Marilyn Cahatol

Article (news)

ABS-CBN News Digital Intern

<p>MAYNILA — Mahigit dalawang dekada nang isinusulong sa Kongreso ang panukalang divorce bill, ngunit hanggang ngayon ay hindi pa rin ganap na naipapasa bilang batas sa Pilipinas. Dahil dito, marami pa ring Pilipino ang nalilito kung paano kinikilala sa bansa ang mga diborsyong isinagawa sa ibang bansa, lalo na kung may kinalaman ang isang dayuhang asawa.</p><p>Sa panayam ni Liza Aquino sa programang “Hello Attorney” ng DZMM Teleradyo nitong Miyerkules, Marso 11, ipinaliwanag ni Atty. Francisco Flamiano ang legal na proseso at mga limitasyon ng pagkilala sa foreign divorce sa ilalim ng Family Code of the Philippines.</p><div><br/></div><div><strong>&#x27;MIXED MARRIAGE LAMANG ANG MAAARING KILALANIN&#x27;</strong></div><p>Ayon kay Flamiano, ang divorce na nakuha sa ibang bansa ay kilalanin lamang sa Pilipinas kung ito ay mixed marriage, kung saan ang mag-asawa ay isang Pilipino at dayuhan.</p><p>Nakasaad ito sa Artikulo 26 ng <a href="https://www.officialgazette.gov.ph/1987/07/06/executive-order-no-209-s-1987/">Family Code of the Philippines</a> na ang lahat ng kasal na isinagawa sa labas ng Pilipinas, alinsunod sa batas sa bansang kung saan ginanap ang kasal, at kinikilalang may bisa roon, ay kikilalanin din na may bisa sa Pilipinas maliban sa mga kasal na ipinagbabawal sa Pilipinas tulad ng sa pagitan ng mga bata o sa higit sa isang asawa.</p><p>Kung ang kasal sa pagitan ng isang Pilipino at foreign citizen ay tamang naisagawa at kalaunan ay legal na nakakuha ng diborsyo ang dayuhang asawa, ang Pilipinong asawa ay magkakaroon ng karapatang magpakasal muli alinsunod sa batas ng Pilipinas.</p><p>Saklaw din ng batas ang sitwasyon kung saan ang mag-asawa ay ikinasal bilang parehong Pilipino, ngunit kalaunan ay naging foreign citizen ang isa at doon nag-file ng diborsyo.</p><p>Sa ganitong kaso, maaaring kilalanin ng Pilipinas ang diborsyo para sa Pilipinong spouse, na mabibigyan ng karapatang magpakasal ulit.</p><p>Subalit, kung parehong Pilipino ang mag-asawa, kahit mag-file sila ng diborsyo sa ibang bansa, hindi ito kikilalanin ng Pilipinas at mananatiling may bisa ang kanilang kasal.</p><div><a href="https://www.abs-cbn.com/news/2025/5/16/pangangaliwa-at-pag-abandona-sa-pamilya-pwedeng-basehan-sa-annulment-ng-kasal-1503">Pangangaliwa at pag-abandona sa pamilya, pwedeng basehan sa annulment ng kasal?</a></div><div><br/></div><div><strong>PROSESO NG PAGKILALA SA FOREIGN DIVORCE</strong></div><p>Hindi awtomatikong kinikilala ng Pilipinas ang foreign divorce decree. Kailangan itong dumaan sa korte sa pamamagitan ng petition for recognition of foreign judgment o petition for recognition of divorce.</p><p>Karaniwang inihahain ang petisyon sa Regional Trial Court (RTC), na siyang humahawak din ng mga kaso ng annulment o nullity of marriage.</p><p>Kung ang petitioner ay nasa abroad, maaari siyang:</p><ul style="list-style-type:circle"><li>Magtalaga ng kinatawan sa pamamagitan ng special power of attorney, at</li><li>Magsumite ng mga kinakailangang dokumento mula sa ibang bansa.</li></ul><div><br/></div><p>Subalit may mga pagkakataon na kailangang personal na humarap sa korte ang petitioner para tumestigo bago tuluyang matapos ang proseso.</p><p>Karaniwang umaabot ng isa hanggang ilang taon, depende sa mga umiiral na case law at sa daloy ng pagdinig. Sa ilang family courts, dahil sa dami ng kasong hinahawakan, nagkakaroon lamang ng dalawang pagdinig sa loob ng isang taon, kaya lalo pang tumatagal ang resolusyon.