Ched Rick Gatchalian

Article (news)

Lalaki sugatan matapos barilin ng riding-in-tandem sa Malate, Maynila

Bea Cuadra

ABS-CBN News

MAYNILA — Sugatan ang 38-anyos na lalaki matapos barilin ng riding-in-tandem sa Barangay 738, San Andres, Malate, Maynila, pasado alas 9:00 ng gabi nitong Biyernes, June 27.Sa kuha ng CCTV, makikita ang pagdaan ng motorsiklo ng mga salarin. Nahagip din sa cctv ang pagikot nila pabalilk.Mayamaya pa, naglalakad naman palapit ang 38-anyos na biktima  sa isang puting motorsiklong nakaparada sa tabi ng kalsada.Pagdating niya sabi harap ng puting motorsiklo ay sumunod naman sa kanyang likuran ang riding in tandem hanggang sa bumaba ang angkas nito.Tumakbo ang biktima palayo pero hinabol siya ng dalawang hindi pa nakikilalang salarin at binaril siya.Natumba ang biktima sa gilid ng kalsada pero agad ding tumayo at tumakbo naman pabalik sa kanilang motor ang riding-in-tandem at humarurot paalis.“Nagulat kami tapos ayun dumating na yung ibang ka-barangay namin sinabi na merong barilan,” kwento ni Emy Aguda, Kagawad ng Barangay 738.<div><a href="https://www.abs-cbn.com/news/nation/2025/3/4/lalaki-arestado-sa-pagtangay-ng-sasakyan-sa-malate-maynila-2049">Lalaki arestado sa pagtangay ng sasakyan sa Malate, Maynila </a></div>“Nagkahabulan sila. Bigla na lang nakita namin na tumumba siya, so ang sabi ng tao na nakakita, narinig nga nila may pumutok na baril,” dagdag nii Aguda.Ayon pa kay Aguda, nagtatrabaho bilang delivery rider ang biktima.Nabanggit din ng kagawad na tumataya umano sa sabong ang biktima.“Parang nabanggit nung isang kamag-anak na talo sa sabong tapos yung ka-meet up niya po is babayaran niya po. Ngayon yun na po yung nangyari,” kwento pa ni Aguda.Naka-helmet ang riding-in-tandem kaya hindi namukhaan ng mga residente.Kasalukuyang nagpapagaling sa ospital ang biktima na nagtamo ng tama sa kanyang binti.“Sabi kasi ng pamilya medya delikado daw po kaya nanganggilangan sila ng dugo na dalawang bag para masalinan dahil nga po habang sinusugod siya sa ospital is maraming dugo yung nawala.,” dagdag pa ni Aguda.Wala pang pahayag ang PNP sa pangyayari pero patuloy na pinaghahanap ng awtoridad ang mga salarin

Sugatan ang 38-anyos na lalaki matapos barilin ng riding-in-tandem sa Barangay 738, San Andres, Malate, Maynila, pasado alas 9 ng gabi nitong Biyernes, June 27.

Sugatan ang 38-anyos na lalaki matapos barilin ng riding-in-tandem sa Barangay 738, San Andres, Malate, Maynila, pasado alas 9 ng gabi nitong Biyernes, June 27.