Cheyenne Suarez

CCTV: Lalaki, tinangay ang motor ng kapitbahay sa QC, arestado sa Bulacan

Article (news)

Christopher Sitson

ABS-CBN News

Sapul sa CCTV ang pagtangay ng 32-anyos na lalaki sa nakaparadang motorsiklo sa Barangay Escopa III, Project 4, Quezon City, pasado alas kwatro ng madaling araw ng Huwebes, ika-12 ng Hunyo, 2025.   &quot;Madaling araw mayroong isang tao na kumuha ng kanyang motor at pagkatapos ay dahan-dahan itong hinatak, tinulak, hanggang sa makalayo,&quot; sabi ni Police Lieutenant Colonel Angelito De Juan, Project 4 Police Station Commander.   Pasado alas dies ng umaga noong kaparehong araw ay napansin ng biktima na wala na ang motor sa harap ng kanyang bahay.   &quot;Nagising nga itong may-ari ng motor, tinitingnan niya &#x27;yung motor niya, nawawala na ito. Agad naman niya itong sinumbong sa barangay at inireport,&quot; sabi ni PLtCol. De Juan.   Biyernes ng hapon, isang araw matapos ang insidente, nagkasa ng follow-up operation ang pulisya at naaktuhan ang suspek sa isang gasolinahan sa San Jose Del Monte, Bulacan.   &quot;Ang malaking naging tulong po sa amin &#x27;yung CCTV ng barangay. Nung ma-verify sa CCTV &#x27;yung itsura nung tao na kumuha ng motor, agad-agad na verify natin na &#x27;yung suspek tiga-roon din dati sa lugar,&quot; sabi ni PLtCol. De Juan.   Napag-alaman din na dati nang nakulong ang suspek dahil sa kasong may kinalaman sa ilegal na droga.   Paliwanag niya, &quot;ginamit ko lang po para service pauwi sa amin. Tumawag po &#x27;yung may-ari ng motor na isoli. Tumawag sa ate ko kasi kapitbahay ko lang &#x27;yung may-ari nun. Isosoli ko naman po dapat,&quot;  sabi ng suspek.   Narekober sa suspek ang ninakaw na motor na tinanggalan na ng plate number at flarings para hindi makilala.   Nakakulong na sa Project 4 Police Station custodial facility ang lalaki na nahaharap sa kasong paglabag sa New Anti-Carnapping Law.

Sapul sa CCTV ang pagtangay ng 32-anyos na lalaki sa nakaparadang motorsiklo sa Barangay Escopa III, Project 4, Quezon City, pasado alas kwatro ng madaling araw ng Huwebes, ika-12 ng Hunyo, 2025.

Sapul sa CCTV ang pagtangay ng 32-anyos na lalaki sa nakaparadang motorsiklo sa Barangay Escopa III, Project 4, Quezon City, pasado alas kwatro ng madaling araw ng Huwebes, ika-12 ng Hunyo, 2025.