Julia Christine Botin

Article (news)

Bea Cuadra

ABS-CBN News

Arestado ang isang 64-anyos na lalaki matapos paputukan ng baril ang bahay ng kanyang kapitbahay sa isang subdivision sa Barangay Loyola Heights, Quezon City, gabi ng Huwebes, February 5.Ayon kay PLt. Col. Leonie Ann Dela Cruz, hepe ng Anonas Police Station, agad silang rumesponde matapos makatanggap ng tawag tungkol sa pamamaril.Ngunit bago pa dumating ang mga pulis, mabilis na tumakas ang suspek gamit ang kanyang kotse.Dahil dito, agad naglabas ng &quot;flash alarm&quot; ang pulisya sa ibang mga istasyon.“Nasabi nga po na umalis, sakay nung sasakyan na getaway vehicle, at nung nalaman namin po &#x27;yung kompleto na detalye nung sasakyan, &#x27;yun po &#x27;yung itinawag natin sa [Camp] Karingal po sa [Quezon City Police District] nito… Para sa ganun, may alarma po sa lahat ng istasyon,” kwento ni PLt. Col. Dela Cruz.Namataan naman ng mga operatiba ng Talipapa Police Station 3 ang sasakyan ng suspek sa kahabaan ng Quirino Highway.Nagkaroon ng habulan hanggang sa ma-corner ang lalaki sa isang parking lot sa Baesa sa Quezon City.“So binato dito sa&#x27;tin &#x27;yung description ng sasakyan pati yung plate number… so pinaalam natin sa lahat ng patrolers natin sa kalsada at &#x27;yun nga… Along Quirino Highway dumaan ito sa isang motorycle patroler natin saka sinundan ito hanggang na corner dito sa isang establishment,” ani PLt. Col. Von Alejandrino, hepe ng Talipapa Police Station 3.Tumanggi noong una na bumaba ng sasakyan ang suspek hanggang sa mapalibutan siya ng mga awtoridad.“Nung na corner siya dito, nagkulong siya. Hindi siya bumaba (ng sasakyan). Sarado &#x27;yung bintana tapos hiniga niya &#x27;yung sarili niya. Sa flash alarm, armado siya ng isang unidentified kalibre ng baril so gumamit tayo ng speaker. Nagpakilala tayo na napalibutan siya ng kapulisan… so nung narinig niya tyaka nalaman niya na puro pulis pala &#x27;yung nakapalibot sa kanya. Kusa itong lumabas nagtaas ng kamay, tyaka natin in-implement yung arrest sa kanya,” dagdag pa ni PLt. Col. Alejandrino.Nakuha sa loob ng sasakyan ang isang .45 caliber na baril, apat na magazine, at mahigit 30 na bala.Sa lugar naman ng krimen sa loob ng isang subdivision sa Barangay Loyola Heights, nakapulot ang pulisya ng 32 basyo ng bala at 7 tingga.Lumalabas sa imbestigasyon na magkatapat lang ang bahay ng suspek at biktima sa loob ng isang compound.Ayon sa pulisya, lumabas ang suspek at pinagbabaril ang sasakyan ng kapitbahay na tumagos pa hanggang sa bodega ng bahay.Wala namang naiulat na nasaktan sa insidente.Alitan ng magkapitbahay ang tinitingnang motibo ng mga awtoridad.“Initial na assessment namin, base muna sa initial na investigation natin ay mukhang may previous na alitan dahil inaakusahan ng ating suspect, &#x27;yung biktima or &#x27;yung complainant na may mga sinasabi siya na ipaconfirm pa po namin. So &#x27;yun po &#x27;yung nakikita namin na dahilan kung bakit nagalit po itong suspect po natin,” ani ni PLt. Col. Dela Cruz.Tumanggi namang magbigay ng pahayag ang suspek.“I’ll do the police report first. So that one has legal wait rather than &#x27;yung media pronouncement,” aniya.Bagama’t lisensyado ang baril, hihilingin ng pulisya na bawiin ang lisensya nito dahil sa panganib na idinulot ng suspek.Sasampahan ang suspek ng mga reklamong maliscious mischief, paglabag sa Republic Act 11926 o willful and indiscriminate discharge of firearms, at Republic Act 10591 o Comprehensive Firearms and Ammunition Regulation Act.

Arestado ang isang 64-anyos na lalaki matapos paputukan ng baril ang bahay ng kanyang kapitbahay sa isang subdivision sa Barangay Loyola Heights, Quezon City, gabi ng Huwebes, February 5.

Arestado ang isang 64-anyos na lalaki matapos paputukan ng baril ang bahay ng kanyang kapitbahay sa isang subdivision sa Barangay Loyola Heights, Quezon City, gabi ng Huwebes, February 5.

Lalaki namaril ng kotse ng kapitbahay sa Loyola Heights, nagtangkang tumakas sa pulis

News

Entertainment

Lifestyle

Sports

Metro.Style

More

Traffic

Manila

Horoscope

Nation

Lalaki namaril ng kotse ng kapitbahay sa Loyola Heights, nagtangkang tumakas sa pulis

Bea Cuadra,

ABS-CBN News

Published Feb 06, 2026 10:53 AM PHT

Read More:

namaril

Shooting incident

Lalaki

Senior Citizen

Hot pursuit

sasakyan

loyola heights

quezon city

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.