Tovic Salvador

Truck driver na umawat sa away sa Marikina, sinaksak ng ice pick

Article (news)

Christopher Sitson

ABS-CBN News

Sugatan ang isang 48-anyos na truck driver na umawat lamang sa nag-aaway niyang mga katrabaho sa loob ng isang trucking company sa Barangay Sto. Niño, Marikina City, nitong Sabado ng hapon, February 21, 2026.Nagtamo ng mga saksak sa batok, likod, at tainga ang biktima matapos pagsasaksakin gamit ang ice pick ng 32-anyos na suspek na kapwa niya rin truck driver.Sa imbestigasyon ng Marikina Police, isang pahinante na tumayong testigo ang kaaway ng suspek nang mga oras na iyon.“Ang atin pong suspek ay galing po sa day-off at gusto niya po muling mag-day-off pa ng isa pang araw. Sinabi po nung witness natin na isang pahinante na, &#x27;Kung mag-o-off ka pa, eh di sasampa na lang ako sa ibang driver.&#x27; Minasama po ng ating suspek kaya nagkaroon na sila ng pagtatalo,” sabi ni Police Colonel Jenny Tecson, Officer-in-Charge ng Marikina City Police Station.Nang uminit ang pagtatalo, pumagitna ang biktima at naitulak ang suspek upang umawat. Umalis ang suspek ngunit kumuha na pala ito ng patalim. Pagbalik nito, agad niyang inundayan ng saksak ang biktima.Nakalakad pa palabas ng compound ang duguang biktima at dito na siya nakahingi ng saklolo. Nataon namang may nagrorondang mga pulis kaya agad itong naisugod sa ospital, habang mabilis namang naaresto ang suspek malapit sa lugar ng insidente.Lumabas din sa imbestigasyon na nag-inuman muna ang mga magkakatrabaho bago ang gulo.Paliwanag naman ng suspek, self-defense ang kaniyang ginawa dahil may dala rin umanong patalim ang kaaway niyang pahinante. Humihingi rin siya ng paumanhin sa nasaksak na kapwa driver.“May patalim po ‘yung pahinante, siya po ‘yung unang nang-amba sa akin. ‘Yung nadampot ko, &#x27;yun lang ang nagamit ko. Umaawat po siya (biktima) pero kinampihan na niya ‘yung pahinante. Halos pagtutulungan na nila akong dalawa,” depensa ng suspek.Kasalukuyang nasa kustodiya ng Marikina Police ang suspek at nahaharap sa kasong Frustrated Homicide. Ito ang unang pagkakataon na nakulong ang suspek.

Sugatan ang isang 48-anyos na truck driver na umawat lamang sa nag-aaway niyang mga katrabaho sa loob ng isang trucking company sa Barangay Sto. Niño, Marikina City, nitong Sabado ng hapon, February 21, 2026.

Sugatan ang isang 48-anyos na truck driver na umawat lamang sa nag-aaway niyang mga katrabaho sa loob ng isang trucking company sa Barangay Sto. Niño, Marikina City, nitong Sabado ng hapon, February 21, 2026.