Jonathan Frederic De Santos

Article (news)

ABS-CBN News

ABS-CBN News Digital Intern

<p>MAYNILA — Hindi lang sa pormang pisikal umiiral ang pang-aabuso, kundi pati rin sa pagkakait ng sustento at suporta lalo na sa gitna ng lumalalang sosyoekonomikong sitwasyon ng bansa.</p><p>Sa ilalim ng Republic Act 9262, o Anti-Violence against Women and Children (VAWC) Act, itinuturing na isang porma ng domestic violence ang economic abuse.</p><p>Itinuturing ng batas na economic abuse ang mga sumusunod:</p><ul style="list-style-type:circle"><li>Hindi pagsustento sa pangangailangan ng pamilya</li><li>Pagbabawal sa asawa na magtrabaho bilang isolation tactic at para gawing “financially dependent” ito</li><li>Pagkontrol o pagtanggal sa access ng asawa mula sa mga ari-arian at negosyo</li><li>Paninira ng household properties</li></ul><div><br/></div><div><a href="https://www.abs-cbn.com/news/07/12/19/alamin-parusa-sa-magulang-na-di-magbibigay-ng-sustento-sa-anak">ALAMIN: Parusa sa magulang na di magbibigay ng sustento sa anak</a></div><p>Bukas ang kinauukulan para sa mga biktimang nais magsumbong, lalo na kung dumaranas sila ng psychological distress dulot ng mga nasabing gawi.</p><p>Maaaring dumiretso sa Councils for the Protection of Women and Children ng mga barangay o sa Women and Children Protection Desks ng pulisya.</p><p>Ayon kay Quezon City Police District - Kamuning chief investigator Maridel Frias, ang mga idinudulog na ulat ng economic abuse sa pulisya ay ipinapadaan muna sa Public Attorney’s Office.</p><div><br/></div><div><strong>MEDIATION MUNA BAGO MAGSAMPA NG KASO<br/></strong></div><div><br/></div><p>Sa tulong ng isang abugado, pinaghaharap ang biktima at partner nito upang alamin ang dahilan ng hindi pagsusustento at maidaan muna sa usapan kung paano susuportahan ang pamilya sa abot ng kakayahan nito. </p><p>Kapag hindi sumunod sa usapan ng isa hanggang tatlong buwan ay maaari nang magsampa ang biktima ng kasong economic abuse sa tulong ng kapulisan.</p><p>Bukod sa pulisya, bukas rin ang mga field o satellite offices ng Department of Social Welfare and Development (DSWD) para sa mga walk-ins, hotlines.</p><p>Maari ring magpadala ng online report sa mga opisyal na Facebook page at email.</p><p>May iba’t ibang serbisyo ang DSWD na pwedeng ihandog sa mga biktima batay sa pangangailangan nila tulad ng medical intervention at assistance, psychosocial at psychological intervention, spiritual at educational services, residential care facilities, at legal assistance.</p><p>Ayon kay DSWD Assistant Secretary Irene Dumlao, mayroong financial assistance sa ilalim ng Assistance to Individuals in Crisis Situation (AICS) na makatutulong sa mga biktima na bumuo muli ng hanapbuhay.</p><p>Nagsasagawa rin ang ahensya ng counselling services para sa perpetrators ng domestic violence upang tulungang baguhin ang kanilang abusive behavior at iwaksi ang siklo ng karahasan.</p><p>“We have a lot of cases na ganyan na naging ano na sila, change maker, after makapag-attend ng mga counselling services natin for the perpetrators of domestic violence. Nag-improve ‘yong relationship nila bilang mag-asawa, and sila na rin ngayon nagtuturo doon sa mga kapwa nila sa barangay na papaano maging responsible partner,” dagdag pa ni Dumlao.</p><div><br/></div><div><strong>ITABI ANG MGA RESIBO</strong></div><div><br/></div><p>Itabi ang mga resibo — ito naman ang payo ni Atty. Ansheline Bacudio ng alternative lawyering group na IDEALS, Inc. sa mga nais magsampa ng kasong economic abuse.</p><p>“You have to prove na itong taong ‘to ay walang capacity to provide financial support to his children. Ang mga ebidensya dyan is lahat ng mga resibo na binili mo, tapos nag-demand ka sa taong ‘yon, hindi siya nagbigay,” aniya.</p><p>“Tapos kailangan mong ipakita, if there&#x27;s a possibility, through a Certificate of Employment, na itong taong ‘to refuses to provide financial support to his children despite having the capacity to provide it. May trabaho. Ayaw lang talaga.”</p><div><a href="https://www.abs-cbn.com/news/01/28/21/obligado-bang-magbigay-sustento-ang-humiwalay-na-magulang-na-walang-trabaho">Obligado bang magbigay-sustento ang humiwalay na magulang na walang trabaho?<br/></a></div><p>Economic abuse ang pinakamadalas na idulog ng mga kababaihang edad 25-35 at may asawa o live-in partner sa online free legal advice platform na Tisya Hustisya, ayon kay Bacudio. </p><p>Halos lahat — 92% — ng mga tanong na kanilang natatanggap ay mula sa mga kababaihang may VAWC-related concerns o nais alamin ang women’s rights.</p><p>Noong 2024, naitala ng Integrated Gender and Development Division ng Davao City na ang 976 mula sa 2,386 VAWC cases sa siyudad ay economic abuse.</p><p>Mas mababa ito kumpara sa 1,439 economic abuse cases noong 2023.</p><p>Samantala, wala pang bagong datos ang naisapubliko ng pamahalaan tungkol sa bilang ng mga economic abuse cases sa buong bansa. <strong>— May ulat ni Rainer Dacuycuy</strong></p><div><a href="https://www.abs-cbn.com/news/2025/5/16/pangangaliwa-at-pag-abandona-sa-pamilya-pwedeng-basehan-sa-annulment-ng-kasal-1503">Pangangaliwa at pag-abandona sa pamilya, pwedeng basehan sa annulment ng kasal?</a></div><div><br/></div><div><strong></strong><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/-ApjqqWFrSg?si=mEXYBMC6NXw6Z3ED" title="YouTube video player" frameBorder="0" allowfullscreen=""></iframe><br/></div>

<p>Sa ilalim ng Republic Act 9262, o Anti-Violence against Women and Children (VAWC) Act, itinuturing na isang porma ng domestic violence ang economic abuse.</p>

Sa ilalim ng Republic Act 9262, o Anti-Violence against Women and Children (VAWC) Act, itinuturing na isang porma ng domestic violence ang economic abuse.

Hindi sinusustentuhan ng asawa? Mga maaaring gawin kapag nakararanas ng economic abuse

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

Hindi sinusustentuhan ng asawa? Mga maaaring gawin kapag nakararanas ng economic abuse

ABS-CBN News Digital Intern,

Mary Rose Maligmat

Published February 07, 2026 08:49 AM PHT

Read More:

Sustento

asawa

batas

Republic Act 9262

VAWC

Anti-Violence against Women and Children

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.