Jauhn Etienne Villaruel

Article (news)

Christopher Sitson

Jessie Cruzat

ABS-CBN News

<div><img src="https://od2-image-api.abs-cbn.com/prod/editorImage/1768788937121Screen Shot 2026-01-19 at 10.14.08 AM_cropped_processed_by_imagy (1).png" style="width:960px" class="fr-fic fr-dib" width="960"/>Sumiklab ang sunog sa residential area sa Blk. 36, Bgy. Addition Hills, Mandaluyong City, bandang 6:00 ng umaga ng Lunes, January 19. Courtesy of Romy Mortel via CA Sitson, ABS-CBN News</div>MAYNILA (UPDATED) — Sumiklab ang sunog sa residential area sa Blk. 36, Bgy. Addition Hills, Mandaluyong City, bandang 6:00 ng umaga ng Lunes, January 19.Ang ilan sa mga residente, sinubukan pang umakyat sa bubong ng mga bahay para magbayanihan.Pero walang nagawa ang timba-timbang tubig na bitbit ng mga residente sa nagngangalit na apoy na mabilis lumamon sa mga bahay na gawa sa light materials.Itinaas sa ikatlong alarma ang sunog kaya umabot sa 80 truck ng bumbero ang rumesponde.Bukod sa dikit-dikit na mga bahay, isa rin sa mga naging suliranin sa pag-apula ng apoy ang makipot na mga daan papasok sa lugar na pinangyarihan ng sunog.Idineklara ang fire out pasado ng 9:17 ng umaga.Paghupa ng apoy, napatitig na lang ang residenteng Stephanie Andres sa naabong bahay at kabuhayan.Tanging pader at screen na lang kasi ang natira sa kaniyang tindahan.“Kumuha lang kami ng importante kasi ang bilis, andito na agad ang sunog… Wala kaming choice, babangon pa rin,” saad ni Andres.Ang senior citizen naman na si Leonita Zulita, pilit na pinapakalma ang sarili sa gilid ng kalsada bitbit ang ilang gamit na naisalba.“Kanina nangangatog ako. Nangangatog ako sa nerbyos… Nagsisigawan, may sunog! May sunog! Saan? Sabi nasa likod, sabay ako dakma nitong bag ko,” ani Zulita.Ang security guard naman na si Eduardo Quiloy na maagang umalis para mag-duty sa Ortigas, wala nang nadatnang tirahan pag-uwi.“Pag-uwi ko, hindi ko na inabutan ang bahay. Talagang abong-abo na. Abo lahat. ’Yong misis ko okay naman… Hindi man natin gustuhin, nandiyan na,” saad ni Quiloy.Aabot sa 200 pamilya ang nawalan ng tirahan, batay sa tala ng barangay.Karamihan sa kanila, totally burned ang bahay o wala nang mapapakinabangan kaya sa evacuation center muna sila pansamantalang tutuloy.“Meron naman kaming database ng mga nasunugan kaya mabilis po namin sila ma-identify para nang sa ganoon ay mabilis po natin ma-backhoe so we can start rebuilding ng kanilang bahay na meron na pong access road,” saad ni Bgy. Chairman Carlito Cernal.Pitong indibidwal ang naitalang nasaktan sa insidente kabilang ang apat na fire volunteers at isang miyembro ng BFP.“Karamihan laceration, abrasion, ’yong iba ay blisters, ’yong iba naman is difficulty of breathing. Na-attend-an naman po sila lahat at okay naman po,” ani Fire Senior Inspector Bryan J. Pillula, chief operations ng BFP Mandaluyong.Patuloy na iniimbestigahan ang mga posibleng pinagmulan ng apoy.“Natukoy na po namin ’yong origin, ’yong pinanggalingan ng apoy pero later we will announce ’yong official findings,” dagdag ni Pillula.“Nandun sa looban ’yong nasunugan, wala pa akong nakausap. Ang sabi lang meron daw isang bahay na meron daw kandila, accordingly,” dagdag naman ng kapitan.Ito na ang ikalawang sunog na naganap sa parehong barangay sa loob lang ng isang buwan.Nasa 100 tirahan din ang nilamon ng apoy nang sumiklab ang sunog sa Block 32 noong December 27, 2025. Kaya panawagan ng mga awtoridad sa publiko, pagiging responsable at ibayong pag-iingat lang ang ilan sa mga paraan para makaiwas sa ganitong uri ng sakuna.<div> </div><div>KAUGNAY NA VIDEO</div><div style="text-align:center"><iframe width="560" height="315" src="https://www.youtube.com/embed/O8b3WToLZKU?si=XXXekwVmIT65jPBO" title="YouTube video player" frameBorder="0" allowfullscreen=""></iframe> </div>

Sumiklab ang isang sunog sa residential area sa Blk. 36, Bgy. Addition Hills, Mandaluyong City, bandang 6:00 ng umaga ng Lunes, January 19.

Sumiklab ang isang sunog sa residential area sa Blk. 36, Bgy. Addition Hills, Mandaluyong City, bandang 6:00 ng umaga ng Lunes, January 19.

Sunog sumiklab sa residential area sa Mandaluyong City

News

Entertainment

Lifestyle

Sports

Metro.Style

More

Traffic

Manila

Horoscope

Nation

Sunog sumiklab sa residential area sa Mandaluyong City

Christopher Sitson,

Jessie Cruzat,

ABS-CBN News

Published Jan 19, 2026 10:17 AM PHT

|

Updated Jan 19, 2026 05:13 PM PHT

Read More:

sunog

mandaluyong

residential area

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.