Ciara Samantha Annatu

FACT CHECK: ICC at kaanak, abogado ng EJK victims target ng maling impormasyon

Kumalat sa social media ang mga manipuladong larawan at maling naratibo tungkol sa kaso ni dating Pangulong Rodrigo Duterte sa International Criminal Court (ICC).

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/1772440690039main.jpg" style="width:960px" class="fr-fic fr-dib" width="960"/></div><p>Kumalat sa social media ang mga manipuladong larawan at maling naratibo tungkol sa kaso ni dating Pangulong Rodrigo Duterte sa International Criminal Court (ICC). </p><p>Kumalat ang mga maling impormasyon tungkol sa ICC at mga kaanak at abogado ng mga biktima ng “war on drugs” ni Duterte kasabay ng kanyang confirmation of charges hearing na ginanap mula Pebrero 23 hanggang 27, 2026. </p><p>Batay sa monitoring ng ABS-CBN Fact Check, tatlong pangunahing claim ang kumalat sa social media. Isa na ang manipuladong larawan ng kaanak ng biktima ng extrajudicial killings, na lumabas sa apat na post. Pangalawa ay ang umano’y walkout at pagputol ng mikropono sa isang abogado ng mga biktima, na lumabas sa tatlong post. Pangatlo ay ang pahayag na mula sa buwis ng Pilipinas ang pondo na ginagamit ng ICC para sa imbestigasyon, na lumabas sa isang post. </p><p>Lumabas ang mga social media post sa iba&#x27;t ibang oras mula Pebrero 23 hanggang 27. Nagmula ang karamihan sa mga ito sa mga personal na Facebook at Threads account, habang dalawa lamang ang lumabas sa mga page. </p><div><br/></div><div><strong>CLAIM 1: Kaanak ng biktima ng extrajudicial killings, may hawak na magkaibang litrato ng kapatid</strong></div><div><strong><img src="https://od2-image-api.abs-cbn.com/prod/editorImage/1772440723199artcard_1.jpg" style="width:960px" class="fr-fic fr-dib" width="960"/> </strong></div><p>Manipulado ang kumakalat na larawan ni Sheerah Escudero na kaanak ng isang biktima ng extrajudicial killings. Sa manipuladong larawan, pinalitan ang hawak niyang litrato upang palabasing ibang lalaki ang nasa imahe at hindi ang kanyang tunay na kapatid na si Ephraim. </p><p>Ang totoo, kuha ang orihinal na larawan mula sa ulat ng News5 noong <a href="https://www.youtube.com/watch?v=zgX872GFhcs" rel="noopener noreferrer" target="_blank">Marso 15, 2025</a> tungkol sa mga naulila ng mga biktima ng “war on drugs” ni Duterte. Makikita rito si Escudero na hawak ang larawan ng kanyang yumaong kapatid. </p><div><img src="https://od2-image-api.abs-cbn.com/prod/editorImage/1772440750219artcard_1_1.jpg" style="width:960px" class="fr-fic fr-dib" width="960"/></div><p>Hindi ito ang unang pagkakataon na kumalat ang manipuladong larawan. Lumabas na ito noon pang Marso 2025, matapos maaresto si Duterte at maganap ang kanyang initial appearance sa ICC.</p><p>Nilinaw ng <a href="https://www.facebook.com/100064456281701/posts/1117760767049122/" rel="noopener noreferrer" target="_blank">News5</a> sa kanilang opisyal na Facebook page noong Marso 18, 2025 na peke ang kumakalat na larawan. Pinasinungalingan din ito mismo ni <a href="https://mvau.lt/media/a4e3db7a-59b5-4252-994f-8c2e8b2976e1" rel="noopener noreferrer" target="_blank">Escudero</a> nang una itong kumalat.</p><div><br/></div><div><strong>CLAIM 2: Mga ICC judge nag-walkout at pinatayan ng mikropono ang abogado ng mga biktima</strong></div><div><img src="https://od2-image-api.abs-cbn.com/prod/editorImage/1772440799635artcard_2.jpg" style="width:960px" class="fr-fic fr-dib" width="960"/></div><p>Walang naganap na walkout at hindi pinatayan ng mikropono si Atty. Joel Butuyan, isa sa mga legal representative ng mga biktima, habang nagsasalita siya sa unang araw ng confirmation of charges hearing ni Duterte noong Pebrero 23, 2026.</p><p>Ayon sa kumakalat na Facebook posts, diumano’y ipinahinto ni Judge Iulia Antoanella Motoc si Butuyan at umalis ang ICC judges dahil sa emosyonal niyang mga salita. Kasama sa isang post ang larawan na may tekstong <em>“Breaking News: Puro kasi kadramahan! Filipino lawyer Joel Butuyan humiliated on global stage as ICC judges walk out and yank his mic?”