Geline Salac

Bus inararo ang 9 sasakyan sa Taft Ave-Pedro Gil

Article (news)

Bea Cuadra

ABS-CBN News

Siyam ang sugatan matapos araruhin ng isang pampasaherong bus ang limang motorsiklo, tatlong multi-purpose vehicle (MPV), at isang van sa panulukan ng Taft Avenue at Pedro Gil sa Ermita, Maynila, pasado alas-9:00 nitong Martes ng gabi, Pebrero 3.Sa kuha ng CCTV, makikita ang ilang pedestrian na tumatawid sa kalsada nang biglang dumating ang rumagasang bus na inararo ang mga sasakyang nakahinto sa intersection.Sa isa pang anggulo, nakitang sumalpok muna ang bus sa center island at tumama sa poste ng LRT-1 bago banggain ang mga sasakyang nasa harapan.Ayon sa tindero sa lugar na si Chax Testa, matulin na ang takbo ng bus bago pa ang karambola.“Mabilis yung takbo ng bus tapos bumangga pa nga siya dun sa isang yung poste ng LRT eh tapos nakita ko na lang yun na inararo na niya yung ibang mga kotse pati yung mga motor… huling binangga niya yung kotse na patawid na dito…. Marami talaga siyang nabangga,” aniya.Nagtamo ng bukol sa ulo ang 32-anyos na si Elie Sungahid matapos na kumalang sa harapan ng bus ang minamaneho niyang puting sasakyan. Nagalusan naman sa braso ang kanyang pasahero.Aniya, galing silang Binondo at huminto sa intersection ng Taft Avenue at Pedro Gil dahil nakapula ang traffic light.“Bigla na may sumalpok dun sa likod ko. Ang unang tama dun sa likod ng sasakyan… Tapos biglang lumiko na &#x27;yung [sasakyan]… Ginawa nang kalso para di na makaandar yung isang bus,” kuwento ni Sungahid.Agad rumesponde ang mga tauhan ng Manila DRRM at Barangay 669 para saklolohan ang mga biktima.Ayon kay barangay kagawad Ariel Completo, bagaman maraming sasakyan ang sangkot, walang nasawi sa insidente.“Sa CCTV, nakita naming nakatawid na ang mga tao at naka-stop ang traffic light kaya hindi mas malala ang nangyari. Actually hindi naman siya accident prone area… Tawiran talaga siya at marami dumadaan na sasakyan dun sa area… Luckily medyo gabi na kaya kokonti na mga tao,” saad niya.“Sa mga bus drivers sana lalo na sa area na yun… Medyo mag slow brake na lng para makaiwas sa anumang aksidente.” paalala pa nito.Nagpapagaling pa sa ospital ang ilan sa mga biktima.Sumuko naman sa Manila District Traffic Enforcement Unit (MDTEU) ang bus driver, na posibleng maharap sa reklamong reckless imprudence resulting in multiple physical injuries at multiple damage to property.Iniimbestigahan pa ng pulisya kung nawalan ng preno ang bus o human error ang dahilan ng road crash.

Siyam ang sugatan matapos araruhin ng isang pampasaherong bus ang limang motorsiklo, tatlong multi-purpose vehicle (MPV), at isang van sa panulukan ng Taft Avenue at Pedro Gil sa Ermita, Maynila, pasado alas-9:00 nitong Martes ng gabi, Pebrero 3.

Siyam ang sugatan matapos araruhin ng isang pampasaherong bus ang limang motorsiklo, tatlong multi-purpose vehicle (MPV), at isang van sa panulukan ng Taft Avenue at Pedro Gil sa Ermita, Maynila, pasado alas-9:00 nitong Martes ng gabi, Pebrero 3.