Ched Rick Gatchalian

Article (news)

National Artist Virgilio Almario, departamento ng ilang unibersidad binatikos ang pagkakatalaga sa bagong tagapangulo ng KWF

ABS-CBN News

<p>MAYNILA — Kinwestyon ni National Artist for Literature Virgilio Almario at ng departmento ng ilang unibersidad sa bansa ang pagkakatalaga kay Atty. Marites Barrios-Taran bilang bagong komisyoner, kinatawan ng Wikang Tagalog, at tagapangulo ng Komisyon sa Wikang Filipino (KWF).</p><p>Kasabay ng paggunita ng Buwan ng Wikang Filipino ngayong Agosto, kinumpirma ng Malacañang nitong Huwebes na si Barrios-Taran na ang magsisilbing pinuno ng KWF.</p><p>Tungkulin ng KWF na magbalangkas ng mga plano, programa, pananaliksik, at patakaran para mapagyaman ang wikang Filipino at iba pang wika ng bansa.</p><div><a href="https://www.abs-cbn.com/lifestyle/2024/8/20/bahagi-na-nga-ba-ng-wikang-filipino-ang-mga-salitang-gen-z-1953">Bahagi na nga ba ng Wikang Filipino ang mga salitang Gen Z?</a></div><p>Ngunit giit ni Almario, dati ring tagapangulo ng KWF, hindi nasunod ang Implementing Rules and Regulations (IRR) sa pagpili kay Barrios-Taran at may mas kalipikado pa umanong maging tagapangulo ng KWF.</p><p>&quot;Sino si Barrios-Taran? Political appointee. Wala na. Nasunod ba ang IRR ng KWF? Kailan ba iyan nasunod? Ni hindi siguro alám ni Kalihim [Lucas] Bersamin na may IRR ang KWF,&quot; paliwanag ni Almario sa kaniyang Facebook page na <a href="https://www.facebook.com/FilipinoNgayon2020/posts/pfbid02aMcSNvjEfL8EphuELasxqBbETVgWrLe3SQbPGs5b2FJQAKftLXMFEvQ45HkZcSREl">Filipino Ngayon.</a></p><p>Dagdag pa ng national artist, maaring hindi raw alam ng administrasyon ang nais niyang pasimulang tradisyon na italaga ang mga lider ng KWF mula sa nominasyon ng mga kapisanan at kagawarang pangwika at pampanitikan.</p><p>Ito raw ay para magkaroon ng higit na tiwala ang mga guro, estudyante, at alagad ng wika sa komisyon, sa kabila ng pagtalaga ng mga nagdaang administrasyon sa aniya&#x27;y &quot;kung sino-sinong Barabas at Herodas&quot; sa KWF mula 1946.</p><p>Panawagan ni Almario kay Pangulong Ferdinand Marcos Jr. na bawiin muna ang pagkakatalaga kay Barrios-Taran, &quot;linisin ang pamunuan ng KWF&quot; at imbestigahan ang mga gulo umano na nangyari sa komisyon. </p><p>&quot;Maghintay tayo ng isang higit na kalipikado at marangal para sa tungkuling tagapangulo at ng higit na may bisyong mga komisyoner ng KWF,&quot; ani Almario. &quot;Iyan ay kung nais talaga ni BBM maglingkod sa kapakanan ng wika at kulturang Filipino.&quot;</p><div><a href="https://www.abs-cbn.com/news/2024/8/1/marcos-jr-mahalin-ang-wikang-filipino-2004"><strong>Marcos Jr.: &#x27;Mahalin ang Wikang Filipino&#x27;</strong></a></div><p>Sa isang pahayag, kapuwa nais din ng Departamento ng Filipino at Panitikan ng Pilipinas at Sentro ng Wikang Filipino ng University of the Philippines (UP) Diliman na bawiin ang appointment ni Barrios-Taran.</p><p>&quot;Nakasulat sa nasabing batas na inaasahan mula sa isang komisyoner ay may sapat na kaalaman sa disiplina at usaping pangwika at  kultura,&quot; saad ng buklod na pahayag.</p><p>&quot;Mariing nananawagan sa Pangulo ng Pilipinas at sa pamunuan ng Komisyon ng Wikang Filipino na bawiin ang appointment. Hindi tayo maaaring manahimik sa hayagang paglabag sa itinatakdang proseso at pamantayan para sa isang makatuwirang pamumuno,&quot; dagdag pa nila.</p><p>Anila, dapat tanggalin sa posisyon ang mga &quot;taong walang alam sa kanilang tungkulin sa pagtataguyod sa wika at sambayanan.&quot;</p><div><br/></div><div><strong>&#x27;NAGING PAMIGAY NA LANG ANG POSISYON SA AHENSYANG PANG-WIKA&#x27;</strong></div><p>Binatikos ng Departamento ng Filipino ng De La Salle University (DLSU) ang anila&#x27;y &quot;hindi wasto at labag sa batas&quot; na paghirang ng administrasyon kay Barrios-Taran bilang tagapangulo ng KWF.</p><p>Sa isang pahayag, binanggit ng kagawaran ang ika-siyam na seksyon ng IRR kung saan sinasabing dapat manggaling ang komisyoner sa mga nominadong pangalan mula sa mga establisadong organisasyong pangwika at pampanitikan.</p><p>&quot;Ang anumang pagbalewala sa mga nasabing kahingian ay hindi lamang labag sa batas kundi dambuhalang insulto rin sa sektor ng mga tagapagtaguyod ng wika at sa sambayanang nagpapasweldo sa mga opisyal ng gobyerno,&quot; paliwanag ng departamento.</p><div><a href="https://www.abs-cbn.com/news/2024/9/20/house-defers-deliberations-on-kwf-s-proposed-2025-budget-2125">House defers deliberations on KWF’s proposed 2025 budget</a></div><p>Dagdag pa nito, tila nagiging &quot;pamigay&quot; na lang umano sa mga kaalyado ng pamahalaan ang mga posisyon sa mahahalagang ahensyang pangwika, pangkultura, at pang-edukasyon.</p><p>&quot;Sa ganitong diwa, hinihiling namin kay Presidente Ferdinand Marcos Jr. na bawiin ang appointment ng bagong tagapangulo ng KWF at sundin ang proseso ng nominasyon at pagpili na nakasaad sa batas at sa IRR ng batas,&quot; sabi ng kagawaran.</p><p>Maging ang Departmento ng Araling Pilipino ng Bulacan State University ay nagpahayag din ng sentimyento sa usapin.</p><p>&quot;Sa usaping pangwika, hindi maaaring gawing dekorasyon ang posisyon upang basta na lamang mapunan ang mga puwang. Sa lahat ng pagkakataon, kailangang tiyakin na ang mga itinalaga ay may sapat na kaalaman, kasanayan, at kahandaan upang maisakatuparan ang kaakibat na tungkulin,&quot; paliwanag nito sa isang pahayag.</p><p>Wala pang pahayag tungkol sa mga puna ang KWF, ang Malacañang, o si Barrios-Taran.</p><div><br/></div><div><strong>KAUGNAY NA VIDEO:</strong></div><div><strong><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/sW9gs4Fwvcw?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span></strong><br/></div>