</em></p><p>Ang totoo, natigil ang opening statement ni Butuyan dahil sa mandatory 30-minute break sa pagitan ng una at pangalawang bahagi ng hearing, alinsunod sa itinakdang schedule.</p><p>Mapapanood sa <a href="https://youtu.be/eBWV-UB_ptQ?t=3561" rel="noopener noreferrer" target="_blank">livestream ng hearing</a> na humingi ng paumanhin si Motoc kay Butuyan bago niya pinaalalahanan ang abogado sa oras. Kasunod nito ang pag-anunsyo ni Motoc ng kanilang naka-schedule na break at ang pag-alis ng judges sa courtroom para sa maikling break.</p><p>Muling itinuloy ang hearing pagkatapos ng kalahating oras at inanyayahan si Butuyan na ipagpatuloy ang kanyang pahayag.</p><div><br/></div><div><strong>CLAIM 3: Ginagamit ng ICC ang buwis ng mga Pilipino para sa imbestigasyon  </strong></div><div><img src="https://od2-image-api.abs-cbn.com/prod/editorImage/1772440854672artcard_3.jpg" style="width:960px" class="fr-fic fr-dib" width="960"/></div><p>Hindi galing sa buwis ng mga Pilipino ang pondo na ginagastos sa imbestigasyon ng ICC kaugnay sa drug war ni Duterte, taliwas sa kumakalat na post online.  </p><p>Ayon sa <a href="https://www.icc-cpi.int/sites/default/files/2024-05/Rome-Statute-eng.pdf" rel="noopener noreferrer" target="_blank">Article 115 ng Rome Statute</a>, ang pondo ng korte ay nanggagaling sa kontribusyon ng State Parties at sa United Nations. Hindi na kabilang ang Pilipinas sa mga State Party simula pa noong Marso 17, 2019 nang naging epektibo ang pag-alis nito sa Rome Statute ng ICC.</p><p>Sa isang post sa Threads, makikita ang dalawang larawan ni Motoc. Nilapatan ng katagang <em>“BEFORE”</em> ang isang manipuladong larawan ni Motoc na nagpapakita ng magulo niyang buhok. Samantala, ang isa niyang larawan ay nilapatan ng mga katagang <em>“AFTER”</em> at <em>“PALDO ANG MGA ICC TAX NG BAYAN YAN.”</em> Nilagyan din ang post ng caption na: <em>“PALDONG PALDO 🤣🤣🤣dito napunta TAX NG MGA FILIPINO…” </em></p><p>Nilinaw ito ng ICC Office of the Prosecutor (OTP) sa ABS-CBN News noong Pebrero 2026: “OTP activities are funded through the Court’s budget approved by the ICC Assembly of States Parties and subject to established oversight mechanisms.”</p><div><a href="https://www.abs-cbn.com/news/nation/2026/2/26/icc-prosecution-rejects-claims-of-improper-influence-stresses-independence-1602" rel="noopener noreferrer" target="_blank">ICC prosecution rejects claims of improper influence, stresses independence of Duterte probe </a></div><p>Hindi ito ang unang beses na kumalat ang mga maling impormasyon na may kaugnayan sa kaso ni Duterte sa ICC. Naglabas na ang ABS-CBN Fact Check ng mga artikulo na tumatalakay sa katulad nito:</p><div><a href="https://www.abs-cbn.com/news/nation/2026/2/25/fact-check-kaanak-ng-drug-war-victims-pinalabas-na-may-bitbit-na-mamahaling-bag-1753" rel="noopener noreferrer" target="_blank">FACT CHECK: Kaanak ng drug war victims pinalabas na may bitbit na mamahaling bag </a></div><div><a href="https://www.abs-cbn.com/news/nation/2025/3/21/fact-check-hindi-pa-nakababalik-ng-bansa-si-rodrigo-duterte-2008" rel="noopener noreferrer" target="_blank">FACT CHECK: Hindi pa nakababalik ng bansa si Rodrigo Duterte </a></div><div><a href="https://www.abs-cbn.com/news/nation/2025/3/17/fact-check-mga-piksyunal-na-karakter-ginamit-sa-mga-pahayag-na-pro-rodrigo-duterte-2355" rel="noopener noreferrer" target="_blank">FACT CHECK: Mga piksyunal na karakter ginamit sa mga pahayag na pro-Rodrigo Duterte </a></div><div><a href="https://www.abs-cbn.com/news/nation/2025/3/14/fact-check-hindi-ibinasura-ang-kaso-ni-rodrigo-duterte-sa-icc-2202" rel="noopener noreferrer" target="_blank">FACT CHECK: Hindi ibinasura ang kaso ni Rodrigo Duterte sa ICC </a></div><div><strong><em>– with research from Jovan Pascua, Karyl Tad-awan, and Rohan Ruiz, ABS-CBN Research and Verification Unit Interns </em></strong></div><div> </div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.  </em></div>

<p>Kumalat sa social media ang mga manipuladong larawan at maling naratibo tungkol sa kaso ni dating Pangulong Rodrigo Duterte sa International Criminal Court (ICC).</p>