</p><div><a href="https://www.abs-cbn.com/news/nation/2025/6/5/sc-only-the-law-of-the-country-that-granted-divorce-needs-to-be-proven-in-ph-1629">SC: Only the law of the country that granted divorce needs to be proven in PH</a></div><div><br/></div><div><strong>KARANIWANG MISCONCEPTION</strong></div><p>Maraming Pilipino ang naniniwalang sapat nang isumite sa Philippine Statistics Authority (PSA) ang foreign divorce decree para awtomatikong mapawalang-bisa ang kasal.</p><p>Ayon kay Flamiano, hindi ito wasto. Mahalaga pa ring dumaan sa judicial process kung saan susuriin ng korte ang mga dokumento at titiyakin na:</p><ul style="list-style-type:circle"><li>Lehitimo ang divorce decree, at</li><li>Legal ang diborsyo sa bansang pinagkunan nito.</li></ul><div><br/></div><p>Sa ilalim ng batas, obligasyon ng hukuman na siyasatin kung mayroong umiiral na batas sa naturang bansa na nagpapahintulot ng divorce at kung ang proseso ay naaayon sa kanilang legal na sistema.</p><div><br/></div><div><strong>BIGAMOUS MARRIAGE</strong></div><p>Tinalakay rin sa panayam ang sitwasyon kung saan ang isang Pilipino ay ikinasal sa Pilipinas, pero pagdating sa ibang bansa ay nagpakasal muli sa isang foreign national bago pa tuluyang maasikaso ang diborsyo mula sa unang asawa.</p><p>Kapag nairehistro ang ikalawang kasal sa embahada at ipinadala ang fact of marriage sa PSA, maaaring magkaroon ng dalawang marriage record sa Pilipinas.</p><p>Alinsunod sa batas, ang ganitong sitwasyon ay bigamous marriage o bigamya — nangyayari kapag ang isang tao ay nagpakasal sa pangalawang pagkakataon habang may bisa pa ang unang kasal.</p><p>Ito ay krimen sa ilalim ng <a href="https://elibrary.judiciary.gov.ph/thebookshelf/showdocs/28/20426">Artikulo 349</a> ng Revised Penal Code of the Philippines:</p><p>Ang parusang prision mayor ay ipapataw sa sinumang tao na magpapakasal sa pangalawa o susunod pang kasal bago pa legal na mapawalang-bisa ang naunang kasal — sa pamamagitan ng annulment o kaya sa deklarasyon ng korte na presumptively dead ang nawawalang asawa.</p><p>Bukod sa pagiging kriminal na kaso, ang ikalawang kasal ay itinuturing ding void ab initio o walang bisa.</p><div><br/></div><div><strong>SINO ANG KAILANGANG I-NOTIFY?</strong></div><p>Sa proseso naman ng pag-file ng petition for recognition of foreign divorce, ipinaliwanag ni Flamiano na ang foreign spouse ang kailangang i-notify, hindi ang unang asawa sa Pilipinas.</p><p>Ito ay bahagi ng due process nang mabigyan ng pagkakataon ang kabilang panig na malaman at tugunan ang petisyon bago magpasya ang korte kung kikilalanin o hindi ang foreign divorce.</p><div><a href="https://www.abs-cbn.com/news/nation/2025/8/19/-times-have-changed-osg-says-up-to-congress-to-pass-law-on-divorce-2024">‘Times have changed’: OSG says up to Congress to pass law on divorce<br/></a></div><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/1bAH14wFfQQ?si=4-8X7sTT1e3agsAU" title="YouTube video player" frameBorder="0" allowfullscreen=""></iframe></div>

<p>Ayon kay Flamiano, ang divorce na nakuha sa ibang bansa ay kilalanin lamang sa Pilipinas kung ito ay mixed marriage, kung saan ang mag-asawa ay isang Pilipino at dayuhan.</p>

Ayon kay Flamiano, ang divorce na nakuha sa ibang bansa ay kilalanin lamang sa Pilipinas kung ito ay mixed marriage, kung saan ang mag-asawa ay isang Pilipino at dayuhan.

Divorce sa ibang bansa, kinikilala ba sa Pilipinas?

News

Entertainment

Lifestyle

Sports

Metro.Style

More

Traffic

Manila

Horoscope

Nation

Divorce sa ibang bansa, kinikilala ba sa Pilipinas?

ABS-CBN News Digital Intern,

Cher Kelsey Ramos

Published Mar 15, 2026 10:06 AM PHT

Read More:

Divorce

Family

Family Code of the Philippines

Divorce bill

marriage

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.