Nelson Morales

College student sugatan matapos makaladkad, pagnakawan ng cellphone ng rider sa EDSA

Article (news)

Lyza Aquino

ABS-CBN News

MAYNILA — Sugatan ang isang 25-anyos na college student matapos siyang pagnakawan ng cellphone at kaladkarin ng isang rider sa EDSA North Avenue, sa Quezon City.Kita sa viral video sa social media na ilang minuto ring nakaladkad sa may southbound lane ng EDSA ang biktima bago siya nahulog mula sa motorsiklo.Kwento ng biktima na si Janine Balanza, isang college student, una niyang nakausap online ang lalaking suspek dahil interesado umano ang suspek na bilhin ang binebenta niyang cellphone. Nakipagkita ang biktima sa isang mall sa North Avenue noong April 20.&quot;Bale pinost ko po yung cellphone ko sa Facebook binebenta ko po. Ngayon po meron pong nagreply na buyer po, bibilhin daw po niya yung cellphone ko. Napagkasunduan po namin na sa North EDSA po kami magkita, kasi po manggagaling pa raw po siya ng San Mateo, Rizal,” kwento ng biktima.Binebenta sana niya ang cellphone sa halagang P19,800 para sana sa kanyang college tuition.&quot;Napakahalaga po nung paggagamitan ko, kasi graduating na po ako ngayong July. Last sem ko na para bayaran ng tuition. Walang wala po talaga akong pera,&quot; sabi ng biktima.&quot;Yung cellphone ko po talaga ang binenta ko. Nahihiya ako at ayoko maging dagdag sa isipin ng mama ko, kaya hindi na ako nagsabi,&quot; dagdag niya.Nagulat si Balanza na pinasakay siya ng rider sa isang motorsiklo para umano makapagwithdraw sila ng pera sa ATM na ipapambayad sa binebentang cellphone.&quot;Pagsakay ko po mam iba ang kutob ko kinakabahan na po ako. Gusto ko na po tumalon at sumigaw. Lumabas po kami ng SM, at lumiko na po kami sa may Carousel. Tapos pinark niya saglit. Pagside stand niya tumagilid yung motorsiklo, so napababa ako,&quot; sabi ng biktima.&quot;Tapos pina-andar niya po, sobrang gulat ko hindi ko na rin po alam kung ano yung sumabit sa akin at napakapit ako. &#x27;Kuya wait lang!&#x27; Sabi ko po kaso nakaladkad na po niya ako,&quot; dagdag ng biktima.Mga sugat at pasa sa katawan ang tinamo ng biktima matapos siyang kaladkarin, sipain at suntukin umano ng suspek.&quot;Sinusuntok niya [suspek] ang kamay ko. Hindi ko po kontrol yung katawan ko nung oras na yun, na-mental block ako. naglock grip ko, hindi ako mapabitaw [sa motorsiklo]...hanggang sa makarating kami sa ilalim ng footbridge,&quot; sabi ng biktima.&quot;Sabi ng mga tao, tinadyakan daw po niya ako [suspek] kaya napabitaw ako [sa motorsiklo] sa gitna ng kalsada,&quot; dagdag niya.Ayon sa biktima, nakahoodie ang suspek nang magkita sila at ganito rin ang litrato na ginamit ng suspek sa pekeng Facebook account na kanyang ginamit noong sila ay magkatransaksyon online.Makalipas naman ang ilang araw na imbestigasyon ay natukoy na ng pulisya ang pagkakakilanlan ng suspek na nasampahan na ng patong patong na reklamo.Patuloy naman ang operasyon ng PNP  para matunton at maaresto ang suspek.&quot;Nagsampa na po tayo ng reklamong theft, physical injuries at concealing true name,&quot;sabi ni Police Captain Geronimo Caparas, Chief Investigation ng Masambong Police.&quot;Sa ating mga kapamilya, ibayong pag-iingat lang po ang kailangan lalo na po sa mga ka-transaksyon po natin. Siguraduhin po naitn na legit yung profile ng katransaksyon natin sa Facebook at sa messenger para hindi po tayo mabiktima ng ganitong modus po,&quot; dagdag ni Caparas.Sa ngayon ay nasa bahay lang muna si Balanza habang tuluyang nagpapagaling mula sa mga sugat na tinamo dahil sa insidente.

Sugatan ang isang 25-anyos na college student matapos siyang pagnakawan ng cellphone at kaladkarin ng isang rider sa EDSA North Avenue, sa Quezon City.

Sugatan ang isang 25-anyos na college student matapos siyang pagnakawan ng cellphone at kaladkarin ng isang rider sa EDSA North Avenue, sa Quezon City.