Geline Salac

Tindera nawalan ng higit P30K sa 'QR code scam'; 1 suspek, tiklo

Article (news)

qrcodescxamcreenshot

Allison Co

ABS-CBN News

Arestado ang isang lalaki na kasabwat umano sa isang scam gamit ang quick response (QR) code ng e-wallet sa Baseco Compound, Port Area, Manila noong Linggo, Enero 4.Ayon kay PLt. Col .Rommel Anicete, hepe ng Baseco Police Station, nagpanggap na customer ang suspek at nagpa-cash in ng halagang P200 sa kanyang e-wallet. Para magmukhang totoo, nagbayad pa anya ang suspek ng P500 at kinuha ang sukli bago pinakita sa biktima ang iiscan QR code.Dito na umano magrereklamo ang suspek na hindi pumapasok ang pera, at tatlong beses na pina-scan QR code sa biktima.Lingid sa kaalaman ng tindera, ang bawat scan ay awtomatikong nagbawas ng P10,810 sa kanyang account, kaya umabot sa P32,430 ang nakulimbat sa kanya ng mga suspek sa loob lamang ng ilang minuto.Ayon sa pulisya, nagtataka rin umano ang biktima dahil wala siyang natanggap na SMS confirmation o &#x27;unusual activity notice&#x27; habang nangyayari ang transaksyon. Nalaman na lamang umano nito na malaki ang nakaltas sa account niya nang suriin ang e-wallet balance.Sa tulong ng CCTV, natunton ang isang tuktuk na ginamit na getaway vehicle ng mga suspek. Inaresto ang driver nito matapos amining binigyan siya ng P5,000 ng kanyang kaibigan pero itinangging alam niya ang krimen.“Naging driver lang po nila ako… Nagulat po ako nung inabutan ako ng limang libo,” depensa ng arestadong driver.Lumabas din sa imbestigasyon na maging ang amo ng driver ay nabiktima rin ng kaparehong scam noon pero hindi nag-reklamo. Ang amo na rin mismo ang nagdala sa kanyang empleyado sa presinto para harapin ang imbestigasyon.“Base dito sa initial investigation natin, dito sa nahuli nating (suspek) tinatanong namin, tapos may pumunta pa dito na residente ng barangay kung saan (nakatira ang mga suspek), meron na palang previous case na ganyanNagpaalala ang Baseco Police sa publiko na maging mapagmatyag sa mga QR code transactions at siguraduhing malakas ang internet signal para makita agad ang real-time balance.Mainam din na humingi ng ID sa ka-transaksyon at busisiin ang code dahil maaari itong maglaman ng &#x27;hidden links&#x27; o automatic payment requests.Bukod sa kasong swindling, kinasuhan ang arestadong suspek ng paglabag sa Anti-Financial Account Scamming Act, Cybercrime Prevention Act.Patuloy namang pinaghahanap ang kanyang kasabwat.