Cheyenne Suarez

BALIKAN: Trahedya sa Ozone Disco Night Club

Article (news)

Kevin Alabaso

ABS-CBN News

<div><br/></div><div><strong><br/></strong></div><div><span class="fr-video fr-deletable fr-fvc fr-dvb fr-draggable fr-active" contenteditable="false" draggable="true"><iframe width="640" height="360" src="https://www.youtube.com/embed/VaERkrPPRNA??si=9aT5vv32qXOqVUJV&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div><div><br/></div><p>Graduation season, taong 1996, nang mangyari sa isang night club sa Quezon City ang hindi inaasahan na kung saan lahat ng selebrasyon, sayawan, at hiyawan ay sa isang iglap nauwi sa trahedya kung saan 162 ang nasawi.</p><div><br/></div><div><strong>MARSO 18, 1996</strong></div><p>Wala na sigurong dance floor ang mas uminit pa noong mga panahong iyon kaysa sa Ozone Disco.</p><p>Umabot sa 162 ang namatay na customer at empleyado ng nasabing bar matapos itong masunog bago mag-hatinggabi.</p><p>Pero paano nga ba humantong doon ang naturang trahedya?</p><p>Summer sa Pilipinas, end of the school year. At para sa mga estudyante, 2 buwang pahinga ito bago sumabak ulit sa pag-aaral.</p><p>Para sa iba namang nakapagtapos na, ito’y maikling panahon para magsaya, at maghanda bago humarap sa reyalidad ng pagiging manggagawa.</p><p>Pero siyempre bago sumabak sa panibagong hamon sa buhay, marami ang nag-celebrate muna.</p><p>Ang ilan, sa beach ang diretso. At ang iba naman, hindi init ng araw ang trip, kundi ang init ng dance floor sa mga diskuhan.</p><p>Dahil noong mga panahong ito, hindi pa nai-imbento ang mga high tech cellphones na mayroon tayo ngayon.</p><p>Wala pang high speed internet, video streaming apps, at higit sa lahat, wala pang social media.</p><p>Kaya ang paraan ng &quot;socializing&quot; noon, up close and personal. At isa nga sa mga paboritong hang out place ng mga batang ‘90s ay ang Ozone Disco sa may Timog Avenue sa Quezon City.</p><div><br/></div><div><strong>HITSURA NG BAR</strong></div><p>Hindi kalakihan ang disco bar na ito at pagpasok mo sa lugar, may masikip na hallway na kailangan daanan bago makapasok sa isang pinto na papunta naman sa main dance floor.</p><p>Pagpasok sa main dance floor, kita agad ang DJ&#x27;s booth na katabi naman ng isang storage area.</p><p>Sa taas ay may bagong gawang mezzanine at may mga neon, strobe lights at sound system.</p><p>Lahat ng nabanggit na struktura at kagamitan ay ipinagkasya ng may-ari sa loob ng 50-square meter na bar.</p><p>At sa gabi ng Marso 18, 1996, humigit kumulang 400 ang customer at staff ang nasa loob kahit na 50 hanggang 100 lang ang maximum na kapasidad ng establisimyento.</p><p>Karaniwang kalahati lang ang presyo ng entrance fee sa Ozone Disco tuwing Lunes, pero espesyal ang gabing iyon, dahil bilang bahagi ng end of the school year promo nila, libre ang entrance fee at may discount pa sa mga pagkain at inumin.</p><p>Isa sa mga pumunta ay si Jhunie na 16-anyos noong panahon na iyon matapos siyang ayain ng kaniyang mga kaibigan at pinsan bandang alas-10 ng gabi.</p><p>Pagkarating, nakakuha sila ng upuan malapit sa DJ’s booth at kita niya mula sa kanyang puwesto ang kasiyahan ng mga customer.</p><p>Habang palalim ang gabi ay unti-unti na rin dumarami ang mga dumarating sa diskuhan.</p><div><br/></div><div><strong>11:35 P.M.</strong></div><p>Isang spark ang nakita ng mga customer na nanggaling sa DJ’s booth at natuwa sila dahil akala nila ay visual effect lang ito mula sa mga ilaw sa kisame.</p><p>Ang hindi nila alam, ang naturang spark na ito ay naging sanhi ng apoy na gumapang sa kisame at nilamon ang buong dance floor.</p><p>Nangyari ito lahat sa loob lang ng ilang segundo kung saan sinubukan pa ng DJ na magbigay babala sa mga customer ngunit bumigay na ang electrical system kaya hindi na gumana ang kaniyang mikropono.