<p>"Sino si Barrios-Taran? Political appointee. Wala na. Nasunod ba ang IRR ng KWF? Kailan ba iyan nasunod? Ni hindi siguro alám ni Kalihim Bersamin na may IRR ang KWF," paliwanag ni National Artist Virgilio Almario sa kaniyang Facebook page na Filipino Ngayon.</p>

"Sino si Barrios-Taran? Political appointee. Wala na. Nasunod ba ang IRR ng KWF? Kailan ba iyan nasunod? Ni hindi siguro alám ni Kalihim Bersamin na may IRR ang KWF," paliwanag ni National Artist Virgilio Almario sa kaniyang Facebook page na Filipino Ngayon.

National Artist Virgilio Almario, departamento ng ilang unibersidad nanawagang bawiin ang pagkakatalaga sa bagong tagapangulo ng KWF

News

Entertainment

Lifestyle

Sports

Metro.Style

More

Traffic

Manila

Horoscope

Nation

National Artist Virgilio Almario, departamento ng ilang unibersidad nanawagang bawiin ang pagkakatalaga sa bagong tagapangulo ng KWF

Ched Rick Gatchalian,

ABS-CBN News

Published Aug 09, 2025 10:12 AM PHT

|

Updated Aug 09, 2025 12:30 PM PHT

Read More:

ABSnews

ANC Promo

Komisyon sa Wikang Filipino

Virgilio Almario

KWF

Marites Barrios-Taran

UP Diliman

De La Salle University

Bulacan State University

Ferdinand Marcos Jr.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.