Cheyenne Suarez

Remulla idineklara nang 'case closed' ang pagpatay kay PSMS Mollenido at anak

Article (news)

Anthony James Bayog

ABS-CBN News

<div><strong></strong><strong></strong></div><p>MAYNILA — Case closed na para sa mga awtoridad ang pagpatay kay Police Senior Master Sergeant (PSMS) Diane Marie Mollenido at anak nitong si John Ysmael Mollenido kasunod ng pagkaka-aresto nito sa apat na suspek na itinuturong nasa likod ng karumal-dumal na krimen.</p><div> </div><p>Sa isang press conference nitong Martes (Pebrero 3), inihayag ni Department of Interior and Local Government (DILG) Sec. Jonvic Remulla ang mga natuklasan ng pulisya sa isinagawa nitong imbestigasyon.</p><div> </div><p>Ayon kay Remulla, inaanak sa kasal ng biktima ang suspek na si Pia Katrina Panganiban, kasama sina Christian Suarez Panganiban at Gil Valdemoro Dy Jr.</p><div> </div><p>Kabilang din sa  suspek ang kapatid ni Christian na si Maribel Panganiban.</p><div> </div><p>Base sa imbestigasyon, pinatay ang mag-ina dahil sa isang scam umano kaugnay ng pagbili ng isang kotse.</p><div> </div><p>Balak umano ni Mollenido na bumili ng isang sasakyang nagkakahalaga ng P1.1 milyon sa tulong ng car agent na si Pia Panganiban at nakapagbayad na ng P550,000.</p><div> </div><p>Para makumpleto ang bayad, humingi umano ng tulong si Mollenido kay Panganiban para ibenta ang Toyota Innova. Matapos ang transaksyon, saka pinatay ang pulis.</p><div> </div><p>&quot;Mayroon po silang transaksyon, dahil sa pagbenta ng isang Toyota Innova na nagkakahalaga ng P450-K at ibinigay ang pera kay Diane Mollenido,&quot; dagdag ni Remulla.</p><div> </div><p>Ayon kay Quezon City Police District (QCPD) Director Col. Randy Glenn Silvio, hindi totoo ang ibinebentang Montero ng mga suspek at tila planado umano ang krimen.</p><div> </div><p>“Pag nabenta ‘yung P450,000, ibibigay ‘yung bayad kay Pia para makumpleto ‘yung P1M na order nilang Montero. E wala naman talagang Monterong darating kasi wala naman order,” ani Silvio.</p><div> </div><p>Namatay si Diane sa tama ng baril sa kanyang ulo habang binawian naman ng buhay ang anak nitong si John Ysmael dahil sa paggapos at pananakal ng isang plastic bag sa kanyang leeg.</p><div> </div><p>&quot;Pagkatapos mangyari [ang krimen], isinakay sa kotse ang dalawang katawan kasama ang mga anak nina Pia Panganiban, Christian Panganiban, at Gil Valdemoro. Kasama nila ang mga anak nila sa kotse, habang ang mga labi ni Diane Mollenido at kanyang anak ay nasa likod nang nakabalot,&quot; dagdag ni Remulla.</p><div> </div><p>Papuntang Baguio ang mga suspek ngunit bumalik ito upang itapon ang mga labi sa Bulacan at Tarlac.</p><div> </div><p>Nauna nang tumanggi ang mga suspek na nagtuturuan sa pagkakadawit sa krimen.</p><div> </div><p>Samantala tinitignan pa ng mga awtoridad ang anggulong sangkot ang mister ni Diane na si Police Senior Master Sergeant John Mollenido sa nasabing krimen.</p><div> </div><p>&quot;Noong nalaman niyang namatay ang asawa, imbes na i-subject to autopsy, pina-cremate agad kasama ang suot na damit. Nang tinanong siya kung ano ang involvement niya, wala siyang remorse, hindi umiiyak, hindi malungkot. Asawa&#x27;t anak ang pinatay,&quot; ani Remulla. <strong>-with reports from Karen De Guzman, ABS-CBN News</strong></p>

<p>Case closed na para sa mga awtoridad ang pagpatay kay Police Senior Master Sergeant (PSMS) Diane Marie Mollenido at anak nitong si John Ysmael Mollenido kasunod ng pagkaka-aresto nito sa apat na suspek na itinuturong nasa likod ng karumal-dumal na krimen.</p>

Case closed na para sa mga awtoridad ang pagpatay kay Police Senior Master Sergeant (PSMS) Diane Marie Mollenido at anak nitong si John Ysmael Mollenido kasunod ng pagkaka-aresto nito sa apat na suspek na itinuturong nasa likod ng karumal-dumal na krimen.