Tovic Salvador

Aspin patay sa saksak dahil sa pagkuha ng kapirasong karne

Article (news)

Christopher Sitson

ABS-CBN News

Patay sa saksak ang isang asong Pinoy o &quot;Aspin&quot; dahil sa pagtangay ng karne sa isang palengke sa Barangay 154, Caloocan City noong Miyerkules, Enero 7.Sa kuha ng CCTV sa Malolos Avenue pasado alas-6:00 ng umaga, makikita ang aso na lumapit sa isang dilaw na plastic crate at tinangay ang lamang karne nito. Agad na rumesponde ang isang lalaking naka-apron na nakabantay sa pwesto, dumampot ng kutsilyo, at inundayan ng saksak ang aso.“Makikita talagang sinaksak ‘yung aso ng isang suspek,” pagkumpirma ni Ian Estopa, Administrative Officer 1 ng Caloocan City Veterinary Department.Bagama’t nakatakbo pa papalayo ang duguang aso, kalaunan ay nasagip ito ng mga pulis pasado alas-8:00 ng umaga at isinugod sa veterinary hospital. Gayunpaman, hindi na nakayanan ng aso ang tindi ng sugat na natamo.“Sinubukan namang iligtas ng doktor, kaso eventually namatay ‘yung aso because of severe physical trauma,” dagdag ni Estopa.Naireport sa City Veterinary Department ng LGU-Caloocan ang insidente nito lamang Enero 13, at agad nagsagawa ng imbestigasyon.Sa tulong ng CCTV, kumpiyansa ang City Vet na matutukoy nila ang pagkakakilanlan ng suspek at amo ng aspin.Binigyang-diin ni Dr. Teodoro Rosales, City Veterinarian, na &#x27;survival instinct&#x27; ng gutom na hayop na maghanap ng pagkain kaya hindi dapat ito saktan o patayin.“Base kasi sa Animal Welfare Act, bawal ang manakit ng hayop. Hindi kasalanan ng hayop kung bakit siya naroon sa kalsada... survival instinct ng aso &#x27;yan. Maghahanap ‘yan ng pagkain. Hindi dapat saktan ‘yun,” giit niya.Bukod sa nanaksak, posibleng harapin din ng may-ari ng aso ang pananagutan sa ilalim ng local ordinance dahil sa pagpapabaya sa alaga.Tiniyak ng LGU na tututukan ang kaso upang hindi na pamarisan. Nanawagan din sila sa mga residente na sa halip na saktan ay i-report na lamang sa kanilang tanggapan ang mga asong gumagala o nakakaabala sa komunidad.“Kung may nakakagambala nga po na mga aso sa inyo, itawag po ninyo, ire-rescue naman po namin. Huwag niyo lang po sasaktan,” panawagan ni Estopa.Kasalukuyan nang inihahanda ang mga kaukulang kaso laban sa suspek habang patuloy ang koordinasyon ng City Vet sa barangay at pulisya.

Sa kuha ng CCTV sa Malolos Avenue pasado alas-6:00 ng umaga, makikita ang aso na lumapit sa isang dilaw na plastic crate at tinangay ang lamang karne nito.

Sa kuha ng CCTV sa Malolos Avenue pasado alas-6:00 ng umaga, makikita ang aso na lumapit sa isang dilaw na plastic crate at tinangay ang lamang karne nito.