Ched Rick Gatchalian

Article (news)

2 lalaking nagpapakilalang private contractor, arestado matapos magpakilalang PNR Chairman

Lyza Aquino

ABS-CBN News

MANILA — Arestado ang dalawang lalaki na nagpapakilalang mga private contractors, matapos mahuling ginagamit ang pangalan ni Philippine National Railways Chairman Michael Ted Macapagal, para makapangikil ng pera sa ibang suplayer at mga contractor na nais magka-proyekto sa PNR.Ayon kay Police Lieutenant Colonel Gilbert Cruz, Station Commander ng Moriones Police Station, nakatanggap sila ng tawag mula sa opisina ni Macapagal hinggil sa dalawang suspect na ginagawa ang ilegal na transaksyon sa loob mismo ng compound ng PNR sa Tutuban, Maynila, Huwebes ng hapon.Agad pumunta ang mga pulis sa lugar at inaresto ang mga suspek na may edad 60 at 57 years old.&quot;Nagpanggap [ang mga suspek] na kilala nila si PNR Chairman Michael Macapagal. Then si Chairman pinahold niya yung mga taong ito nalaman nga nya na ginagamit ang pangalan niya regarding sa mga project ng mga iscrap [metal] dyan sa PNR,&quot; sabi ni Cruz.Lumabas sa imbestigasyon ng pulisya, modus umano ng dalawang suspek ang magpanggap na nanalo sila ng bidding ng mga scrap metal para sa PNR. Magpapakita sila ng pekeng mga litrato at dokumento para ma-enganyong makipagtransaksyon ang ilang biktimang contractors.Ginagamit din nila ang pangalan mismo ni Chairman Macapagal, o kaya&#x27;y ibang opisyal ng PNR at nangangako silang magkakaroon ng proyekto sa PNR ang mga biktima kung magbabayad sila ng malaking halaga ng pera.&quot;Ang kanilang modus, lumalabas siyang swindling, kunwari nag bidding sila at nanalo sila at kunwari na-award sa kanila ang mga scrap metal sa loob at pakikita nila ito na pasok sila sa PNR isho-show case nila ito at magkakabayaran na sila noong mga tao,&quot; sabi ni Cruz.&quot;Usually ito yung mga bumibili ng scrap metal sa malalaking mga junk shop,&quot; dagdag niya.Paliwanag naman ni Macapagal, matagal na niya itong inireport sa NBI.&quot;Matagal na hong nangyayari po yan may mga insidente na may mga gumagamit sa pangalan ko, nageextort ng pera sa mga kontratista sa PNR,&quot; sabi ni Macapagal.&quot;At hindi lamang pangalan ko, pangalan ng mga direktor namin, pangalan ng ibang mga nagtatrabaho sa PNR. So naireport ho yan sa opisina ko, kaya naireport ko yan sa NBI matagal na ho, nagkataon po na nasa PNR grounds sila, nasa may labas namin kaya tumawag po ako ng pulis pinahuli ko po sila,&quot; dagdag niya.Nang tanungin kung magkano ang natatangay na pera ng mga suspek sa mga biktima, pinaliwanag ni Macapagal na umaabot na itong isa o dalawang milyon.&quot;Minsan ho isang milyong, minsan dalawang milyon, hindi ko ho alam eh no, lumapit lang sa akin yung mga taong na niloko nila kaya alam ko na sila yung mga yun dahil may mga picture na dala.&quot;Tumangging magbigay ng pahayag ang dalawang suspek, na ngayon ay nakakulong sa Moriones Police Station. Nahaharap sila sa reklamong Usurpation of Authority or Official Function.Nananawagan naman ang Moriones Police na makipagugnayan sa kanilang tanggapan ang sinumang nabiktima ng parehong modus upang masampahan ng karagdagang reklamo ang dalawang suspek.&quot;To the general public, magingat lamang po tayo sa mga tao na gumagamit sa pangalan ko at pangalan ng kahit sinumang empleyado o opisyal ng Philippine National Railways, kasi po wala kaming binibigyan ng authority na kahit na sino na humingi ng pera sa mga kontratista. Bawal ho yan,&quot; sabi ni Macapagal.

Arestado ang dalawang lalaki na nagpapakilalang mga private contractors, matapos mahuling ginagamit ang pangalan ni Philippine National Railways Chairman Michael Ted Macapagal, para makapangikil ng pera sa ibang suplayer at mga contractor na nais magka-proyekto sa PNR.

Arestado ang dalawang lalaki na nagpapakilalang mga private contractors, matapos mahuling ginagamit ang pangalan ni Philippine National Railways Chairman Michael Ted Macapagal, para makapangikil ng pera sa ibang suplayer at mga contractor na nais magka-proyekto sa PNR.

2 lalaking nagpapakilalang private contractor, arestado matapos magpakilalang PNR chairman

News

Entertainment

Lifestyle

Sports

Metro.Style

More

Traffic

Manila

Horoscope

Nation

2 lalaking nagpapakilalang private contractor, arestado matapos magpakilalang PNR chairman

Lyza Aquino,

ABS-CBN News

Published Sep 10, 2025 11:45 PM PHT

Read More:

Contractor

PNR

Philippine National Railways

Crime

Michael Macapagal

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.