Tovic Salvador

HS student muntik ma-rape matapos makipagkita sa lalaking nakilala online

Article (news)

Christopher Sitson

ABS-CBN News

Arestado ang isang 26-anyos na lalaki na nagtangka umanong gahasain ang 15-anyos na babaeng grade 9 student sa Barangay Malanday, Marikina City, Linggo ng madaling araw, July 27, 2025.Ayon sa Marikina City police, nagkakilala sa online messaging application ang dalawa.“‘Yung suspek at ‘yung victim ay nagkakilala through communication, mga four days na sila nagcha-chat. Nagkasundo na magkita sila, magkakaroon ng sexual acts,” sabi ni Police Colonel Geoffrey Fernandez, Officer-In-Charge ng Marikina City Police Station.Nagkita ang dalawa sa bahay ng pinsan ng suspek. Pero nang umatras ang estudyante sa pakikipagtalik, dito na umano siya tinutukan ng patalim ng suspek.“Natakot na siya, bigla na siyang tinutukan ng kutsilyo sa mukha,” sabi ni PCol. Fernandez.Maya-maya ay may kumatok na kasamahan ng suspek sa pintuan at hindi na natuloy ang masamang balak ng suspek.“Pinalabas na, pinabihis na, as if walang nangyari,” sabi ni PCol. Fernandez.Agad na nagsumbong sa magulang ang menor de edad at idinulog naman ito sa Women and Children Protection Desk ng Barangay Malanday.Magtatanghali ng Linggo ay naaresto rin ang suspek sa kaparehong barangay.Itinanggi ng suspek ang bintang.“Wala po akong ibang sasabihin, abogado ko na lang po,” sabi ng suspek.Una na siyang nakulong taong 2020 dahil sa illegal gambling.Paalala ng pulisya, bantayan ang mga anak lalo na ang mga menor de edad.“I-check ng mga magulang ‘yung cellphone nila, tsaka wag nila palalabasin pag 10PM na,” dagdag ni PCol. Fernandez.Nakakulong na sa Marikina Police Custodial Facility ang suspek na mahaharap sa kasong Attempted Rape.

Arestado ang isang 26-anyos na lalaki na nagtangka umanong gahasain ang 15-anyos na babaeng grade 9 student sa Barangay Malanday, Marikina City, Linggo ng madaling araw, July 27, 2025.

Arestado ang isang 26-anyos na lalaki na nagtangka umanong gahasain ang 15-anyos na babaeng grade 9 student sa Barangay Malanday, Marikina City, Linggo ng madaling araw, July 27, 2025.