Geline Salac

Tangkang pagdukot sa 11-anyos na bata sa Sta. Ana, Maynila, sapul sa CCTV

Article (news)

dukot1

dukot2

dukot3

dukot4

dukot5

Bea Cuadra

ABS-CBN News

Sapul sa CCTV ang tangkang pagdukot ng isang lalaki sa isang 11-anyos na batang babae sa Barangay 905, Punta, Sta. Ana, Manila, pasado alas-11:00 ng umaga nitong Huwebes, March 19.Sa video, makikita ang lalaking naka-puti na nakatayo sa gilid ng kalsada habang naglalakad ang biktima sa kaniyang harap. Sinundan ng lalaki ang bata hanggang sa isang karinderya bago sila tuluyang naglakad paalis.Batay sa imbestigasyon ng barangay, inutusan lamang bumili ng ulam ang bata nang buntutan ng salarin.“May binulong sa kaniya... ang sinabi nga, may ibibigay daw ‘yung nanay para sa kaniya at bibigyan siya ng pera, at the same time bibigyan siya ng pagkain. Parang mga pinangako,” ani Barangay Kagawad Edwin Zambrona.Sa iba pang kuha ng CCTV, makikita ang biktima na naglalakad kasabay ang lalaki habang itinutulak nito ang kaniyang bisikleta. Pagsapit sa Barangay 899, dito na niya isinakay ang bata.“Parang hipnotismo. I don’t know kung anong klaseng ginawa doon sa bata. Hindi natin alam kung sexual offender ba ‘yung tao na ‘yun o ano pa man,” dagdag ng kagawad.Ayon sa ama ng bata, isang kumpare niya na nakasakay sa jeep ang nakakita sa anak na angkas ng salarin. Inaamoy-amoy umano nito ang buhok ng bata kaya pumara at hinabol ang dalawa. Nang maabutan, agad umano nitong pinababa ang bata sa bisikleta matapos itong tumanggi na kilala ang lalaki. Mabilis namang tumakas ang lalaki angkas ng kaniyang bisikleta.Kuwento ng bata sa ama, pinangakuan siya nito ng pagkain, pera, at padalang gamit mula sa inang nasa probinsiya.&quot;Sabi niya sa akin, kinalabit siya. Sabi bibigyan daw siya ng bag, padala ng nanay niya, tapos papakainin daw po siya ng fast food... hiwalay na po kasi kami ng nanay niya kaya naniwala siya. Nanggigigil po talaga ako sa suspek na ‘yun,” pahayag ng ama, na hindi na pinalalabas ng bahay ang anak nang walang nakatatandang kasama.Bukod sa pagiging mapagmatyag, nanawagan ang barangay sa mga magulang na turuan ang mga anak na huwag makikipag-usap sa mga hindi kilala. Kasalukuyan nang nagsasagawa ng backtracking sa mga CCTV ang Manila Police District (MPD) para matukoy ang pagkakakilanlan at madakip ang salarin.

Sapul sa CCTV ang tangkang pagdukot ng isang lalaki sa isang 11-anyos na batang babae sa Barangay 905, Punta, Sta. Ana, Manila, pasado alas-11:00 ng umaga nitong Huwebes, March 19.

Sapul sa CCTV ang tangkang pagdukot ng isang lalaki sa isang 11-anyos na batang babae sa Barangay 905, Punta, Sta. Ana, Manila, pasado alas-11:00 ng umaga nitong Huwebes, March 19.