Jamaine Punzalan

Article (news)

Eon Sanchez

ABS-CBN News

<div><iframe src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Freel%2F25680885858280314%2F&amp;show_text=false&amp;width=268&amp;t=0" width="268" height="476" style="border:none;overflow:hidden" scrolling="no" frameBorder="0" allowfullscreen=""></iframe></div>MAYNILA — Dalawa ang nasawi habang apat ang sugatan matapos ang pamamaril sa loob ng isang pribadong condominium complex sa Barangay Marcelo Green, Parañaque City nitong Miyerkules ng gabi.Ayon kay Parañaque police chief Col. Nicolas Piñon, bandang alas-7:59 ng gabi nang makatanggap sila ng tawag hinggil sa insidente sa basketball court ng residential building.“May isang shooting incident sa isang residential building sa Barangay Marcelo Green at doon po tumugon ang ating kapulisan,” ani Piñon.Batay sa imbestigasyon at kuha ng CCTV, isang residente rin umano ng condominium ang suspek at may-ari ng isang unit doon.“Base doon sa CCTV footage na nakita natin ay pagbaba nung suspect doon sa kanyang unit, pumunta siya sa basketball court at doon siya namaril,” dagdag ng opisyal.Anim ang tinamaan ng bala na agad dinala sa ospital.Dalawa sa mga ito ang binawian ng buhay.“May anim po na biktima. Nakakalungkot nga po, dalawa yung pumanaw at yung apat naman ay nasa stable condition,” sabi ni Piñon.Sa pagpoproseso ng Scene of the Crime Operations (SOCO), nakarekober ang mga awtoridad ng mga ebidensya sa lugar ng insidente.“Base sa mga narecover nating mga ebidensya, doon sa scene na pinrocess ng ating SOCO, nakakita tayo ng 9mm na mga basyo at dalawang deformed na bala,” ani Piñon.Mayroon umanong dalawang baril na nakarehistro sa pangalan ng suspek.Patuloy pang iniimbestigahan ang motibo sa pamamaril.Pinaghahanap pa ang suspek matapos itong makalabas ng compound. Pansamantala namang hinigpitan ang seguridad sa lugar.Samantala, ikinuwento ng ina ng isa sa mga sugatang biktima na tinawagan siya ng nobya ng kanyang anak upang pumunta sa ospital.“Tumawag po yung girlfriend ng anak ko na ang sabi sa akin, pumunta ako dito sa ospital at magdala ako ng mga gamit,” aniya.Nang makita niya ang anak, may tama na ito sa kaliwang braso.“Tinanong ko po yung anak ko, sabi ko, anong nangyari. Sagot niya sa akin, ‘Mama, akala ko katapusan ko na.’”Ayon pa sa kanya, nakailag pa ang anak sa unang putok at tumakbo, ngunit nadapa sa pangalawang takbo at doon na binaril sa braso. Nagkunwari umano itong patay upang makahingi ng tulong.Hindi pa raw nakikita ang bala sa braso ng kanyang anak ngunit nasa maayos at nagpapagaling na ang kondisyon nito, ayon sa pamilya. Ang iba pang sugatan ay nagpapagaling na rin sa ospital at nasa stable condition.Nanawagan din siya ng hustisya at mas mahigpit na seguridad sa condominium.“Masyado po silang maluwag ngayon. Dati, alam ko hindi sila maluwag diyan. Hustisya ang kailangan namin,” aniya.Isang testigo na muntik na ring tamaan ng bala ang nagsabing una nilang inakalang paputok lamang ang narinig.“Yung first shot po, nasa labas ng court. Akala namin laro-laro lang until nakita ko yung lalaki na tumatakbo sa court namin. May hawak siyang baril,” kuwento niya.Ayon sa kanya, walang pinipiling target ang suspek.“Pinagbabaril kahit sino po doon,” ani niya.Nakita rin umano niya ang isang lalaking tinamaan sa ulo at duguan sa gilid ng court bago na-distract ang gunman at muling nagpaputok.“Tumakbo na po kami,” dagdag ng testigo.Tinatayang aabot sa halos 20 putok ang pinakawalan ng suspek batay sa sabi ng isa niyang kaibigan, bagamat limang putok lamang ang kanyang narinig bago siya tuluyang tumakbo palayo.Naka-face mask at cap umano ang suspek, may dalang puting payong at may suot na bag. Sinubukan ng ABS-CBN News na kuhanan ng pahayag ang pamunuan ng condominium ngunit tumanggi muna ang mga ito na magbigay ng komento.Patuloy ang manhunt operation ng pulisya laban sa suspek habang inaalam pa ang kabuuang detalye at motibo ng pamamaril.<div> </div>

Dalawa ang nasawi habang apat ang sugatan matapos ang pamamaril sa loob ng isang pribadong condominium complex sa Barangay Marcelo Green, Parañaque City nitong Miyerkules ng gabi.

Dalawa ang nasawi habang apat ang sugatan matapos ang pamamaril sa loob ng isang pribadong condominium complex sa Barangay Marcelo Green, Parañaque City nitong Miyerkules ng gabi.

2 patay, 4 sugatan sa pamamaril sa condominium compound sa Parañaque

News

Entertainment

Lifestyle

Sports

Metro.Style

More

Traffic

Manila

Horoscope

Nation

2 patay, 4 sugatan sa pamamaril sa condominium compound sa Parañaque

Eon Sanchez,

ABS-CBN News

Published Mar 05, 2026 08:23 AM PHT

|

Updated Mar 05, 2026 09:18 AM PHT

Read More:

Crime

Shooting Incident

Condominium

Barangay Marcelo Green

Parañaque

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.