Cheyenne Suarez

Trans woman na sangkot umano sa 'Sangla-Tira' modus, arestado sa QC

Article (news)

Christopher Sitson

ABS-CBN News

(UPDATED) Arestado sa entrapment operation ang isang 31-anyos na suspek na sangkot umano sa “Sangla-Tira” modus sa Barangay Bagumbayan, Quezon City, Huwebes ng gabi, August 28, 2025. Ayon sa pulisya, isinangla ng suspek ang isang condominium unit sa mag-asawang biktima. August 25 nang magbigay ng pera ang mag-asawa. “So ‘yun ang usapan nila na yung P170,000 na ‘yun ang kabuuan bayad nila sa buong taon then nagbigay &#x27;yung mag-asawa biktima natin ng cash sa suspek. Then itong araw na ito kaya nga lumapit itong biktima natin mag-asawa kasi naverify nila na ang unit na &#x27;yon hindi nakapangalan sa kanya,” sabi ni Police Captain Rex Baldovieso, Eastwood Police Deputy Station Commander.Humirit pa umano ng karagdagang P150,000 ang suspek kaya lalong nagduda ang mga biktima. Inireport nila ito sa pulisya at ikinasa ang operasyon laban sa suspek.Tinawag ng PNP na “sangla-tira” ang modus.“Manghihingi siya ng bayad at ioffer niya &#x27;yung kanyang condo ng depende kung ano usapan nila isang taon or ilang period &#x27;yan pero hindi niya ito patitirhan dahil hindi niya ito binibigyan ng access muna &#x27;yung mga mabibiktima niya hanggang sa magdemand ulit ng panibagong pera,” sabi ni PCpt. Baldovieso.“Napakagaling po niya magsalita, sir. Kinukuha niya ‘yung loob mo at alam niyang may kakayahan ka magbayad. Meron siyang actual unit na pinapakita. Actually bibigyan ka niya ng susi para mapaniwala ka,” dagdag ni PCpt. Baldovieso.Pero ang condo unit na ipinakikita ng suspek, nirerentahan lang din pala niya, ayon sa imbestigasyon ng pulisya.Napag-alaman din nila na hindi ito ang unang beses na nasangkot sa modus ang suspek. May mga nabiktima rin umano siya sa Mandaluyong at Muntinlupa.“Mayroon siyang 14 na standing warrant na ang mga kaso na ito pare-pareho ng estafa at &#x27;yung isang warrant niya roon ay no bail sa Mandaluyong,” sabi ni PCpt. Baldovieso.Itinanggi ng suspek ang bintang.“Wala pong ganon sir na sanlaan kasi may kontrata po sila. Yes, hindi po sa amin nakapangalan pero nakaregister po &#x27;yung name naming dalawa,” sabi ng suspek.Nasa kustodiya na ng Eastwood Police ang suspek na mahaharap sa reklamong Robbery by extortion at paglabag sa Article 178 ng Revised Penal Code o paggamit ng pekeng pangalan. Nagpaalala ang pulisya sa publiko para makaiwas sa mga mapagsamantala.“Huwag po tayong magpadala sa &#x27;yung sinasabi nating too good to be true na kung may nag-aalok ng ganitong modus sangla-tira ay iverify po natin nang maayos,” sabi ni PCpt. Baldovieso.

Arestado sa entrapment operation ang isang 31-anyos na suspek na sangkot umano sa “Sangla-Tira” modus sa Barangay Bagumbayan, Quezon City, Huwebes ng gabi, August 28, 2025.

Arestado sa entrapment operation ang isang 31-anyos na suspek na sangkot umano sa “Sangla-Tira” modus sa Barangay Bagumbayan, Quezon City, Huwebes ng gabi, August 28, 2025.

Suspek sa 'Sangla-Tira' modus, arestado sa QC

News

Entertainment

Lifestyle

Sports

Metro.Style

More

Traffic

Manila

Horoscope

Nation

Suspek sa 'Sangla-Tira' modus, arestado sa QC

Christopher Sitson,

ABS-CBN News

Published Aug 29, 2025 08:28 AM PHT

|

Updated Aug 29, 2025 05:43 PM PHT

Read More:

sangla-tira modus

Quezon City

transgender woman

transwoman

condo

estafa

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.