Nelson Morales

78-anyos na babaeng bedridden, patay sa sunog sa Quezon City

Generic thumbnail for fire. Fire thumbnail

Article (news)

Lyza Aquino

ABS-CBN News

MAYNILA (UPDATED) -- Patay ang isang 78-anyos na babae matapos masunog ang hilera ng mga 3-storey townhouse sa Sct. Rallos extension, Bgy. Sacred Heart, Quezon City, Miyerkules ng hapon. Ayon sa BFP Quezon City, nag-umpisa ang apoy dakong 4:28 ng hapon. Agad itong iniakyat sa ikalawang alarma kung saang 45 na fire trucks ang rumesponde. Lumabas din sa imbestigasyon ng BFP na 5 townhouse units ang natupok, bago ito naapula makalipas ang isang oras.Isang bedridden na babae ang namatay sa sunog matapos niyang ma-trap sa kwarto. &quot;Base sa kapitbahay may naiwan sa loob, naano na namin nailabas na po, inaalam lang namin ang pagkakakilanlan. Sa second floor po namin siya nakita,&quot; sabi ni Fire Inspector Lorenzo Diaz, Sub station commander ng Pinagkaisahan fire sub station.Kwento ni TJ Salomag, caregiver ng biktima, nag-umpisa ang apoy sa sala sa unang palapag ng bahay.&quot;Nandoon kami sa taas, kukuha sana ako ng tubig kasi iinom si mommy [victim] tapos ayun, yung sunog sa baba po, first floor sa sala. Kasi marami din kasi nakalagay doon na plastic, karton,&quot; sabi ni Salomag.&quot;Nagpapasalamat po ako doon sa nagligtas sa akin. Nagsabi ako sa mga tao na si &#x27;mommy po tulungan nyo nasa loob&#x27; kaso sabi nila hindi na kaya dahil malaki na ang apoy,&quot; dagdag niya.Ayon sa kaanak ng biktima, hindi na talaga nakakakilos ng maayos ang biktima dahil sa kanyang mga karamdaman.&quot;Actually 1 year na siyang mahigit na bedridden may mga sakit siya eh diabetes, may sakit sa puso, 70 plus na rin,&quot; sabi ni Ramon Araneta, pamangkin ng biktima.Patuloy pang iniimbestigahan ng BFP ang posibleng pinagmulan ng sunog at kabuuang halaga ng pinsala nito.Bagaman hindi nadamay sa sunog ang katabing senior homecare facility ay nagsagawa pa rin sila ng temporary evacuation ng mga senior citizens na nakatira sa facility, bago tuluyang pinabalik sa lugar makalipas ang ilang oras.<div> </div><div> </div><div> </div>

Patay ang isang 78-anyos na babae matapos masunog ang hilera ng mga 3-storey townhouse sa Scout Rallos Extension, Barangay Sacred Heart, Quezon City, Miyerkules ng hapon.

Patay ang isang 78-anyos na babae matapos masunog ang hilera ng mga 3-storey townhouse sa Scout Rallos Extension, Barangay Sacred Heart, Quezon City, Miyerkules ng hapon.