Daven Tamayo

Ibang barko dapat ang sasakyan: Tulfo gustong makasuhan ng murder ang may-ari ng MV Trisha Kerstin 3

Article (news)

Anthony James Bayog

ABS-CBN News

Gustong makasuhan ng murder ni Sen. Raffy Tulfo ang Aleson Shipping Lines, may-ari ng MV Trisha Kerstin 3 na lumubog noong Enero sa Basilan matapos madiskubreng ibang barko pala dapat ang sasakyan ng mga pasahero.Sa pagdinig ng Senado nitong Huwebes (Pebrero 12), nalaman ni Tulfo na hindi MV Trisha Kerstin 3 kundi MV Antonia 2 dapat ang sasakyan ng mga pasahero mula Zamboanga papuntang Jolo.Lumubog ang MV Trisha Kerstin 3 madaling araw noong ika-26 ng Enero.Ayon sa kampo ng mga survivor na nakausap ni Tulfo, hindi hamak na mas maganda ang barkong Antonia 2 kumpara sa Trisha Kerstin 3 na mas maliit at mas luma umano.&quot;Ang Antonia 2, maganda ang kondisyon non. Kaya ang mga tao, gustong sumakay ng Antonia 2. But they were decieved, because last minute, &#x27;yung Antonia 2, pinalitan ng Kerstin,&quot; ani Tulfo.Paliwanag ni Atty. Eusebia Cadlum-Boco, Director for Legal Services ng Maritime Industry Authority (MARINA), alinsunod sa umiiral na polisiya, &quot;flexible&quot; ang pag-assign ng Aleson Shipping Lines ng mga barko sa mga ruta nito. Pero dagdag niya, hindi sigurado kung aling barko ang napipiling ibiyahe.&quot;Malaki ang gap ng size ng Antonia 2 at Trisha Kerstin 3. Nakapagsabi po ang anonymous crew natin na sanay siya sa Trisha Kerstin 3 na Dumaguete-Dapitan. At ang average na nilalarga na wing van ay apat lamang. Kaya laking gulat niya noong ruta ng Zamboanga-Jolo, biglang walo na yung total na trucks at iba pang kotse at mga motorcycles. Isa pang notable na napansin niya, sagad po siksik na siksik yung mga laman ng wing van,&quot; ani Nawila Haraji, kaanak ng mga biktima ng trahedya.Ayon sa kay Commodore Oliver Tanseco, Internal Inspector General of the Internal Affairs Service ng Philippine Coast Guard (PCG), ibinase sa kanilang mga nakapanayam na survivor ang inisyal na findings na hindi overloading ang sanhi ng paglubog ng barko dahil may mga bakante pa umanong slot doon.&quot;Kapag sasabihin nating overloaded, hindi &#x27;yon. Maganda yung narinig ko kanina na sinabi niyang  mayroong tagas &#x27;yung barko kasi from the very start, &#x27;yun na ang aming suspetya,&quot; dagdag ni Commo. Tanseco.&quot;This will indicate to our first theory kung bakit po ito lumubog. Not because initially na overloading nga, [kundi] kasi pumapasok na po yung tubig sa barko,&quot; paliwanag ni Commo. Tanseco.Sa huli, inutusan ni Tulfo ang DOTr na kasuhan ang Aleson Shipping Lines, hindi sa Basilan kundi sa DOJ. Giit ng senador, mas maiging sa ibang venue isampa ang reklamo, dahil malakas umano ang impluwensiyang pulitikal ng kumpanya sa Basilan.&quot;Maybe dito sa Maynila, wag doon sa Zamboanga o Sulu o Basilan. May impluwensiya sila doon eh,&quot; ani Tulfo.Suhestiyon ni Tulfo, kasuhan din ng murder ang kumpanya.&quot;Kaya ko nasabing murder, alam nila na ang barko nila, hindi sea-worthy. Alam nila na yung barko nila ay nago-overloading. And yet, pinayagan pa rin nila na maglayag ang barko. Alam nila na may mga mamamatay,&quot; paliwanag ni Tulfo.Ayon sa pinakahuling update nitong Pebrero 11, nasa 52 na ang bilang ng mga nasawi sa insidente matapos marekober ang isa pang katawan nitong Miyerkoles.

Gustong makasuhan ng murder ni Sen. Raffy Tulfo ang Aleson Shipping Lines, may-ari ng MV Trisha Kerstin 3 na lumubog noong Enero sa Basilan matapos madiskubreng ibang barko pala dapat ang sasakyan ng mga pasahero.

Gustong makasuhan ng murder ni Sen. Raffy Tulfo ang Aleson Shipping Lines, may-ari ng MV Trisha Kerstin 3 na lumubog noong Enero sa Basilan matapos madiskubreng ibang barko pala dapat ang sasakyan ng mga pasahero.