Panukalang nagbibigay ng libreng libing sa mahihirap, aprubado na sa Senado

MAYNILA — Inaprubahan na ng Senado nitong Lunes (Hunyo 2) ang panukalang magbibigay ng libreng funeral services sa mahihirap na pamilya.

Ang naturang panukala na Senate Bill No. 2965 o ang Free Funeral Services Act ay nilalayong tulungan na mabigyan ng pagpapalibing at iba pang serbisyo ang mga mahihirap na pamilyang namatayan ng kaanak.

"Free funeral services shall be provided to families who are in crisis situations, as determined by the Department of Social Welfare and Development (DSWD), including but not limited to indigent families, or those affected by calamities, disasters, or other emergency circumstances that prevent them from affording dignified funeral services," ayon sa pahayag ng Public Relations and Information Bureau ng Senado.

Sa nasabing panukala, ang "poor families" o mahihirap na pamilya ay ang mga nasa nasa baba ng poverty line na tinutukoy ng National Economic and Development Authority (NEDA).

Sila umano ang mga hindi kayang masustentuhan o kayang makapagbigay ng pangunahing pangangailangan tulad ng pagkain, edukasyon, tirahan, kalusugan, etc.

Sakaling pasok ang isang pamilya sa nasabing panukala, bibigyan umano sila ng tinatawag na "Indigent Funeral Package" kung saan kasama na rito ang paghahanda ng mga dokumento ng namatay, page-embalsamo, paglilibing, transportasyon, cremation, inurnment, kabaong, at maaari din ang lugar kung saan ililibing.

"Free funeral services shall be provided to poor families per death of a family member by accredited funeral establishments anywhere in the country, provided that every funeral establishment shall have a uniform indigent funeral package, regardless of such establishment’s type or location available to all poor families, as determined by and in coordination with the DSWD," ayon sa pahayag.