Nelson Morales

Shopkeeper sa Caloocan, hinuli at sinaktan umano ng barangay officials dahil sa aso

Article (news)

Jessie Cruzat

ABS-CBN News

MAYNILA — Sapul sa CCTV ang pag-aresto at umano’y pananakit ng ilang barangay official sa isang lalaki sa Barangay 77, Caloocan City.Pasado alas-7 ng gabi noong Sabado, Pebrero 28, nang pumunta sa tapat ng isang establisimyento sa P. Bonifacio Street si Kagawad Anthony Magalona ng Barangay 77 sa Caloocan City.Kitang tila may kinakausap siya sa loob.Nang may lumabas na lalaki, agad niya itong sinunggaban at pinosasan.Tumulong din sa kaniya ang tatlo pang lalaki kabilang ang tanod at treasurer ng barangay.<div><a href="https://www.abs-cbn.com/news/11/10/20/24-aso-na-balak-patayin-sa-qc-pound-sinagip-ng-animal-rights-group">24 aso na balak patayin sa QC pound sinagip ng animal rights group</a></div>Nagpumiglas ang lalaki na napag-alamang shopkeeper sa naturang establisimyento, hanggang sa tuluyan siyang napa-upo sa gilid ng kalsada. Matapos ang halos 20 minuto, isinakay na ang lalaki sa tricycle ng barangay at dinala sa police station. Ang dahilan ng gulo, nanghabol umano ng mga dumaraan ang asong kalye na inaalagaan ng shopkeeper. “Sinigawan niya ako: &#x27;G*go ka pala e. Hinabol ako ng aso mo&#x27;. Sabi ko hindi ko aso ’yan. Sabi niya &#x27;[p*t*ng n ] ikaw nagpapakain, ikaw nagpapaligo…&#x27; Tapos umuwi na, sabi niya hintayin mo ako diyan, babalikan kita,” kwento ng shopkeeper na si Alyas Jun.Kuwento naman ni kagawad Magalona, si Alyas Jun daw ang galit sa kaniya.“No’ng kinompronta ko, siya pa ’yong nagalit na ba’t daw ako nagagalit. E hinabol ako ng aso mo e… Oo nga may nakataling isa doon pero ang aso niya tatlo. ’Yong isa ang umatake,” saad ni Magalona.Pagbalik ng kagawad, dito na nangyari ang pang-aaresto.“Bigla akong dinakma at pilit pinosasan. Tapos pinaluhod ako, nagdikit-dikit ’yong katawan nila. May isang babae nagsalita na ‘may CCTV. Sinakal ako. Sumisigaw na ako tulungan n’yo ako… Si kapitana, nanonood lang. Wala siyang sinaway na tao na sumasakal sa akin. Ang sabi niya, posasan na ’yan,” dagdag ng shopkeeper.Kita rin sa CCTV na  tila binigwasan ng isang lalaki ang shopkeeper habang nakaupo na siya sa bangketa.Lumabas din sa medico-legal na nagtamo ng iba’t ibang galos sa katawan ang biktima.<div><a href="https://www.abs-cbn.com/news/nation/2026/1/19/aspin-patay-sa-saksak-dahil-sa-pagkuha-ng-kapirasong-karne-0831">Aspin patay sa saksak dahil sa pagkuha ng kapirasong karne</a></div>Pinabulaanan ng kagawad na sinaktan nila ang shopkeeper at ito pa raw ang umaatake sa kaniya.“Nahantong po sa pagpoposas kasi nga pinagmumura niya ako kasi inatake niya ako. ’Yong lumapit siya sa akin tapos siya pa ’yong nagmumura. Tapos ako na nga ang hinabol ng aso niya,” ani Magalona.Dito na umano tumawag ang admin ng establisimyento para kausapin ang kapitana na naroroon din sa pag-aresto.“Sabi ko, kapitana, bawal ’yong ginagawa n’yo. Dapat may due process ’yan. Hindi basta-basta poposasan at kung ano-ano ang pinaggagawa ninyo,” saad ng admin ng gusali na si alyas Issa.Depensa pa ng kapitana na si Carmelita Deguito, makailang beses na nilang pinatawag sa barangay ang shopkeeper dahil sa mga reklamo ng mga residente sa mga alaga nitong aso pero hindi umano ito sumisipot.“Iimbitahan po siya, papupuntahin po dito sa barangay. ’Yon po ang purpose namin no’ng una kasi si complainant kapalagayan ko siya ng loob. Pinapatawag namin siya, hindi naman siya pumupunta dito sa barangay… Tungkol sa aso,” saad ng kapitana.Bukod sa mga barangay official, handa ring magreklamo sa National Police Commission ang shopkeeper dahil hindi umano tama ang naging proseso ng nag-imbestigang pulis sa insidente.“Ang sabi ng pulis, kausapin mo ’yong kagawad, kasi kung hindi ka papayag na aregluhin kakasuhan ka. Hindi ka makalabas at magpiyansa ka pa. Sabi ko, hindi ako magpaareglo, kasi hindi ako magnanakaw, hindi ako nakapatay, hindi naman ako nanggulo, wala akong inano na tao dito. ’Yon lang sa aso bugbugin n’yo ako. No’ng sinabi ko ’yon nanahimik sila, wala silang salita,” saad pa ng shopkeeper. Itinanggi ng imbestigador na pinaareglo niya ang insidente, pero ayon kay Napolcom Vice Chairman and Executive Officer Rafael Calinisan, gumugulong na ang kanilang imbestigasyon.<div><a href="https://www.abs-cbn.com/news/regions/2025/8/15/walong-shih-tzu-patay-sa-sunog-sa-nueva-vizcaya-1334">8 shih-tzu patay sa sunog sa Nueva Vizcaya; inang aso, nasawi matapos balikan ang mga tuta</a></div>“Sabi ko nga sa’yo, we already instructed the NPD director to investigate ano ’yong nangyari sa baba, doon sa presinto, kung saan di umano nagsumbong itong shopkeeper sa ating kapulisan. I will wait first for the investigation of both the NPD and the National Police Commission, but I’m sure the NPD is most competent to look into this matter,” saad ni Calinisan.“Titignan natin kung ano ’yong mga rights na na-violate sa kaniya and we will file the necessary charges…Yung initial assessment namin is medyo aggressive ’yong pagka-aresto sa kaniya,” dagdag naman ni Police Brigadier Gen. Christopher Dela Cruz, acting district director ng Northern Police DistrictNakarating na rin kay DILG Secretary Jonvic Remulla ang insidente pero tumanggi siyang magbigay ng komento hangga’t hindi pa niya nalalaman ang totoong nangyari.Handa namang harapin ng mga sangkot na barangay official ang reklamo sakaling ituloy ng shopkeeper ang pagsasampa laban sa kanila.

Sapul sa CCTV ang pag-aresto at umano’y pananakit ng ilang barangay official sa isang lalaki sa Barangay 77, Caloocan City.

Sapul sa CCTV ang pag-aresto at umano’y pananakit ng ilang barangay official sa isang lalaki sa Barangay 77, Caloocan City.