Maria Virginia Sy

Lalaki nagtamo ng third degree burns nang silaban dahil sa selos sa Taguig; kapitabahay nadamay

Article (news)

Darylle Sarmiento

ABS-CBN News

Nagtamo ng third degree burns sa buong katawan ang 28-taong gulang na lalaki matapos silaban ng isang lalaki sa Barangay Pitogo, Taguig, 10:30 Biyernes ng gabi, ika-20 ng Hunyo, 2025.   Nakikipag-inuman at nag si-cellphone sa eskinita ang biktimang si James Villaruel nang mangyari ang krimen. Ayon sa ina ng biktima, pagseselos ng suspek ang kanyang anak ang tinitignan nilang dahilan kung bakit nagawa ng suspek ang krimen.  Hindi matanggap ang sinapit ng anak. “Pinagseselosan niya po sa anak kong 28 years old. Binata po yung anak ko,” ayon kay Jean Villaruel na ina ng biktima. “Naka-oxygen, may mga aparato na nakakabit pa sa kanya. Yung gusto lang namin mangyari, sana mahuli yung suspect po. Para mabigyan ng hustisya, yung anak ko po. Kasi, hindi makatao yung ginawa niya. Sobrang sakit, sana ako nalang nag suffer, hindi yung anak ko, hindi ko kaya, ganun yung ginawa sa kanya,” dagdag ni Villaruel. Ayon sa nakakita, pinagbantaan pa ng suspek ang biktima bago silaban ang biktima. “Nakadalawang balik kasi siya eh, sa pangalawang balik niya, doon siya nagsabi ng ano… may dalang supot, tapos bigla niyang binuhos yung gasolina pala yung dala niya, sabay sindi nung lighter at eto regalo ko sayo,” sabi ni Andro Pedron, na nakakita sa insidente. Nagtamo rin ng first degree burns at nalapnos ang kanang binti ng asawa ni Pedron na si Gesilie, 38-anyos na sa oras na iyon ay naglalaba sa tapat ng biktima. “Ako po, hindi ko akalain na na nasusunog na ako. Tapos buti nalang, yung mga nilalabhan ko, yun yung nadampot ko para maapula yung apoy po sa akin,&quot; sabi ni Gesilie Pedron. Kwento niya napayakap siya sa kanyang mga anak pagkatapos ng insidente. &quot;Tapos pagkapasok ko, niyakap ko yung tatlo (anak) ko kasi mga ano eh, nanginginig na yung mga anak ko eh, yung 10 years old at 5 years old, nakita nila akong inaapoy,” dagdag niya. Pinaghahanap ng barangay ang suspek na residente rin sa lugar, na tumakas matapos ang insidente. Napag-alaman din ng barangay na sinasaktan ng suspek ang kanyang asawa. Kaya nakapag-issue ang barangay ng 15 days na protection order laban sa suspek kung saan bawal niyang tawagan o lapitan ang asawa. “Andun na yung verbal abuse, may verbal abuse siya, meron na din siyang pananakit, doon sa misis niya,” sabi ni Ives Ebrada, Punong Barangay ng Pitogo. Naglagay na rin ng mga tauhan ang barangay sa eskinita kung saan nangyari ang krimen, para mabantayan ang mga residenteng nakatira doon. “Nag assign ako ng dalawang bantay bayan doon, parehong kanto na magbantay. Kung makita man nila, damputin na,” dagdag ni Ebrada. Ngayong Lunes, ika-23  ng Hunyo, aasikasuhin ng pamilya ng mga biktima ang pormal na reklamong isasampa laban sa suspek.

Nagtamo ng third degree burns sa buong katawan ang 28-taong gulang na lalaki matapos silaban ng isang lalaki sa Barangay Pitogo, Taguig, 10:30 Biyernes ng gabi, ika-20 ng Hunyo, 2025.

Nagtamo ng third degree burns sa buong katawan ang 28-taong gulang na lalaki matapos silaban ng isang lalaki sa Barangay Pitogo, Taguig, 10:30 Biyernes ng gabi, ika-20 ng Hunyo, 2025.

Lalaki nagtamo ng 3rd degree burns nang silaban dahil sa selos

News

Entertainment

Lifestyle

Sports

Metro.Style

More

Traffic

Manila

Horoscope

Nation

Lalaki nagtamo ng 3rd degree burns nang silaban dahil sa selos

Darylle Sarmiento,

ABS-CBN News

Published Jun 23, 2025 03:35 PM PHT

Read More:

Taguig

Barangay Pitogo

sinilaban

selos

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.