Marilyn Cahatol

Posible bang mabawi ang lupang binenta ng co-owner?

Article (news)

ABS-CBN News Digital Intern

<p>MAYNILA — Sa isang talakayan sa programang “Hello Attorney” ng DZMM Teleradyo nitong Pebrero 16, ipinaliwanag ni Atty. Noel Del Prado ang proseso at limitasyon sa karapatan ng isang co-owner na mabawi o mabili ang bahagi ng lupang ibinenta ng kanyang kahati sa iba.</p><p>Idiniin ng abogado na ang diskusyon ay nakatuon lamang sa desisyon ng Korte Suprema sa <a href="https://lawphil.net/judjuris/juri2021/jun2021/gr_239859_2021.html">kasong Baltazar v. Miguel et al.</a> (G.R. No. 239859), at posibleng mag-iba ang aplikasyon ng batas depende sa nakalatag na mga facts ng bawat kaso.</p><div><br/></div><div><strong>ANO ANG RIGHT OF LEGAL REDEMPTION?</strong></div><p>Alinsunod sa Article 1620 ng <a href="https://elibrary.judiciary.gov.ph/thebookshelf/showdocs/2/53360">Civil Code</a> (Republic Act No. 386), may tinatawag na right of legal redemption ang isang co-owner kung saan nakasaad dito na: “Ang isang may-ari ng lupa ay maaaring gamitin ang kaniyang karapatan ng pagtupos o right of legal redemption kung ang share ng iba pang co-owners ay ipinagbili sa panibagong tao. Kung ang halaga ng binentang lupa ay labis na mataas, ang tumutubos ay magbabayad lamang ng makatarungang presyo.” </p><p>(A co-owner of a thing may exercise the right of redemption in case the shares of all the other co-owners or of any of them are sold to a third person. If the price of the alienation is grossly excessive, the redemptioner shall pay only a reasonable one.)</p><p>Ibig sabihin, kung ibinenta ng kanyang kahati ang parte nito sa isa pang tao, may karapatan ang natitirang co-owner na bilhin ang naturang share para ma-consolidate ang pagmamay-ari.</p><p>“Halimbawa, ikaw ay co-owner; ang iyong co-owner ay binenta ang kanyang share sa iba. May karapatan kang bilhin iyon para ma-consolidate mo ang ownership mo at hindi makakatanggi ang nakabili,” paliwanag ni Atty. Del Prado.</p><div><br/></div><div><strong>30-ARAW NA PALUGIT AT WRITTEN NOTICE</strong></div><p>Gayunman, ito ay hindi absolute dahil may itinakdang kondisyon at limitasyon ang batas. </p><p>Sa ilalim ng Article 1623 ng Civil Code (Republic Act No. 386), nakagiit na: “Ang karapatan ng legal na pre-emption o redemption ay puwede lamang gamitin sa loob ng tatlumpung (30) araw mula sa nakasulat na abiso ng inaasahang nagbebenta (prospective vendor) o ng nagbebenta. Ang kasulatan ng bentahan (deed of sale) ay hindi maaaring mairehistro sa Registry of Property maliban kung may kalakip na sinumpaang salaysay (affidavit) ng nagbebenta na nagpapatunay na siya ay nagbigay ng nakasulat na abiso tungkol sa lahat ng may karapatang tumubos.” </p><p>(The right of legal pre-emption or redemption shall not be exercised except within thirty days from the notice in writing by the prospective vendor, or by the vendor, as the case may be. The deed of sale shall not be recorded in the Registry of Property, unless accompanied by an affidavit of the vendor that he has given written notice thereof to all possible redemptioners.)</p><p>Marapat na bigyan ng written notice ang ibang co-owners kapag may bentahan ng parte sa lupa. Mula sa pagtanggap ng notice, may 30 araw ang co-owner upang gamitin ang kanyang karapatan sa legal redemption.</p><p>Kasali sa desisyon ng Korte Suprema na ang 30-day na palugit ay hindi simpleng prescriptive period kundi isang condition precedent o kinakailangang hakbang para maging epektibo ang pag-assert ng karapatan. Kapag ito ay hindi nagawa sa loob ng itinakdang panahon, maaaring mawalan ng bisa ang karapatan sa pagtubos.</p><div><br/></div><div><strong>ANO ANG PAGKAKAIBA NG WRITTEN NOTICE SA ACTUAL KNOWLEDGE?</strong></div><p>Batay sa Korte Suprema sa kasong Baltazar v. Miguel et al., puwedeng magsimula ang 30 araw na bilang kahit walang formal written notice kung mapapatunayang may actual knowledge tungkol sa bentahan. </p><p>Ito ay nangangahulugang:</p><ul style="list-style-type:circle"><li>May sapat na ebidensiya ng tunay at malinaw na kaalaman sa sale ng co-owner;</li><li>Alam maging ang presyo at terms ng bentahan.</li></ul><div><br/></div><p>Gayunpaman, mahalaga ring malaman ang petsa ng pagtanggap ng written notice.</p><p>“Kung ikaw ay pinadalhan ng notice na nalaman mong may ganoon, hindi nagmamatter kung kailan mo binuksan. Kaya yung mga nag-iipon diyan ng unopened envelopes, eh dapat vigilant ka. Kung may nakasama diyan na notice na may legal implication ay puwede kang matali at hindi mo na ma-exercise,” paliwanag ni Atty. Del Prado.</p><div><br/></div><div><strong>PAGSASANGLA NG CO-OWNED PROPERTY</strong></div><p>Isinaad din ni Atty. Del Prado, na tanging ang may-ari lamang ang maaaring magsangla ng lupa. Kung co-owned ang ari-arian, kailangan ang pahintulot o pirma ng lahat ng co-owners para maging balido ang kontrata.</p><p>Sa huli, iginiit ng abogado ang kahalagahan ng pagiging maagap ng mga co-owner sa anumang transaksyon na may kinalaman sa kanilang ari-arian.</p><p>Ang kaalaman sa batas at agarang aksyon ay mahalaga para hindi mawalan ng karapatan.</p><div><a href="https://www.abs-cbn.com/news/business/2025/3/7/sc-property-buyers-responsible-for-verifying-land-titles-registry-records-1153">SC: Property buyers responsible for verifying land titles, registry records</a></div><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/Ses3bi4BClI?si=t8SZJoDTbLnGQZdu" title="YouTube video player" frameBorder="0" allowfullscreen=""></iframe><br/></div>

<p>“Ang isang may-ari ng lupa ay maaaring gamitin ang kaniyang karapatan ng pagtupos o right of legal redemption kung ang share ng iba pang co-owners ay ipinagbili sa panibagong tao. Kung ang halaga ng binentang lupa ay labis na mataas, ang tumutubos ay magbabayad lamang ng makatarungang presyo.”</p>

“Ang isang may-ari ng lupa ay maaaring gamitin ang kaniyang karapatan ng pagtupos o right of legal redemption kung ang share ng iba pang co-owners ay ipinagbili sa panibagong tao. Kung ang halaga ng binentang lupa ay labis na mataas, ang tumutubos ay magbabayad lamang ng makatarungang presyo.”

Posible bang mabawi ang lupang binenta ng co-owner?

News

Entertainment

Lifestyle

Sports

Metro.Style

More

Traffic

Manila

Horoscope

Nation

Posible bang mabawi ang lupang binenta ng co-owner?

ABS-CBN News Digital Intern,

Cher Kelsey Ramos

Published Mar 07, 2026 11:35 AM PHT

Read More:

Legal issues

right of legal redemption

deed of sale

co-owned property

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.