Tovic Salvador

Paninipa ng 'pulis' sa pusa sa Tondo, sapul sa CCTV

Article (news)

pusa sinipa 1

pusa sinipa 2

Eon Sanchez

ABS-CBN News

<div> </div><div> </div>MAYNILA (UPDATE) — Kinumpirma ng Manila Police District na isang pulis-Maynila ang sangkot sa pananakit ng isang &quot;pusang Pinoy&quot; o puspin na sapul sa CCTV sa Barangay 178, Tondo.Sa kuha ng CCTV sa Benita Street corner Ricardo Street, makikitang pagkababa ng babaeng angkas ay ipinarada ng naka-helmet na lalaki ang kanyang motorsiklo, nilapitan ang naglalakad na pusa, at sinipa ito na parang bola. Tumama pa ang pusa sa bumper ng isang nakaparadang sasakyan bago ito kumaripas ng takbo.Sa panayam ng ABS-CBN News, sinabi ni MPD spokesperson PMaj. Philipp Ines na isang pulis na naka-assign sa kanilang headquarters bilang sentinel ang sangkot sa insidente na nangyari umano noong Mayo 2025.“Meron pumunta sa atin sa General Assignment and Investigation para magdulog ng kaso sa paglabag dito sa RA 8485 o yung Animal Welfare Act kung saan, base sa ating nakuhang impormasyon, nangyari yung insidente nung May 2025,” ani Ines.Ayon sa MPD, naisampa na ang reklamo sa Manila City Prosecutor’s Office para sa preliminary investigation upang alamin kung may sapat na ebidensya laban sa pulis.“Kung sakaling magkakaroon ng sapat na ebidensya, meron tayong tinatawag na certainty of conviction. Ito ay dadalhin sa korte para magkaroon na sila ng hearing,” dagdag ni Ines.Iginiit din ng MPD na umiiral sa kanilang hanay ang prinsipyong “reward and punishment.”“Kung gumawa ka ng hindi maganda, you suffer the consequences,” ani Ines, kasabay ng paalala na may mga batas na sumasaklaw sa pangangalaga sa mga hayop bukod pa sa pagrespeto sa karapatang pantao.Samantala, sinabi ni Humane Philippines president Yza Lim na nagsimula ang kanilang pag-aksyon matapos niyang makita online ang CCTV video noong Pebrero 3. Pebrero 5 nang pormal nilang ihain ang reklamong paglabag sa Animal Welfare Act laban sa pulis sa Tanggapan ng Taga-usig ng Maynila.Ayon kay Lim, inihahanda na rin nila ang pagsasampa ng kasong administratibo sa Philippine National Police Internal Affairs Service laban sa pulis at sa kanyang station commander dahil sa umano’y kabiguan nitong agad umaksyon sa insidente.“The administrative cases before the Internal Affairs Service (IAS) are scheduled to be filed this coming week, to address both the misconduct of the respondent police officer and the failure of the station commander to perform his sworn duty,” sabi ng grupo sa isang post.Nasa kustodiya na ng Humane Philippines ang pusang nasipa at kasalukuyang inaalagaan ng kanilang rescuer.Hinihintay na ngayon ang resulta ng preliminary investigation ng piskalya kaugnay ng insidente.<div><a href="https://www.abs-cbn.com/news/nation/2025/6/3/paws-flags-proposed-house-amendments-to-animal-welfare-act-1812">PAWS flags proposed House amendments to Animal Welfare Act</a> <a href="https://www.abs-cbn.com/news/regions/2025/12/11/paws-seeks-justice-for-killing-of-dog-in-mountain-province-0855">PAWS seeks justice for &#x27;brutal&#x27; killing of dog in Mountain Province, calls for witnesses </a> <a href="https://www.abs-cbn.com/news/public-service/2025/3/15/an-animal-welfare-advocate-s-paw-some-journey-from-volunteer-to-leader-1351">An animal welfare advocate’s ‘paw-some’ journey from volunteer to leader</a></div>

Sapul sa CCTV ang pananakit ng isang lalaki sa isang puspin o "pusang Pinoy" sa Benita Street corner Ricardo Street, Barangay 178, Tondo, Manila.

Sapul sa CCTV ang pananakit ng isang lalaki sa isang puspin o "pusang Pinoy" sa Benita Street corner Ricardo Street, Barangay 178, Tondo, Manila.

MPD kinumpirmang pulis-Maynila ang nanipa ng pusa sa Tondo; kaso nasa piskalya na

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

MPD kinumpirmang pulis-Maynila ang nanipa ng pusa sa Tondo; kaso nasa piskalya na

Eon Sanchez,

ABS-CBN News

Published February 16, 2026 09:09 AM PHT

|

Updated February 16, 2026 11:29 AM PHT

Read More:

tagalog news

Pusa

Animal Welfare

Animal Cruelty

Manila Police District

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.