Nelson Morales

Tricycle driver na nag-viral sa social media, ipinatawag ng QC traffic department

Article (news)

Francis Orcio

ABS-CBN News

MAYNILA — Ipinatawag ng Quezon City Traffic and Transport Management Department (QC-TTMD) nitong Lunes ang tricycle driver na kamakailang nag-viral sa social media kung saan nakaalitan ang isa pang nagmamaneho ng sedan.Ayon sa QC-TTMD, naganap ang insidente noong Enero 17, 2026 bandang alas-10 ng gabi sa North Avenue.Ayon kay QC-TTMD head Dexter Cardenas, nagsimula ang aksyon ng ahensya matapos suriin ang nag-viral na video.Isinalaysay ni Cardenas ang paliwanag ng tricycle driver ukol sa sitwasyon sa lugar noong gabing iyon.&quot;Noong gabing iyon kasi, kapag gabi, mayroong counter-flow lane doon sa North Avenue coming from Mindanao to EDSA. Kasi ongoing sa gabi iyong construction doon,&quot; paliwanag ni Cardenas.&quot;Merong parte na makitid doon wherein nagsasalubong talaga iyong mga motorista at doon naman nagbibigayan ang mga motorista dahil nagsasalubungan sila,&quot; dagdag niya.Makikita sa kumalat na video ang komprontasyon sa pagitan ng tricycle driver at ng isang sedan driver matapos umanong mag-counterflow ang tricycle sa bahaging pansamantalang isinara dahil sa ginagawang MRT station, dahilan para magtalaga ng counterflow lane sa kabilang linya ng kalsada.Dagdag ni Cardenas, nauwi raw sa hindi magandang palitan ng salita ang salubungan ng dalawang sasakyan.&quot;Nagkaroon ng hindi magandang palitan ng sagutan ng dalawang driver, iyong tricycle driver at yung driver na sedan,&quot; sabi ni Cardenas.&quot;According to (tricycle driver), bumaba iyong driver at nagkaroon ng kaunting commotion. At pagbalik, parang vini-video na siya, nag-react siya. &#x27;Yan nga iyong reaction niya. Pumapalakpak, nag-dirty finger,&quot; dagdag niya.Dahil dito, agad na inimbestigahan ng TTMD ang pangyayari at inimbitahan sa pagdinig ang driver ng tricycle, ang kanyang ama at operator ng naturang tricycle, pati na rin ang presidente at mga opisyal ng Pag-asa TODA.Sa pagdinig, natukoy ng TTMD ang ilang paglabag ng tricycle driver, kabilang ang pagmamaneho sa national road o Tricycle Ban, paglabag sa Certificate of Public Convenience (CPC) o Motorized Tricycle Operator’s Permit (MTOP), at pagmamaneho na may non-professional at expired o invalid na lisensya.Ayon pa kay Cardenas, hindi rin bahagi ng aprubadong ruta ng tricycle ang lugar kung saan naganap ang insidente.&quot;And upon checking, bawal siya doon sa lugar na iyon kasi hindi parte ng tricycle route nila na approved,&quot; saad ni Cardenas.Dahil dito, nadamay din ang operator sa pananagutan.&quot;Iyong tatlong violation na iyon, na committed by the driver, e&#x27; pati iyong may-ari ng tricycle, ay nagkaroon ng violation kasi ina-allow niya iyong non-professional driver,&quot; paliwanag ni Cardenas.&quot;So, meron siyang parte na kasalanan dahil pinayagan niya iyong isang driver na imaneho ang kanyang sasakyan. Kahit na alam niyang bawal,&quot; saad niya.Dumalo rin sa pulong ang mga tauhan ng Land Transportation Office (LTO) upang ihain ang Show Cause Order sa mag-ama, habang patuloy namang naka-impound ang tricycle.Tinanong din si Cardenas kung may pananagutan ba ang sedan driver, ayon sa kanya ay wala umanong malinaw na ebidensya ng paglabag sa video.Ayon pa kay Cardenas, ipinaliwanag din ng driver kung bakit siya naroroon sa kabila ng pagbabawal.&quot;Sa gabi kasi kapag iyong sa mall na iyon, bihira na iyong public transport. So, iyong mga pabalik sa barangay nila marami sila nakukuhang pasahero na gano’n,&quot; sabi niya.Sa huli, nanawagan si Cardenas sa publiko na pairalin ang disiplina at respeto sa kalsada para maiwasan ang kahalintulad na insidente.&quot;Bilang isang responsableng motorista, anywhere sa bansa natin, is iyong road courtesy and discipline. Dapat na-inculcate natin iyong mahabang pasensya while driving on the road. Hindi dapat aggresive tayo magmaneho because of the nangyayari ngayon sa kalsada. Sobrang daming sasakyan, ma-traffic,&quot; saad niya.

Ipinatawag ng Quezon City Traffic and Transport Management Department nitong Lunes ang tricycle driver na kamakailang nag-viral sa social media kung saan nakaalitan ang isa pang nagmamaneho ng sedan.

Ipinatawag ng Quezon City Traffic and Transport Management Department nitong Lunes ang tricycle driver na kamakailang nag-viral sa social media kung saan nakaalitan ang isa pang nagmamaneho ng sedan.