</p><p>Dahil dito, nagdilim ang buong lugar at tanging ang liwanag mula sa apoy ang nagsisilbing ilaw ng mga nagpapanic na customer papunta sa exit.</p><div><br/></div><div><strong>PANIC AT STAMPEDE</strong></div><p>Sila Jhunie, nagmadaling umalis papunta sa may hallway bago pa tuluyang lumaki ang apoy.</p><p>Naitulak niya ang pinto palabas ng dance floor hanggang sa makarating sila sa hallway. Paglingon niya, mas marami na ang tumatakbo mula sa dance floor papunta sa main exit door.</p><p>At sa sobrang dilim, nagsiksikan at nagsisigawan na ang mga tao. Sa gitna rin ng mga pangyayari ay biglang bumagsak ang mezzanine mula sa second floor kaya nadaganan ang mga tao sa ilalim nito.</p><p>Bukod pa sa init mula sa apoy, problema rin ang usok mula sa mga nasunog na mga sound system, styrofoam, at iba pang acoustic materials sa loob.</p><p>Sa gitna ng gulo, tulakan, marami na ang nahilo at nahirapang huminga at kalaunan ang ilan sa kanila ay naapakan na sa stampede.</p><p>Dahil dito, napuno na ng iyakan ang bar kung saan sinisigaw rin ng mga tao ang “mama, papa, lord please, tulungan niyo po kami” habang unti-unting lumalakad ang apoy mula sa dance floor palabas ng hallway.</p><div><br/></div><div><strong>HIDDEN DOOR</strong></div><p>Ang hindi alam ng karamihan ay sa loob mismo ng dance floor kung saan sila nagmamadaling tumakas, ay may isang pinto, na lagusan pala sa katabing restaurant.</p><p>Wala kasing sign na nakalagay na ito ay isang exit at tanging ang mga empleyado lang ng bar ang nakakaalam sa hidden door na ito.</p><p>At sa daan-daang taong nasa loob at nagkukumahog makalabas, iisa lang ang nakagamit nito.</p><div><br/></div><div><strong>FIRETRAP</strong></div><p>Pero bakit nga ba hindi makalabas ang mga biktima sa main door?</p><p>Ito’y dahil ang main door ay nakadisenyo na kailangan itong hilahin papasok sa loob ng establisimyento para makalabas o ang tinatawag na in-swing door.</p><p>Naniniwala kasi umano ang may-ari ng bar na good feng shui ito at magpapasok ito ng pera sa negosyo.</p><p>Pero noong gabing iyon, naging firetrap ito dahil hindi na siya mahila sa dami ng nagtutulakan, papunta sa pinto.</p><p>Kalaunan ay nabuksan nina Jhunie at ilan pang biktima ang pinto ngunit nagdala rin ito ng panibagong problema.</p><p>Sa pagbukas ng pinto, isang malakas na pwersa ng hangin ang pumasok at nagkaroon ng backdraft.</p><p>Ang backdraft ay parang isang pagsabog kapag ang apoy sa loob ay nakahigop ng oxygen mula sa labas.</p><p>At sa kasamaang palad, ito ang nangyari at lahat ng nasa hallway na gustong lumabas ay tinamaan nito.</p><p>Nang makalabas si Jhunie, dito lang niya naramdaman ang tindi ng mga sugat na kaniyang tinamo dahil sa malamig na hangin na sumalubong sa kaniya.</p><p>Aniya, parang asido ang hangin habang tumatama ito sa kaniyang nasunog na mukha. Nawalan si Jhunie ng mga pilik mata at isang tenga, at hindi na rin ito makapagsallita nang maayos dahil sa dami ng usok na kaniyang nalanghap.</p><p>Tanging ang label na lang sa pantalong ni Jhunie ang naging daan para matukoy siya ng kaniyang pinsan, na maswerteng bumili ng sigarilyo sa labas bago magliyab ang bar.</p><div><br/></div><div><strong>PAG-APULA SA SUNOG (MARSO 19, 1996)</strong></div><div><strong>12:05 A.M.</strong></div><p>Dumating na ang mga bumbero kung saan tinatayang halos isang oras ang tinagal bago ito maapula.</p><p>Matapos humupa ang apoy, dito na tumambad sa mga awtoridad ang magkakapatong na mga sunog na bangkay sa may pintuan ng Ozone Disco.</p><p>Nagkadikit-dikit na ang mga katawan ng mga biktima mula sa entrance door at hallway. Sa dance floor naman ay umabot sa apat na layer ng mga katawan ang naabutan nilang magkakapatong.</p><p>Ang ilan sa mga biktima, natagpuan sa ilalim ng mga tipak  ng semento mula sa bumagsak na mezzanine.</p><p>Kwento ng isa sa mga rumesponde, akala nila ay mga foam ang kanilang tinatapakan sa loob  dahil sa sobrang lambot ngunit kalaunan ay nalaman nilang mga bangkay pala ito.