Ched Rick Gatchalian

Article (news)

1 patay, 1 sugatan sa sunog sa Pasig City

Bea Cuadra

ABS-CBN News

MAYNILA — Nasawi ang 4 na taong gulang na batang lalaki habang nagtamo ng second-degree burn ang 47-anyos niyang ina matapos matupok ang isang bahay sa Barangay Pinagbuhatan, Pasig City, pasado alas 2:00 ng madaling araw nitong Sabado, Septmeber 6.Ayon kay Michael Santos, hepe ng Pinagbuhatan Action Center na isa rin sa mga unang rumesponde sa sunog, sinubukan pa ng ina na iligtas ang kanyang anak.“Base po dun sa mga kwento na in-attempt po ng nanay talaga na ilabas yung anak niya. Dahil nga lumakas na nabitawan niya, dahil sabi nung mga ano may kuryente nga daw kaya nung nabitawan niya yung anak niya, hinila na siya nung ibang residente kasi lumalakas na yung apoy talaga,” sabi ni Santos.Nahirapan silang apulahin agad ang sunog dahil masikip ang mga eskinita at mabilis na kumalat ang apoy dahil gawa sa light materials ang bahay.Itinaas sa unang alarma ang sunog ng 2:22 a.m. at naapula ng 2:46 a.m.<div><a href="https://www.abs-cbn.com/news/nation/2025/9/5/fire-volunteer-group-rumesponde-sa-inakala-nilang-sunog-sa-maynila-1927">Fire volunteer group rumesponde sa inakala nilang sunog sa Maynila </a></div>Kwento ng nasunugan na si Arthur Pahit, nakarinig na lamang siya na may sumisigaw ng “sunog” sa kabilang kwarto.Agad niyang ginising ang kanyang anak sa unang palapag ng inuupahang bahay para makalikas.Binalikan niya ang kanyang cellphone at susi ng motorsiklo sa kwarto sa ikalawang palapag at doon na niya nakita na nasusunog ang kabilang kwarto.“Ang tumakbo sa isipan ko na maisalba ko yung kasama yung anak ko yung buhay ako, hindi ko na inisip yung ibang gamit basta kinuha ko lang yung cellphone ko taaka susi ng motor ko… Okay lang yan kasi ang gamit nakikita natin pero ang buhay, di natin maibabalik,” sabi ni Pahit.Limang pamilya o labintatlong indibidwal ang apektado ng sunog.Patuloy pang iniimbestigahan ng Bureau of Fire Protection ang sanhi ng sunog at hindi pa matukoy ang kabuuang halaga ng pinsala.Paalala ni Santos na huwag iiwanang nakasaksak ang appliances pag matutulog o aalis ng bahay para makaiwas sa sunog.

Nasawi ang 4 na taong gulang na batang lalaki habang nagtamo ng second-degree burn ang 47-anyos niyang ina matapos matupok ang isang bahay sa Barangay Pinagbuhatan, Pasig City, pasado alas 2:00 ng madaling araw nitong Sabado, Septmeber 6.

Nasawi ang 4 na taong gulang na batang lalaki habang nagtamo ng second-degree burn ang 47-anyos niyang ina matapos matupok ang isang bahay sa Barangay Pinagbuhatan, Pasig City, pasado alas 2:00 ng madaling araw nitong Sabado, Septmeber 6.