Eliseo Ruel Rioja

FACT CHECK: Wala halos nagbago sa ambag ng renewables sa kuryente

Sa kanyang ikaapat na State of the Nation Address (SONA) noong Lunes, Hulyo 28, 2025, ibinida ni Pangulong Ferdinand “Bongbong” Marcos Jr. ang pagpapaigting ng renewable energy sa bansa.

Article (news)

Rowena Caronan

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/175379188234220250729_SONA Renewable Energy_Main.png" style="width:960px" class="fr-fic fr-dib"/></div><div><br/></div><p>Sa kanyang ikaapat na State of the Nation Address (SONA) noong Lunes, Hulyo 28, 2025, ibinida ni Pangulong Ferdinand “Bongbong” Marcos Jr. ang pagpapaigting ng renewable energy sa bansa.</p><p>Nangangailangan ito ng konteksto.</p><p>Sa bandang <a href="https://www.youtube.com/watch?v=LPJ8Rkb1uDw" rel="noopener noreferrer" target="_blank">10:17</a> ng kanyang talumpati, sinabi ni Marcos na, &quot;Bagaman dumarami ang ating mga planta ng kuryente sa buong bansa, lalo na ang mga bagong teknolohiya at malinis na enerhiya tulad ng solar, windmill, natural gas; bagaman kilalang-kilala na tayo sa buong mundo dahil sa pagpapahalaga natin sa renewable energy, naririyan pa rin ang mga problema sa enerhiya na damang-dama ng bawat Pilipino kagaya ng 3 milyong kabahayang wala pang kuryente. Palagiang brownout.&quot;</p><p>Totoong nagpatayo ang gobyerno ng dagdag na renenewable plants. Ngunit dahil pataas din ang pangangailangan sa enerhiya, kulang na kulang ang produksyon ng renewable energy para mapababa ang matinding pagdepende ng bansa sa non-renewable energy, lalo na sa coal.</p><p>Ganito ang sinasabi ng datos.</p><p>Mula noong 2022 nang maupo sa puwesto si Marcos, nag-umpisa ang operasyon ng 26 solar, 1 geothermal, 13 hydro, at 2 biomass power plants, batay sa datos ng Department of Energy. Umangat din ang kuryenteng galing sa renewable sources mula 6,592 megawatts (MW) noong 2018 patungong 8,136 MW noong 2024.</p><p>Pero kasabay ng pagtaas ng renewable energy ang mas matulin na pagtaas ng demand sa kuryente mula 99,765 MW noong 2018 patungong 126,941 MW noong 2024. Kaya’t ang itinaas ng renewable energy na 1,544 MW ay napakaliit lamang kumpara sa itinaas ng demand sa kuryente na 27,176 MW.</p><p>Sa loob ng sampung taon mula 2015 at 2024, wala halos nagbago sa ambag ng renewables sa kabuuang kinokonsumo na kuryente ng bansa. Naglalaro lamang ito sa pagitan ng 29% at 32%.</p><p>Sa katunayan, lumalabas sa datos na coal, isa sa pangunahing dahilan ng climate change, ang sumasalo sa pataas na pangangailangan ng bansa sa kuryente.</p><p>Tumaas ang porsyento ng kuryenteng nagmumula sa coal mula 34% noong 2015 patungong 45% noong 2024 habang bumababa ang ibang non-renewable options na oil at natural gas.</p><div class="flourish-embed flourish-chart" data-src="visualisation/24454714"><script src="https://public.flourish.studio/resources/embed.js"></script><noscript><img src="https://public.flourish.studio/visualisation/24454714/thumbnail" width="100%" alt="chart visualization"/></noscript></div><div style="text-align:left"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.</em></div>

<p>Sa kanyang ikaapat na State of the Nation Address (SONA) noong Lunes, Hulyo 28, 2025, ibinida ni Pangulong Ferdinand “Bongbong” Marcos Jr. ang pagpapaigting ng renewable energy sa bansa.</p>