Geline Salac

Lasing na rider sumalpok sa kasalubong na tricycle sa Antipolo

Article (news)

bumangga 2

bumangga 1

Christopher Sitson

ABS-CBN News

Sugatan ang isang lasing na rider matapos na bumangga sa kasalubong na tricycle sa bahagi ng Marcos Highway na sakop ng Barangay Sta. Cruz, Antipolo City, Rizal, nitong Martes ng gabi, February 24.Ayon sa residenteng si Angelo Millares na nakakita sa insidente, mabilis ang patakbo ng rider sa pakurbang bahagi ng kalsada kaya napunta ito sa kabilang lane at sumalpok sa kasalubong na tricycle.Tugma ang pahayag ni Millares sa kuha ng CCTV sa lugar.“Galing ‘yung motor doon, ang tulin eh. Pag kurba niya hindi niya kinaya, nag overshoot siya. Nasagi niya ‘yung bajaj na puti,” ani Millares.Duguan ang rider matapos magtamo ng mga sugat sa mukha at ulo. Agad namang umalis ang angkas nito ayon sa mga residente.“Putok ‘yung dito niya pati sa ulo. Lasing pa,” dagdag pa ni Millares.Naabutan ng nagrorondang pulis ang insidente at nakunan ng sumpak o improvised gun na may mga bala ang sugatang rider.“May nakita sa kanyang sumpak na nakalagay doon sa bag na plastic,” ani Ely Cachula, Deputy Officer In Charge (OIC) ng Barangay Sta. Cruz.Iniimbestigahan na ng Antipolo Police ang insidente.Posibleng maharap sa reklamong illegal possession of firearms at reckless imprudence resulting in damage to property ang rider.Accident prone area ang kalsada kung saan nangyari ang insidente ayon sa barangay.“Lalagyan na natin ng sign na mag ingat kahit hindi nakainom, mga driver, mag-ingat sa lugar na ito,” sabi pa ni Cachula.

Sugatan ang isang lasing na rider matapos na bumangga sa kasalubong na tricycle sa bahagi ng Marcos Highway na sakop ng Barangay Sta. Cruz, Antipolo City, Rizal, nitong Martes ng gabi, February 24.

Sugatan ang isang lasing na rider matapos na bumangga sa kasalubong na tricycle sa bahagi ng Marcos Highway na sakop ng Barangay Sta. Cruz, Antipolo City, Rizal, nitong Martes ng gabi, February 24.