Nelson Morales

TV Patrol: Pagdalaw ng kaanak sa lolang may sakit sa Parañaque ipinanawagan

Article (news)

Jeff Caparas

ABS-CBN News

PARAÑAQUE CITY — Sa gitna ng pananalasa ng habagat at pagbaha, isang huling habilin ang ipinaabot ni Marieta De Asis Tiria sa mga kaanak: ang muling makita ang kaniyang mga kaanak bago mahuli ang lahat.Ipinaabot ni 86-taong gulang na ginang ang panawagan sa kapitbahay na si Donna Fausto. Pareho silang nasa evacuation center sa San Dionisio Sports Complex matapos na irescue noong Martes dahil sa pagtaas ng baha sa kanilang lugar sa Sitio San Antonio Olivarez Compound, Greenhills, Barangay San Dionisio. Ayon kay Fausto, may diabetes at iniinda ni Tiria ang isang sugat sa dibdib. Hindi rin na makalakad si Tiria at halos gumagapang na nang pumunta sa kanyang bahay para humingi ng tulong. &quot;Naiyak ako sa itsura ni nanay. Kasi maraming batikos. Porke siya tumatanggap ng pension. Mga kapitbahay, pinagdidirihan siya, maamoy daw. Bakit daw ako hindi ko daw pinagdirihan? Kasi masakit sa loob ko na makita &#x27;yung tao na gumagapang, kulang sa pagkain. Wala siyang suporta. &#x27;Pag naubos na si pera galing sa social pension, utang dito, utang do&#x27;n. Napapabayaan siya. Kasi ang ang kwan talaga sa loob ko, kahit anong hirap, dinamayan ko siya,&quot; ani Fausto. &quot;Nakita ko po na pinandidirihan siya ng iba. Pero hindi ko po siya tinalikuran. Kahit sinasabi ng iba, &#x27;bakit mo tinutulungan, hindi mo naman kadugo?&#x27; Ang sa akin lang, anong masama sa pagtulong sa kapwa?&quot; dagdag niya. Ayon kay Fausto, taong 2009 pa niya kilala si Tiria. Simula noon, alam na niya ang kondisyon ng matanda, lalo na ang diabetes nito. Sinubukan din niyang kontakin ang ilang kamag-anak ni Tiria — kabilang ang pamangkin na si Lany mula sa Cavite — pero wala raw tugon kahit sa text o tawag, kahit pa lumala na ang kondisyon ng matanda.&quot;Ang sabi po ni Lany, &#x27;pag emergency, tawagan sila. Pero nung nilalagnat na si nanay, ni ho ni ha, wala… Nais lang niya na kahit sa huling pagkakataon, mabisita siya ng kaniyang anak na si Maricel Pangilinan, o ng mga kapatid niyang sina Hilda at Veronica mula sa Pangasinan, at Celia mula Cavite,&quot; sabi ni Fausto. Ayon naman kay Cris Bulagao ng San Dionisio Fire and Rescue Department, tinignan na ng mga kawani ng city health office ang matanda at posibleng dalhin nila sa ospital. &quot;Tatlo po sila. Si nanay, bedridden na. May sakit sa paa at may sugat sa dibdib. Sa ngayon po, balak naming dalhin siya sa ospital para ma-monitor,&quot; sabi ni Bulagao. Dagdag pa ni Bulagao, kung may mga kaanak si Tiria na gustong makipag-ugnayan, maaari silang dumiretso sa San Dionisio Sports Complex o Barangay Hall ng San Dionisio. &quot;Sa ngayon po, si nanay ay hindi na nakakapagsalita nang maayos. Puro gestures na lang ang paraan ng pakikipag-ugnayan niya,&quot; aniya.

Sa gitna ng pananalasa ng habagat at pagbaha, isang huling habilin ang ipinaabot ni Marieta De Asis Tiria sa mga kaanak: ang muling makita ang kaniyang mga kaanak bago mahuli ang lahat.

Sa gitna ng pananalasa ng habagat at pagbaha, isang huling habilin ang ipinaabot ni Marieta De Asis Tiria sa mga kaanak: ang muling makita ang kaniyang mga kaanak bago mahuli ang lahat.