Cheyenne Suarez

Paaralan sa Sta. Ana, Maynila ninakawan ng 30 laptops

Arestado ang tatlong lalaki at dalawang menor de edad matapos magnakaw  ng higit 30 laptops sa isang paaralan sa kahabaan ng Posadas St. sa  Barangay 905, Punta, Sta. Ana, Maynila noong nakaraang linggo.

Article (news)

Bea Cuadra

ABS-CBN News

Arestado ang tatlong lalaki at dalawang menor de edad matapos magnakaw ng higit 30 laptops sa isang paaralan sa kahabaan ng Posadas St. sa Barangay 905, Punta, Sta. Ana, Maynila noong nakaraang linggo. Ayon kay Kagawad Edwin Zambrona, sa kasagsagan ng paghagupit ng bagyo noong nakaraang linggo ay ilang beses umanong pinasok ng mga suspek ang paaralan at unti-unting kinukuha ang 32 government owned laptops at dalawang personal na laptop ng mga guro. “Lately Iang din po nalaman ng pamunuan ng school kung ano yung nawala sa kanila nung aftermath na lang po ng bagyo, kaya from there nalaman po ng nawalan sila ng 32 laptop or 34 kasi may 2 personal laptop pa,” ayon kay Kagawad Zambrona. “Ilang beses po pala pinasok yun hindi po pala isang araw. Kung ang po yung tagal nung bagyo e ganun din po katagal nila ika nga tinira po yung [mga] laptop at iba ibang tao po yung kanilang mga kasama,” dagdag pa niya. Ayon kay Lieutenant Janice Agustin ng Chief Investigation Section ng Sta. Ana Police Station sa Maynila, bandang alas 7:00 ng umaga noong July 29 nadiskubre ng ilang guro na nawawala na ang mga laptop. “Nag report ang representative ng school at sinabi na yung kanilang mga government issued laptop ay nawawala. Nag conduct kami ng ocular inspection dun sa crime scene and pagpunta namin dun sa school is nakita nga po namin itong pinto na sinira yung pinto ng door knob ng faculty room and yung steel cabinet ay nabuksan din nila,” sabi ni PLt. Agustin. Sa imbestigasyon ng pulisya ay natuklasan nila ang butas na pader sa likod ng paaralan na isa sa posibleng dinaanan ng mga suspek papasok. Dagdag ni PLt. Agustin, sa kanilang imbestigasyon ay isang tanod ang nakapansin sa mga suspek ng umagang iyon. “May isang barangay tanod na nagsabi sa amin na nun pong umaga ng July 29, may nakita siyang limang kalalakihan na approximately 7 meters away from dun po sa pader ng school, nakita po nila na may dalang sako and then sinita niya po ito and tinanong niya kung ano saan pupunta yung mga batang kalalakihan and nag takbuhan po ito,” kwento ni PLt. Agustin. Agad nagsagawa ng follow-up operation ang mga pulis hanggang sa natunton ang mga suspek sa Barangay 905, Punta, Sta. Ana Manila noong gabi ng July 29. Unang naaresto ang tatlong lalaking edad 19, 23, at 35. Sunod na naaresto ang dalawang menor de edad o Children In Conflict with the Law (CICL) na edad 15 at 17. Ayon kay Kagawad Zambrona, lumalabas na ang dalawang menor de edad ang hinihinalang utak sa serye ng pagnanakaw at naging kasabwat ang tatlong lalaki. “Actually yung mga minors na yun ay talaga namang mga typical na natin talagang mga ano sa ating lugar yung malilikot ang kamay,” aniya. Binebenta o sinasangla umano ng mga suspek ang mga nanakaw na laptop. Depensa ng tatlong lalaki, nadamay lang sila. Ayon sa 23-anyos na suspek, inaya lang umano siya ng menor de edad na sumamang magnakaw. “Sangkot lang po ako dun… Inaya lang po ako ng kaibigan ko,” sabi ng 23-anyos na suspek. Kwento ng 35-anyos na suspek, napag-utusan lamang siya ng mga menor de edad na magbenta ng laptop na ninakaw. “Bale isang beses lang naman ako nagbenta… pagkabigay sakin laptop then saka ko binenta sa halagang 1,000… wala akong idea…. Syempre nangailangan din ako ng pera… Hindi po ako kasama pumasok dun, pinagbenta lang po talaga ako,” depensa niya. Ayon sa 19-anyos na suspek, hindi siya kasama sa pumasok sa eskwelahan pero sandaling iniwan sa kanya ang ilang laptop na ninakaw. “Pinagtabihan lang po… Saglit lang po tas kinuha din agad sakin,” aniya. Sa kabuuan ay nagkakahalaga ng nasa 1.2 million pesos ang halaga ng nanakaw ng mga suspek. Narekober ng mga pulis sa mga suspek ang 7 laptops kung saan 2 ang personal na pagmamay-ari ng mga guro at ang 5 ay government owned. “Continuous naman yung aming investigation and naghahanap pa kami ng iba pang nga ebidensya para matunton namin kung saan naroroon yung iba (pang laptops),” ayon kay PLt. Agustin. Nakakulong na sa custodial facility unit ng Sta. Ana police station ang tatlong lalaki at nahaharap sa reklamong robbery, habang ang dalawang CICL ay naiturnover na sa DSWD. Paalala ni PLt. Agustin, “Kung meron pong magtatangkang magbenta sa inyo ng laptop ay suriin po ninyo po itong mabuti at tignan niyo po kung ibebenta sainyo tignan niyo po kung ito ay may resibo ng taong nagbebenta sainyo o yung tinatawag po nating proof of ownership and kung may mga box din po ito yung modelo ng unit na binebenta sa inyo dahil kung hindi po ay bibili po kayo ng hindi po nagmamay ari ang nagbenta ay maaari po kayong makasuhan ng violation of PD1612 o yung ating anti fencing law.&quot;

Arestado ang tatlong lalaki at dalawang menor de edad matapos magnakaw ng higit 30 laptops sa isang paaralan sa kahabaan ng Posadas St. sa Barangay 905, Punta, Sta. Ana, Maynila noong nakaraang linggo.

Arestado ang tatlong lalaki at dalawang menor de edad matapos magnakaw ng higit 30 laptops sa isang paaralan sa kahabaan ng Posadas St. sa Barangay 905, Punta, Sta. Ana, Maynila noong nakaraang linggo.

Paaralan sa Sta. Ana, Maynila ninakawan ng 30 laptops, 3 lalaki at 2 menor de edad arestado

News

Entertainment

Lifestyle

Sports

Metro.Style

More

Traffic

Manila

Horoscope

Nation

Paaralan sa Sta. Ana, Maynila ninakawan ng 30 laptops, 3 lalaki at 2 menor de edad arestado

Bea Cuadra,

ABS-CBN News

Published Aug 01, 2025 10:03 AM PHT

Read More:

Punta

Sta. Ana

Manila

theft

school

government laptops

Anti-fencing law

minors

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.