Geline Salac

Sapul sa CCTV: Magnanakaw nagpanggap na tenant sa San Mateo

Article (news)

Christopher Sitson

ABS-CBN News

Sapul sa CCTV ang pagpasok ng isang lalaki kawatan na nagpanggap na tenant sa isang apartment sa Barangay Ampid Uno, San Mateo, Rizal, madaling araw ng Linggo, February 22, 2026.Sa video, makikita na nag-diretso ang kawatan sa loob ng gusali at agad umakyat sa ikalawang palapag. Nang makitang may bukas na ilaw sa isang silid ay napaatras siya at bumaba.Dito na niya sinimulang buksan ang mga bintana ng mga unit at na-tsempuhan ang kuwarto nina Angelica Madla. Doon natangay ng kawatan ang cellphone sa uluhan ng natutulog na mag-anak malapit sa bintana na nagkakahalaga ng P15,000.Nang papatakas na ay hinintay muna ng kawatan na makadaan ang isang residenteng may kasamang aso bago tuluyang naglakad nang parang walang nangyari.“Nag-ikot siya, &#x27;window shopping&#x27; po literal. Kami po, kampante kami na nakabukas ‘yan kasi nga po may gate, mayroon pang CCTV; kampante kami na walang papasok, matatakot sila. First time din po naming makuhanan,” sabi ni Madla.Agad dumiretso sa barangay si Angelica para magpa-blotter sa pag-asang mahuhuli ang suspek. Dayo sa lugar ang lalaki, ayon sa barangay.“&#x27;Yun po ay dayo talaga po. Karamihan naman sa magnanakaw dito, kilala namin. Nakulong na rin ang karamihan. Sa mga dumadayo na magnanakaw, sana tigilan na po nila kasi &#x27;pag sila po ay nahuli namin, pasensyahan—talagang ipakukulong namin sila,” sabi ni Rodne Dela Fuente, Deputy Officer ng Barangay Ampid Uno Peace and Safety Office.“Kung makokonsensya ka, ibalik mo ‘yung cellphone namin. Pwede ka namang pumunta sa Brgy. Ampid Uno, pwede naman tayong mag-usap,” dagdag pa ng biktima.Pinaigting na ng barangay ang seguridad sa lugar matapos ang insidente habang patuloy ang follow-up operation para mahuli ang suspek.

Sapul sa CCTV ang pagpasok ng isang lalaki kawatan na nagpanggap na tenant sa isang apartment sa Barangay Ampid Uno, San Mateo, Rizal, madaling araw ng Linggo, February 22, 2026.

Sapul sa CCTV ang pagpasok ng isang lalaki kawatan na nagpanggap na tenant sa isang apartment sa Barangay Ampid Uno, San Mateo, Rizal, madaling araw ng Linggo, February 22, 2026.