</p><p>Ang dating makulay na disco, binalot na ng kadiliman at puno na ng mga bangkay.</p><p>Umabot sa 162 ang namatay at 95 naman ang malubhang sugatan.</p><div><br/></div><div><strong>AFTERMATH</strong></div><p>Madaling araw ng Martes, kahit wala pang social media, mabilis  na kumalat ang balitang nasunog ang Ozone Disco.</p><p>Ito rin ang naging laman ng mga balita sa radyo at telebisyon buong umaga.</p><p>Dahil dito, nagdagsaan ang mga kaanak ng mga biktima sa labas ng bar. Ngunit kahit sila ang hirap na makilala ang mga nakaligtas dahil sa tindi ng sugat na kanilang tinamo.</p><p>Ang iba ay maswerte pa na sa ospital nila natagpuan ang kanilang kaanak dahil ang iba ay sa punerarya na. Bukod dito, mas lalo pang mahirap tukuyin ang pagkakakilanlan ng mga nasawi dahil sobrang sunog na ang bawat bangkay, halos naabo na, at tanging mga buto na lang nila ang nabawi.</p><p>Ang mas malala pa ay ang ibang pagkakakilanlan ang natukoy na lamang dahil sa  mga kagamitan na nabawi at hindi na dahil sa kanilang katawan.</p><p>Ilang forensic experts, pathologists, dentists na nagtulungan pero sa huli, mayroong 18 na katawan pa rin ang hindi na talaga malaman ang pagkakakilanlan.</p><div><br/></div><div><strong>MASS BURIAL (ABRIL 2, 1996)</strong></div><p>Napagdesisyunan ng mga naulila na magsagawa nalang ng isang mass burial sa Marikina para sa mga hindi nakilalang biktima.</p><p>18 na ataul, iisang lapida, at ang tanging nakaukit dito ay ang mga katagang “ in memoriam to the Ozone Disco fire victims.”</p><div><br/></div><div><strong>SINO ANG MAY SALA?</strong></div><p>Pero may nagpabaya ba sa parte ng bar? Sino ang dapat managot?</p><p>Sa imbestigasyon ng mga awtoridad, ang una sa mga nadiskubre nila ay ang malalang pagka-overcrowded sa naturang bar. Anila, nasa 50 hanggang 100 lang ang kapasidad ng bar pero nasa 400 ang pinayagang makapasok.</p><p>Nadiskubre din na overloaded ang electrical circuit ng disco, dahilan ng nasabing spark sa DJ booth.</p><p>Bukod dito, lumabag din sa National Building Code ang mga may-ari ng disco nang maglagay sila ng in-swing doors na mahigpit na ipinagbabawal lalo na sa mga establisimyento tulad ng mga bar.</p><p>Dagdag pa rito, ipinatayo din nila ang mezzanine ng disco bar nang walang building o construction permit. Wala ring malapit na fire exit, water sprinklers, at fire extinguishers sa bar.</p><div><br/></div><div><strong>KASO LABAN SA MAY-ARI, QC BUILDING OFFICIALS</strong></div><p>Makalipas ang 5 taon, nahatulan ang may-ari ng disco ng reckless imprudence resulting in multiple homicide and multiple injuries.</p><p>Apat na taong pagkakakulong at P20 milyong danyos ang parusang ibinaba ng korte.</p><p>Taong 2014 naman ay nahatulan rin ng kasong graft ang mga may-ari ng Ozone Disco at ilang city engineers  na nagbigay ng permit to operate kahit ang daming nilabag na city codes.</p><p>Dahil dito, 6 hanggang 10 taong pagkakakulong naman ang parusa.</p><p>Sa panahon ngayon, natayuan na ng isang sikat na kainan ang dating lugar ng Ozone Disco. Wala nang makikitang bakas ng nasabing trahedya.</p><p>Pero para sa mga nakaligtas tulad nina Jhunie, ang malalim na sugat ng nakaraan ang dala-dala pa rin nila kahit lumipas na ang halos 3 dekada.</p><div><br/></div><div><strong>Panoorin dito ang bagong episode ng Philippines&#x27; Most Shocking Stories: https://www.youtube.com/watch?v=nJh7H0KQA2I</strong></div>

<p>Graduation season, taong 1996, nang mangyari sa isang night club sa Quezon City ang hindi inaasahan na kung saan lahat ng selebrasyon, sayawan, at hiyawan ay sa isang iglap nauwi sa trahedya kung saan 162 ang nasawi.</p>

Graduation season, taong 1996, nang mangyari sa isang night club sa Quezon City ang hindi inaasahan na kung saan lahat ng selebrasyon, sayawan, at hiyawan ay sa isang iglap nauwi sa trahedya kung saan 162 ang nasawi.