Chalssea Kate Echegoyen

‘Akyat-bahay’ suspek arestado sa Novaliches

Generic thumbnail for jail. Jail thumbnail

Article (news)

THUMBNAIL-JAIL

Eon Sanchez

ABS-CBN News

MAYNILA — Arestado ang isang 32-anyos na lalaking hinihinalang “akyat-bahay” sa isinagawang follow-up operation ng Novaliches Police Station 4 sa Barangay San Bartolome, Novaliches, madaling araw ng Abril 3. Kinilala ng pulisya ang suspek na residente ng Cainta, Rizal. Ayon sa ulat, nakatanggap ng tawag ang istasyon bandang 3:06 a.m. kaugnay sa naganap na panloloob sa isang bahay sa lugar. Batay sa video na ibinahagi ng isang concerned citizen, makikita ang suspek na umakyat sa ikalawang palapag ng bahay, pinuwersa ang sliding door, at tinangay ang iba’t ibang alahas at personal na gamit bago tumakas.<div><a href="https://www.abs-cbn.com/news/nation/2026/4/1/akyat-bahay-sa-quezon-city-sapul-sa-cctv-0657">Akyat bahay sa Quezon City sapul sa CCTV</a></div>Agad nagsagawa ng follow-up operation ang mga awtoridad at namataan ang lalaking tumutugma sa paglalarawan ng suspek.Tinangka umano nitong tumakas matapos magpakilala ang mga pulis. Naaresto ang suspek bandang 4 a.m. sa Quirino Highway, sa tapat ng isang mall.Narekober umano sa suspek ang dalawang luxury watches, isang gold necklace, dalawang pares ng diamond earrings, isang pares ng gold earrings, isang luxury bracelet, isang gold cross pendant, at anim na pares ng hikaw.Nakumpiska rin ang suot nitong itim na damit, pulang-abo na basketball shorts, at isang balaclava. Mahaharap ang suspek sa kasong robbery sa ilalim ng Article 293 ng Revised Penal Code na isasampa sa Quezon City Prosecutor’s Office.

Arestado ang isang 32-anyos na lalaking hinihinalang “akyat-bahay” sa isinagawang follow-up operation ng Novaliches Police Station 4 sa Barangay San Bartolome, Novaliches, madaling araw ng Abril 3.

Arestado ang isang 32-anyos na lalaking hinihinalang “akyat-bahay” sa isinagawang follow-up operation ng Novaliches Police Station 4 sa Barangay San Bartolome, Novaliches, madaling araw ng Abril 3.