Jonathan Frederic De Santos

Quezon City Police District Novaliches Facebook Page

Article (news)

ABS-CBN News Digital Intern

<p>MAYNILA — Ayon sa datos ng Department of Interior and Local Government mula 300 hanggang 500 na tawag na ang kanilang natatanggap sa kanilang emergency hotline na may kaugnayan sa karahasan sa kababaihan at kanilang mga anak ngayong 2026. </p><div><a href="https://www.abs-cbn.com/news/nation/2026/2/27/dilg-911-logs-up-to-500-daily-vawc-related-calls-1343"><strong>DILG: 911 logs up to 500 daily VAWC-related calls</strong></a></div><p>Samantala, ayon naman sa Philippine National Police, tinatayang mahigit 6,883 na kaso ng “Violence Against Women and Children” (VAWC) ang naitala mula lamang Agosto hanggang Nobyembre ng nakaraang taon. </p><p>Sa patuloy na diskurso tungkol sa proteksyon ng kababaihan laban sa pambabastos at pang-aabuso, mahalagang balikan kung ano ang sinasabi ng batas, partikular ang Republic Act No. 9262 o Anti-Violence Against Women and Their Children of 2004. </p><div><a href="https://www.abs-cbn.com/news/nation/2025/12/13/ano-ang-iba-t-ibang-porma-ng-domestic-abuse-at-saan-pwedeng-dumulog-ang-mga-victim-survivors-1420">Ano ang iba’t ibang porma ng domestic abuse at saan pwedeng dumulog ang mga victim-survivors?</a></div><div><br/></div><div><strong>REPUBLIC ACT NO. 9262</strong></div><p>Layon ng Republic Act No. 9262, o mas kilala bilang “Anti-Violence Against Women and Their Children Act of 2004”, na protektahan ang kababaihan at kanilang mga anak laban sa iba’t ibang uri ng karahasan na maaaring gawin ng kanilang asawa, dating asawa, kasintahan, dating kasintahan, kinakasama o ka-live in o sinumang may romantikong relasyon sa kanila.</p><p>Sa ilalim ng Republic Act No. 9262, kinikilala ng batas ang iba’t-ibang uri ng karahasan. </p><p>Kasama rito and pisikal na pang-aabuso o<em> physical abuse</em>, tulad ng pananakit o pambubugbog na nagdudulot ng pisikal na pinsala sa biktima.</p><p>Sekswal na pang-aabuso o s<em>exual abuse </em>ay anumang kilos na naglalayong sapilitang sekswal na aktibidad, tulad ng:</p><ul style="list-style-type:circle"><li>Pagpilit na makipagtalik sa asawa o partner kahit labag sa kalooban o rape, at sexual harassment </li><li>Sexual blackmailing o ang pananakot na ipagkalat ang isang pribadong larawan o video ng biktima</li><li>Pamamahagi ng pribadong larawan o video nang walang pahintulot o kilala bilang revenge porn. </li><li>Prostitution ng asawa o anak</li></ul><div><br/></div><p>Sikolohikal at emosyonal na pang-aabuso o<em> psychological and emotional abuse</em> ay ang mga gawaing nagdudulot ng matinding emosyonal o mental distress sa biktima. Kabilang sa saklaw na ito ay ang:</p><ul style="list-style-type:circle"><li>Paulit-ulit na pagbabanta o pananakot </li><li>Pang-iinsulto, paninira ng reputasyon, at panloloko</li><li>Pagkontrol sa kilos o aksyon ng biktima na labag sa kanyang kalooban at nakakasira sa kanyang pang-araw araw na buhay. </li><li>Pagpapakita ng matinding selos at manipula na nagdudulot ng stress at takot sa biktima.</li></ul><div><br/></div><div><a href="https://www.abs-cbn.com/news/nation/2025/1/22/psychological-evaluation-of-victim-not-required-under-anti-vawc-law-says-sc-1738">Psychological evaluation of victim not required under anti-VAWC law, says SC</a></div><p>Pinansyal na pang-aabuso o f<em>inancial abuse</em> ay ang pagkontrol o pagbawal sa biktima na ma-access ang sariling pera o kabuhayan upang mapilit ang biktima na maging dependent sa kanyang partner. </p><ul style="list-style-type:circle"><li>Pagkait sa allowance o kita</li><li>Pagkontrol sa bank account ng biktima ng walang pahintulot</li><li>Pagpipigil sa biktima na magtrabaho o makapag-aral</li><li>Pagpigil sa suporta para sa mga anak o gastusin sa tahanan</li></ul><div><br/></div><p>Sa kabuuan, malinaw na kinikilala ng batas na ang karahasan ay hindi lamang pisikal at ang bawat uri ng abuso ay may kaparehong legal na pananagutan.