Edward Mico Joseph Agustin

Arestado ang 3 lalaki habang nasagip ang 3 menor de edad matapos masangkot sa riot noong Martes ng hapon, July 15.

Article (news)

3 arestado, 3 menor de edad nasagip sa riot ng kabataan sa Sampaloc, Maynila

Bea Cuadra

ABS-CBN News

<div><img src="https://od2-image-api.abs-cbn.com/prod/editorImage/175271126634820250716220756_c45c5aa6ec6e00114e472cf614f4e102dbe9106e4ea70c17520ddeb5d244ba77.jpg" style="width:960px" class="fr-fic fr-dib"/>Arestado ang 3 lalaki habang nasagip ang 3 menor de edad matapos masangkot sa riot noong Martes ng hapon, July 15. Bea Cuadra, ABS-CBN News</div><div> </div>MAYNILA — Arestado ang 3 lalaki habang nasagip ang 3 menor de edad matapos masangkot sa riot noong Martes ng hapon, July 15.Sa kuha ng CCTV sa kahabaan ng Lacson Ave. Barangay 411, Sampaloc, Maynila, kita ang ilang kabataan sa gilid ng kalsada hanggang sa nagsisitakbuhan na ang iba at pabalik-balik sa gitna ng kalsada habang nagbabatuhan dala ang ilang pamalo at payong na tila ginawang panangga.Ayon kay kagawad Anton Salvador, nasa 20 ang sangkot sa gulo.“May nangyaring… komosyon pero agarang pinuntahan naman namin tapos nun, umalis na yung mga kabataan tapos… mga ilang minuto nangyari na nga po yung sa Lacson, dun na natuloy yung away nila—yung riot,” kwento ni Salvador.Hindi na umano bago sa lugar ang ganong eksena.“Kumbaga itong nasasakupan naming barangay, ginagawa lang po nilang battleground,” dadag ni Salvador.May mga ilang sasakyan at motorista ang naabala dahil sa nangyaring gulo ayon pa kay Salvador.“Mga dumadaan na natamaan ng bote kaso wala naman po sila masisisi diyan kasi puro kabataan e,” sabi ni Salvador.Wala umanong nasugatan sa mga sangkot sa gulo.Sa live ni Mayor Isko Moreno noong Miyerkules ng gabi sa social media, kinumpirma niya na nahuli ang 6 na sangkot sa gulo kabilang ang tatlong menor de edad.Ang 3 menor de edad ay agad ibinalik sa kanilang mga magulang habang ang 3 iba pa na nasa edad 20, 21, at 28, ay nasa kustodiya na ng Manila Police District.“Dun sa tatlong hustong gulang, may kaso na po sila. Finile-an po sila ng alarm and scandal,” aniya.Ayon naman sa kagawad ng Barangay 409 na si Kevin Batac, ang isa sa mga naarestong suspek ay residente sa kanilang barangay.Patuloy na pinaghahanap at tinutukoy ng awtoridad ang pagkakakilanlan ng iba pang kabataan na sangkot sa gulo.

May mga ilang sasakyan at motorista ang naabala dahil sa nangyaring gulo.