridad matapos madiskubreng ang motorsiklo na ginamit nila ay nakarehistro sa asawa ng isa sa mga suspek.Sugatan ang isang Indian national matapos barilin ng dalawang holdaper na riding-in-tandem sa Barangay Tugatog, Malabon pasado ala-una ng hapon nitong Miyerkoles, May 29.Ayon sa pulisya, nanlaban umano ang biktima sa mga suspek kaya binaril ito.Ayon sa CCTV footage na nakuha ng Northern Police District, kita na minanmanan ng riding-in-tandem ang biktima habang pauwi ito sa kanyang bahay.Sa imbestigasyon mula pa sa Sangandaan, Caloocan sinusundan na ng mga suspek ang dayuhan.Pagkapasok ng biktima sa kanyang tahanan, agad ding pumasok ang mga suspek. Hindi naman kita sa CCTV ang aktwal na pambubuno. Lumabas agad ng bahay ang mga suspek na sinundan ng biktima. Dito na umano sinubukang hampasin ng helmet ng Indian national ang mga suspek, dahilan upang barilin siya ng mga ito sa kaliwang braso. Sa pagmamadali ng mga salarin na makatakas, natumba pa ang kanilang motorsiklo at hindi na ito umandar. Hinabol pa rin ng biktima ang mga suspek at muling binato ang helmet sa kanila.Bumalik pa sa lugar ang mga suspek upang subukang paandarin ang iniwang motorsiklo, pero bigo sila. Sa huli, tinulak na lamang nila ang motor bago ito tuluyang iwan at tumakas sakay ng e-trike.“Sumakay na &#x27;yan ng e-trike. Ang sabi ng witness natin na e-trike driver, may emergency daw at manganganak ang asawa, kaya niya isinakay,” ayon kay PBGen. Josefino Ligan, hepe ng NPD,Dagdag naman ng NCRPO  modus na ng mga suspek ang pagsunod at pagholdap sa mga negosyanteng Indian national.“Nakakita po sila ng Bumbay at sinusundan po nila ito… dahil sa ating police visibility, hindi nila agad naatake sa kalsada kaya sinundan nila hanggang bahay,” sabi ni PMGen. Anthony Aberin, hepe ng NCRPO.Sa isinagawang follow-up operation ng Malabon City Police, natunton at inaresto ang mga suspek sa Barangay Maysilo.Nadiskubreng ang motorsiklo na ginamit ay nakarehistro sa asawa ng isa sa mga suspek.Hindi naman narekober ang baril na ginamit sa pamamaril.Lumalabas din sa imbestigasyon na parehong may record ng robbery ang mga suspek at nakilala sa kulungan. Palipat-lipat umano sila ng tinitirhang inuupahang bahay.“Base sa ating imbestigasyon, sila pong dalawa ay nagkasama sa loob (ng kulungan)… ang registered owner ng motor ay isa ring nakakulong sa kasong robbery,” ayon kay PCOL Jay Baybayan, hepe ng Malabon Police.Patuloy namang nagpapagaling sa ospital ang biktima at matagumpay nang naialis ang bala mula sa kanyang braso.“Actually nung time na tumama ‘yung bala sir, hindi na niya naramdaman… He knows already na he’s been followed… akala niya walang baril ‘yung mga suspek,” sabi ng kanyang kaanak,Tumanggi namang magbigay ng pahayag ang mga suspek na positibong kinilala umano ng biktima.Inaalam din ng NPD kung may mas malalim na sindikato sa likod ng mga suspek.“Because of the many incidents that they are involved at madali silang makapagpiyansa… we are digging up baka mayroong nagfi-finance sa mga ito,” dagdag ni PBGen. Ligan.Nasa kustodiya na ng Malabon City Police ang mga suspek at mahaharap sa kasong frustrated murder at attempted robbery.

Dalawang holdaper na nambiktima ng Indian national ang nahuli ng mga awtoridad matapos madiskubreng ang motorsiklo na ginamit nila ay nakarehistro sa asawa ng isa sa mga suspek.

Dalawang holdaper na nambiktima ng Indian national ang nahuli ng mga awtoridad matapos madiskubreng ang motorsiklo na ginamit nila ay nakarehistro sa asawa ng isa sa mga suspek.