Geline Salac

Bata na dinukot ng kasambahay nasagip sa Quezon City

Article (news)

KIDNAP KASAMBAHAY 1

KIDNAP KASAMBAHAY 2

Bea Cuadra

ABS-CBN News

Nasagip ng mga pulis sa kahabaan ng FPJ Avenue sa Quezon City, pasado alas 12:00 ng hatinggabi noong Lunes, August 11 ang tatlong taong gulang na batang babae matapos siyang dukutin ng 24-anyos nilang kasambahay.Ayon kay PLt. Col. Rolando Baula, ang hepe ng Masambong Police Station, sa kanilang imbestigasyon, pasado alas 8:00 ng gabi noong Linggo, August 10, nagpaalam umano ang suspek sa mga magulang ng bata na may kukunin lang siya sa katapat na bahay kasama ang biktima.“Mga ilang oras na lumipas nagtataka sila bakit hindi bumabalik na tatlong oras na,” sabi ni PLt. Col. Baula.Agad na nagsumbong sa Masambong Police Station ang mga magulang ng biktima.“Habang nagsusumbong sila dito sa amin, may nagmessage dun sa panganay ng complainant… na kasama niya &#x27;yung kasambahay nag message [na] kasama niya yung bata. Tapos nanghihingi na ng 150,000,” dagdag ni PLt. Col. Baula.Sa mga mensahe ng suspek, nagsabi pa siya na bukod sa ransom money ay gusto niyang ibigay din sa kanya ang kanyang mga gamit na naiwan sa bahay na pinagtatrabahuhan.Nagpadala din siya ng larawan ng biktima.Ayon sa PNP, pumunta ng suspek dala ang batang babae sa isang terminal sa Parañaque City kung saan sila sumakay ng taxi.“Pagdating ng Parañaque parang nakapag-isip, sumakay ng taxi, nagpahatid sa Cubao sa isang terminal dun. So, nung makita na sarado yung terminal nagpahatid naman tong suspek natin kasama yung bata dito sa may EDSA-Muñoz,” sabi ni PLt. Col. Baula.Pasado alas 12:00 ng hatinggabi noong Lunes ay sa bahagi ng FPJ Avenue sa Quezon City na nakipagkita ang suspek para kunin ang ransom.Doon na rin naaresto ng mga pulis ang suspek at nasagip ang biktima“Right handed na nung inabot, dun natin na aresto yung kasambahay na suspek,” ani ni PLt. Col. Baula.Sa tala ng pulisya, walang dating kaso ang suspek na dalawang taon nang nagtatrabaho bilang kasambahay.Aminado ang suspek sa nagawang krimen. Depensa niya, kinailangan niya ng pera pambayad sa inutangan niya.“Kailangan ko po kasi ng pera… Pambayad po sa yung na operahan po ako. Humingi na po ako ng pasensya,” aniya.Nakakulong na siya sa custodial facility unit ng Masambong Police Station at nahaharap sa kasong Kidnap-for-Ransom.Paalala ni PLt. Col. Baula, “Sa mga kumukuha ng kasambahay dapat suriin nilang maigi as much as possible pag hinihingan nila yung kasambahay ng NBI Clearance o kaya PNP clearance o at least Barangay Clearance, para as much as possible meron kayong panghahawakan na records.”

Nasagip ng mga pulis sa kahabaan ng FPJ Avenue sa Quezon City, pasado alas 12:00 ng hatinggabi noong Lunes, August 11 ang tatlong taong gulang na batang babae matapos siyang dukutin ng 24-anyos nilang kasambahay.

Nasagip ng mga pulis sa kahabaan ng FPJ Avenue sa Quezon City, pasado alas 12:00 ng hatinggabi noong Lunes, August 11 ang tatlong taong gulang na batang babae matapos siyang dukutin ng 24-anyos nilang kasambahay.