Geline Salac

Kahera arestado matapos pagnakawan ang supermarket sa Caloocan

Article (news)

Kaxandra Salonga

ABS-CBN News

Arestado sa Malabon City nitong Miyerkoles ang isang 35-anyos na kahera na sangkot sa serye ng pagnanakaw sa isang supermarket sa Caloocan City.Ayon kay PLt. Alexander Manalo, hepe ng warrant and subpoena section ng Malabon Police Station, noong September 2020 nangyari ang pagnanakaw.“Ang ginagawa nila, &#x27;yung mga kasamahan niya… kapag bibili ng produkto galing doon sa supermarket, bilang kahera, hindi niya pina-punch lahat ng produkto. Pagkatapos nilang masagawa &#x27;yung mali nilang ginagawa, saka nila paghahati-hatian &#x27;yung proceeds ng mga ninakaw nila,” pahayag ni PLt. Manalo.Ayon sa pulisya, umaabot sa libo ang halaga ng mga produktong hindi sinisingil ng kahera mula sa kanyang mga kasabwat na nagpapanggap na kustomer.Nadiskubre umano ng employer ang anomalya matapos mapansin ang discrepancy sa inventory. Agad itong ini-report sa mga awtoridad.“’Yung kanyang pagnanakaw… napatunayan sa pagsasampa sa kanya ng reklamo na limang beses niyang ginawa sa ibang pagkakataon at sa magkakaibang panahon… ang sabi niya lang… natukso lang, siguro sa dala ng pangangailangan,” ani PLt. Manalo.Matapos siyang kasuhan, nakatanggap umano ng subpoena ang akusado ngunit nakalabas ito ng bansa at nagtrabaho sa Saudi Arabia bilang domestic helper. Wala siya sa Pilipinas nang ilabas ang warrant of arrest noong 2022.“Itong akusado natin ay nakapag-abroad, tapos nakauwi lang siya noong 2023. So during that time nung in-issue ‘yung warrant of arrest, wala siya sa bahay dahil nasa abroad,” dagdag ni PLt. Manalo.Naaresto ang babae sa kanyang tirahan sa Barangay Tonsuya at mapayapang sumama sa mga awtoridad. Tumanggi siyang magpaliwanag hinggil sa mga paratang laban sa kanya.Kasalukuyang nakapiit sa Malabon Police Station ang akusado na kinasuhan ng five counts of Qualified Theft.

Arestado sa Malabon City nitong Miyerkoles ang isang 35-anyos na kahera na sangkot sa serye ng pagnanakaw sa isang supermarket sa Caloocan City.

Arestado sa Malabon City nitong Miyerkoles ang isang 35-anyos na kahera na sangkot sa serye ng pagnanakaw sa isang supermarket sa Caloocan City.