Julia Christine Botin

Lisensya ng may ari ng motor sa EDSA viral video, sinuspinde ng LTO

Article (news)

ABS-CBN News

<div><img src="https://od2-image-api.abs-cbn.com/prod/editorImage/1748508095415New Project (7).jpg" style="width:950px" class="fr-fic fr-dib"/>Photo courtesy DOTr-SAICT </div>Ipinatawag ng Land Transportation Office (LTO) ang may-ari ng motorsiklo na gamit ng isang rider na tumakas sa awtoridad matapos mamataan ang naturang rider na dumaan sa EDSA bus carousel.Naglabas ng show cause order (SCO) ang LTO laban sa rehistradong may-ari ng Yamaha NMAX motorcyle at sa hindi pa nakikilalang rider nito.Base sa ulat ng Special Action and Intelligence Committee for Transportation (DOTr-SAICT) na noong Miyerkoles bandang alas-7:00 ng umaga, sa southbound lane ng EDSA malapit sa Nepa Q-Mart Station ang naturang motorsiklo ay pinara ng mga operatiba dahil sa iligal na pagdaan sa EDSA carousel.Ngunit sa halip na sumunod, mabilis na tumakas ang rider, na umano’y nang-insulto pa ng mga operatiba habang humaharurot palayo.Batay sa viral na video na dokumentado ng DOTr-SAICT, nilabag ng rider ang mga probisyon ng Republic Act No. 4136, kabilang ang Reckless Driving (Seksyon 48), Duty to Have License (Par. 2, Seksyon 19), at mga batayan para sa pagiging Improper Person to Operate a Motor Vehicle (Seksyon 27(a)). Dahil dito, ipinag-utos ng LTO na personal na humarap si ang may-ari ng motorsiklo at ang rider noong panahon ng insidente, sa Intelligence and Investigation Division (IID) ng LTO sa East Avenue, Quezon City upang magpaliwanag.Dagdag pa rito, pansamantalang sinuspinde ng LTO ang driver’s license ng may-ari ng motorsiklo sa loob ng 90 araw at inilagay sa ilalim ng alarm ang nasabing lisensya kasama ang sasakyan. Iniutos din na isuko ang driver’s license sa araw ng pagdinig. Ayon sa LTO kapag hindi lumitaw ang dalawa, kasama ang ang naturang motorsiklo, ang kaso ay pagpapasyahan batay sa viral video.<div> </div>

Ipinatawag ng Land Transportation Office (LTO) ang may ari ng motorsiklo na gamit ng isang rider na tumakas sa awtoridad matapos mamataan ang naturang rider na lumabag sa EDSA carousel kamakailan lang.

Ipinatawag ng Land Transportation Office (LTO) ang may ari ng motorsiklo na gamit ng isang rider na tumakas sa awtoridad matapos mamataan ang naturang rider na lumabag sa EDSA carousel kamakailan lang.