Edward Mico Joseph Agustin

Arestado ang dalawang lalaki matapos mangholdap ng 17-anyos na babaeng naglalakad sa Rivera Street, Barangay Sangandaan, Quezon City, pasado alas tres ng madaling araw noong Huwebes, September 4. 

Article (news)

Panghoholdap sa isang menor de edad sa Quezon City, sapul sa CCTV

Bea Cuadra

ABS-CBN News

MAYNILA — Arestado ang dalawang lalaki matapos mangholdap ng 17-anyos na babaeng naglalakad sa Rivera Street, Barangay Sangandaan, Quezon City, pasado alas 3 ng madaling araw noong Huwebes, September 4. Sa kuha ng CCTV, makikita na dumaan ang isang motorsiklo sakay ang tatlong lalaki. Kasunod na naglalakad ang biktima. Umikot ang mga suspek hanggang sa na corner nila ang biktima. Pinilit nilang kunin ang wallet ng biktima na natumba pa at nagsisigaw bago nakatakbo palayo. Ayon kay PLt. Col. Christopher Francis Siriban, ang hepe ng Talipapa Police Station 3, nakita ng mga suspek na may dalang wallet ang biktima kaya siya binalikan ng mga suspek na sakay ng motorsiklo.<div><a href="https://www.abs-cbn.com/news/nation/2025/8/25/babaeng-sangkot-sa-pamamaril-sa-sta-cruz-maynila-arestado-1655">Babaeng sangkot umano sa pamamaril sa Maynila, arestado </a></div>“Habang naglalakad ang ating victim ay sinalubong po siya at pwersahang kinuha ang kanyang wallet nung mga suspek,” sabi ni PLt. Col. Siriban.Nagsumbong ang biktima kasama ang kanyang mga magulang sa Talipapa Police Station hapon noong Huwebes. “Nung pumunta po dito nagreklamo yung ating victim pinakita po namin yung mga previous records namin na may previous cases sa robbery at may tinuro po siyang isa na positively identified niya at agaran po yung follow up natin hanggang sa mahuli po yung ating mga suspek,” sabi ni PLt. Col. Siriban.Agad na nagsagawa ng manhunt operation ang mga pulis hanggang sa natunton nila ang kinaroroonan ng dalawa sa tatlong suspek na edad 26 at 20-anyos.Hindi na na-recover ang ninakaw na wallet ng biktima. <div> </div><div>KASABWAT HINAHANAP PA </div>Ayon sa record ng pulisya, dati na ring nakulong ang 26-anyos na suspek sa mga kasong may kinalaman sa pagnanakaw at ilegal na droga.Aminado ang dalawang suspek sa nagawang krimen. “Dala lang po ng pangangailangan po sa buhay, napakahirap po kasi ng buhay. Wala kami makakapitan kaya yun lang naisip namin… kapos po eh hindi po sapat kaya kumapit na lang kami sa patalim,” paliwanag ng 26-anyos na suspek.“Dala lang din po ng pangangailangan… pagkain po, kita,” sabi ng 20-anyos na suspek.Nasa kustodiya na sila ng Talipapa Police Station 3 at nahaharap sa reklamong robbery. Patuloy na pinaghahanap ng mga pulis ang isa pang kasabwat ng mga suspek.Paalala ng awtoridad sa mamamayan na iwasang maglakad mag-isa lalo na sa gabi para hindi mabiktima ng masasamang loob.

Arestado ang dalawang lalaki matapos mangholdap ng 17-anyos na babaeng naglalakad sa Rivera Street, Barangay Sangandaan, Quezon City, pasado alas 3 ng madaling araw noong Huwebes, September 4.

Arestado ang dalawang lalaki matapos mangholdap ng 17-anyos na babaeng naglalakad sa Rivera Street, Barangay Sangandaan, Quezon City, pasado alas 3 ng madaling araw noong Huwebes, September 4.