Geline Salac

Missiles ng Iran malabong tumama sa Pilipinas - foreign policy expert

Article (news)

David Dizon

ABS-CBN News

Pinabulaanan ng isang foreign policy expert ang mga lumalabas na haka-haka sa social media na baka tamaan ng mga missile ng Iran ang ilang bahagi ng Pilipinas.Ayon kay Prof. Renato de Castro ng DLSU Department of International Studies, masyadong malayo ang Pilipinas para tamaan ng mga missile galing Iran.“‘Yung missiles ng Iran, unang-unang ang range lang niyan, hindi pa lalagpas ng 1,500 [km] at iilan lang, ‘yung depleted na, slowly na-de-deplete na ‘yung missiles ng Iran,” aniya sa panayam ng DZMM.“So I don&#x27;t think that presents a clear and present danger. I think it&#x27;s a matter of, I have to be very honest, it&#x27;s naive on their part to immediately look at the EDCA sites given the fact that they won&#x27;t be affected by the current conflict that&#x27;s happening in the Middle East for the simple reason of geography.”May layong 7,207 kilometro ang Iran sa Pilipinas. Ayon sa CSIS Missile Defense Project, ang Soumar long-range cruise missile ng Iran ay aabot lang ng hanggang 2,500 km hanggang 3,000 km.“Alam ho kaya nila ang mapa ng mundo at mabibilang nila gaano kalayo ang Iran mula dito sa Pilipinas po? So ‘yan lang ‘yung sagot ko d’yan. Common sense lang po. Knowledge lang ng basic geography para hindi tayo magpanic, madala tayo ng fake news na pinapairal ng iba nating kababayan na may agenda para tukuyin ang EDCA sites,” ani de Castro.Una nang lumabas sa social media ang haka-hakang baka madawit ang ilang EDCA sites sa Pilipinas sa sigalot ng US-Israel sa bansang Iran. Kabilang sa EDCA sites ay ang Antonio Bautista Air Base sa Palawan, Basa Air Base sa Pampanga, Benito Ebuen Air Base sa Cebu, Fort Magsaysay sa Nueva Ecija at Lumbia Airport sa Cagayan de Oro.Ayon sa US Central Command, tinamaan ng US forces ang 1,250 targets sa unang 48 oras ng gera sa Iran at napatay ang Supreme Leader ng Iran na si Ali Khamenei.Una nang sinabi ni US President Donald Trump na maaaring umabot ng dalawang linggo ang sigalot bagamat kaya ng US na ipagpatuloy ang gera ng mas matagal.Isang hamon sa Islamic Republic ng Iran ay ang mabilis na pagkaubos ng kanilang missile supply habang linalabanan ang US at Israel.“Ang issue dito gaano tatagal ho ang missile supply ng Iran. Kasi balikan natin ang nangyari last year, in a matter of 3 or 4 days, depleted na kaagad ‘yung arsenal ng Iran,” ani de Castro.“Ayun lang naman ang paraan ng Iran para gumanti. Hindi siya capable na mag-launch ng land invasion sa mga Arab countries so ngayon nga talaga ang concern ng Islamic Republic is survival.”Ayon kay de Castro, matagal nang may namumuong galit sa loob ng Islamic Republic lalo na nang lumabas ang balitang pinapatay ang 30,000 sibilyan na nagprotesta laban sa gobyerno noong Enero.“Paano nalalaman ng Israeli intelligence sa Mossad or even the Central Intelligence Agency or even defense intelligence agency sa Estados Unidos kung walang nagbibigay sa kanilang information? So senyales po ito na within the Islamic Republic may cleavages, may discontent,” aniya.“This is a sign na possibly the regime will not last very long, the mere fact that it&#x27;s really infiltrated ng hostile elements from the outside. So this is an indication ng internal weakness ng Islamic regime.”Lumabas din sa nangyayaring tensyon ang limitasyon ng “axis of discord” o mga bansa tuland ng North Korea, Iran, Russia at China na gustong wasakin ang world order kung saan ang US ang dominant superpower.Ani de Castro, una nang nagbigay ng babala si Russian President Vladimir Putin at Chinese President Xi Jinping bago pa mangyari ang pag-atake ng US sa Iran “pero mukhang hanggang warning lang sila, verbal warning.”“If push comes to shove, nakita rin ang limitation ng Russia and China when it comes to assisting - hindi nila ally ang Iran. Meron silang tinatawag nating strategic alignment. They have a common interest. Pero hanggang ngayon, ang nangyari very strong diplomatic protest lang ang binibigay ng dalawang bansa.”May implikasyon din umano ang pag-atake ng US sa Iran sa nangyayaring tensyon sa pagitan ng Pilipinas at China.“Sa pag-atake ng Estados Unidos at Israel sa Iran, senyales po rin sa China na meron kaming capacity, may willingness kami gumamit ng dahas lalo na kung nate-threaten ang ally namin katulad sa Middle East nandyan ang Israel,” aniya.“So the U.S. is also showing to its treaty allies ‘I have the capability and of course the willingness to honor my treaty commitments to the United States.’ What more could we ask for?&quot;

Pinabulaanan ng isang foreign policy expert ang mga lumalabas na haka-haka sa social media na baka tamaan ng mga missile ng Iran ang ilang bahagi ng Pilipinas.

Pinabulaanan ng isang foreign policy expert ang mga lumalabas na haka-haka sa social media na baka tamaan ng mga missile ng Iran ang ilang bahagi ng Pilipinas.