Geline Salac

Rider na maghahatid ng misis, patay matapos mabangga ng jeep sa Caloocan

Article (news)

HULINGHATID1

HULINGHATID2

HULING HATID VID

Christopher Sitson

ABS-CBN News

Hindi na naihatid ng 32-anyos na rider sa trabaho ang 29-anyos niyang misis matapos silang mabangga ng jeep sa F.S. Samano Road, Barangay 175, Caloocan City, Sabado ng madaling araw, September 27, 2025.Patay ang rider habang ginagamot pa sa ospital ang kanyang asawa.<div><script data-wid="auto" type="text/javascript" src="https://content.viralize.tv/display/?zid=AAFz86TOfDIfqXIe&amp;cid=ABjwlKnuiL-_kyZc"></script></div>Sa video makikita na biglang nag-counterflow ang humaharurot at pagewang-gewang na jeep mag-aalas tres ng madaling araw noong Sabado.Sinalpok ng jeep ang motorsiklo na nasa tamang lane.Sa lakas ng impact, tumilapon ang mag-asawang sakay ng motorsiklo.Agad silang tinulungan ng mga rescuer ng barangay na napadaan sa lugar.“Yung dalawa sir nakadapa and then nakita namin medyo ginanon ko tinapik ko &#x27;yung dalawa, gumagalaw. Tinanong namin kung ano pangalan taga saan sila sinabi naman po sir,” sabi ni Luis Noces, Rescuer ng Barangay 175.Isinugod sa ospital ang mga biktima.Kalauna’y binawian ng buhay ang rider habang naka-confine pa ang kanyang asawa. Tila nayuping lata ang motorsiklo habang bumalagbag ang jeep sa gilid ng kalsada.Tumakas ang jeepney driver matapos ang insidente.Kwento ng mga kaanak ng mga biktima, ihahatid lang sana sa trabaho ng rider ang kanyang asawa.Naulila ng rider hindi lang ang kanyang misis, maging ang dalawa nilang anak na babae na 13-anyos at 4-anyos.“Napakasakit po sa akin parang hindi ko matanggap na ganon ang nangyari sa anak ko. Mahirap po kasi unang-una po maliliit pa sila tapos syempre walang maghahanapbuhay sa kanila dahil diyan sa nangyari,” sabi ng ina ng nasawing rider.Nananatili sa ospital ang babaeng biktima na kailangang sumailalim sa dalawa pang operasyon.“Kailangan niya pa operahan sa may left arm niya tapos &#x27;yung sa may balakang kasi bali rin. &#x27;Yung paa naman niya naoperahan na kahapon saka okay naman naging operasyon niya naging successful naman. Ang daming test na ginagawa pero kinakaya niya, kahit hirap na hirap na siya sa sobrang sakit, para sa mga anak niya,” sabi ng hipag ng babae sugatan.Ayon sa kaanak, nagpaabot na ng paunang tulong pinansyal ang operator ng jeep.Ayon sa Caloocan Police, tukoy na nila ang pagkakakilanlan ng tumakas na jeepney driver na mahaharap sa reklamong Reckless Imprudence resulting in Homicide, Serious Physical Injury, and Damage to Properties.Patuloy ang kanilang imbestigasyon.May panawagan ang mga kaanak ng mga biktima sa driver ng jeep.“Sana po magpakita na po siya para matapos na po ang problema. Kasi hindi namin alam kung saan kukunin ‘yung mga pinansyal. Napakalaki po ng gastusin. Napalaki po ang nawala sa amin,” sabi ng ina ng nasawing rider.“Sana sumurrender na siya para mabigyan ng hustisya ‘yung pagkamatay nung asawa ng hipag ko,” sabi ng hipag ng babaeng sugatan.

Ihahatid lang sana sa trabaho ng rider ang kanyang asawa. Naulila ng rider hindi lang ang kanyang misis, maging ang dalawa nilang anak na babae na 13-anyos at 4-anyos.

Ihahatid lang sana sa trabaho ng rider ang kanyang asawa. Naulila ng rider hindi lang ang kanyang misis, maging ang dalawa nilang anak na babae na 13-anyos at 4-anyos.