Joselito Malig

Article (news)

SENSITIVE CONTENT

Michael Delizo

ABS-CBN News

MAYNILA — Puno ng pasa, gasgas, at pamamaga sa iba’t ibang bahagi ng katawan, durog ang mga kuko, nangangayayat, at kalbo nang ma-rescue ng mga barangay social worker ang isang 8 taong gulang na batang babae sa Quezon City.Ayon kay Ailyn Martinez, focal person ng Barangay Council for the Protection of Children, isang concerned citizen ang nakakitang pagala-gala ang bata matapos umanong makatakas sa pagmamalupit ng kanyang ama at madrasta noong Marso 22.“This is the first time na ang isang batang biktima ay nagtamo ng 37 injuries,” ani Martinez.“Ang pinaka-(malala)… yung ilong niya tabingi,” dagdag niya. “Inihagis ‘yong bata tapos tumama ‘yong ilong niya.”Sa salaysay ng bata, limang taong gulang siya nang magsimulang pagmalupitan matapos mapunta sa poder ng kanyang ama.“Kinakadena po at minamartilyo. Ang usually pinapampalo, sanga ng bayabas,” ani Martinez sa pinagdaanan ng bata.“Parang gusto kong umiyak. Para siyang baboy o aso na binugbog. Hindi makatao. May tao pa bang gagawa niyan?”Agad inaresto ng pulisya ang ama at madrasta ng bata matapos madiskubre ang umano’y pisikal na pang-aabuso.“Lahat naman po ng kasong katulad nito ay kailangang bigyang halaga at aksyonan natin, lalong lalo na ang kabataan na sila ang vulnerable sector sa ating lipunan,” ani Police Lt. Col. Rowena Amata, Station Commander ng Payatas Bagong Silangan Police Station.Naabutan pa ng ABS-CBN News na nilalapatan ng first aid ang madrasta dahil sa napapadalas umano niyang pagkahilo at pagkahimatay.“Accordingly siya’y nakakaranas po ng pagkahilo. Pinalabas na po siya ng hospital, normal naman daw po ang kanyang vital signs at blood pressure,” saad ni Amata.Tumanggi nang humarap sa camera ang dalawang suspek, ngunit sinabi nilang dinidisiplina lamang nila ang bata gamit ang pamalo.Kinalbo umano siya dahil sa kuto.Hindi rin umano siya minartilyo at hindi na nila alam kung saan nanggaling ang iba pang mga sugat at pasa.Nasa pangangalaga na ng mga social worker ang bata at patuloy na ginagamot ang kanyang mga sugat.Isinasailalim din siya sa serye ng counseling.Hindi naman pinayagang makapagpiyansa ang dalawang suspek sa kasong paglabag sa Republic Act No. 7610, o ang Special Protection of Children Against Abuse, Exploitation and Discrimination Act.

“Kinakadena po at minamartilyo. Ang usually pinapampalo, sanga ng bayabas."

‘Parang baboy’: 8-anyos na bata, nasagip sa pananakit ng ama at madrasta

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

‘Parang baboy’: 8-anyos na bata, nasagip sa pananakit ng ama at madrasta

Michael Delizo,

ABS-CBN News

Published March 27, 2026 06:06 PM PHT

|

Updated March 27, 2026 06:33 PM PHT

Read More:

Quezon City

child abuse

Barangay Council for the Protection of Children

child protection

child rights

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.