</p><div><br/></div><div><strong>PAANO MAGSAMPA NG KASO NG PANG-AABUSO?</strong></div><p>Kung nakakaranas ng karahasan o nakakita ng biktima, mahalagang agad humingi ng tulong sa pinakamalapit na PNP Women and Children’s Desk at makipag-ugnayan sa pulisya upang makahingi ng temporary protection order (TPO) o permanent protection order (PTO). </p><p>Kung nakaranas ng pisikal na pang-aabuso, mahalagang magpatingin agad sa doktor upang makakuha ng medical certificate. Maaari ring dokumentuhan ang mga pasa, sugat, o galos sa pamamagitan ng litrato, na magsisilbing mahalagang ebidensya sa pagsasampa ng kaso laban sa abusador.</p><p>Sa tulong ng mga pulis, kumuha ng sinumpaang salaysay o sworn oath o mas kilala bilang affidavit at isumite sa Prosecutor’s Office kasama ang ilang mga ebidensya.</p><p>Maaari din tumawag sa mga <a href="https://iacvawc.gov.ph/report-abuse/">VAWC helplines</a> para sa agarang tulong:</p><ul style="list-style-type:circle"><li>National Emergency Hotline: 911</li><li>Aleng Pulis Hotline: 0920 907 1717</li><li>Department of Social Welfare and Development (DSWD) Crisis Hotline: 1555</li><li>Department of the Interior and Local Government (DILG) Emergency Hotline: 1343</li><li>Philippine Commission on Women (PCW) Hotline: 0917-867-1907</li><li>Commission on Human Rights (CHR) Hotline 0936 068 0982</li></ul><div><br/></div><p>Ayon sa <a href="https://pcw.gov.ph/faq-republic-act-9262/">Republic Act No. 9262</a>, ang sinumang mapatunayang gumawa ng karahasan laban sa kababaihan at kanilang mga anak ay maaaring makulong mula isa hanggang dalawampung taon, depende sa bigat ng krimen. Maaari rin silang pagmultahin ng P100,000 hanggang P300,000, bukod pa sa iba pang parusang itinakda ng batas.</p><p>Bukod pa rito, maaari rin silang patawan ng restraining orders na nagbabawal sa kanila na lumapit sa biktima.</p><p>Ang mga biktima naman ng karahasan o pang-aabuso ay maaari ding lumapit sa mga ahensya tulad ng DSWD, PNP Women Children and Protection Units at iba pang mga organisasyon para sa psychological counseling at therapy.</p><p>Sa pag gunita ng National Women’s Month at sa gitna ng umiingay na usapin sa karapatan ng mga kababaihan laban sa pambabastos at pang-aabuso, mahalagang balikan ang publiko sa bisa ng Republic Act No. 9262 o Anti-Violence Against Women and Their Children Act of 2004 na nagpapaalala na na walang sinuman ang dapat mabuhay sa takot, at karahasan at hindi dapat tinatanggap bilang normal ang pambabastos, at pang-aabuso. </p><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/OSd-y_hBAxc?si=x-dcMh2Q9d_7BbF-" title="YouTube video player" frameBorder="0" allowfullscreen=""></iframe></div>

<p>Ayon sa datos ng Department of Interior and Local Government (DILG) mula 300 hanggang 500 na tawag ang kanilang natatanggap sa kanilang emergency hotline na may kaugnayan sa karahasan sa kababaihan at kanilang mga anak ngayong 2026.</p>

Ayon sa datos ng Department of Interior and Local Government (DILG) mula 300 hanggang 500 na tawag ang kanilang natatanggap sa kanilang emergency hotline na may kaugnayan sa karahasan sa kababaihan at kanilang mga anak ngayong 2026.

Balikan ngayong National Women’s Month: Anti-Violence Against Women and Their Children Act of 2004

News

Entertainment

Lifestyle

Sports

Metro.Style

More

Traffic

Manila

Horoscope

Nation

Balikan ngayong National Women’s Month: Anti-Violence Against Women and Their Children Act of 2004

ABS-CBN News Digital Intern,

Eli L. Dela Cruz

Published Mar 14, 2026 09:26 AM PHT

Read More:

Anti-Violence Against Women and Their Children

Anti-VAWC

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.