Dennis Gasgonia

Article (news)

Jeff Caparas

ABS-CBN News

MAYNILA — Mahigit 14,000 tauhan ng National Capital Region Police Office (NCRPO) ang ikinalat sa iba’t ibang bahagi ng Metro Manila bilang bahagi ng seguridad para sa paggunita ng Labor Day ngayong Mayo 1.Ang Labor Day sa Pilipinas ay taunang minamarkahan ng malalaking kilos-protesta ng mga manggagawa at progresibong grupo, partikular sa Maynila—kabilang ang mga lugar tulad ng Mendiola, Malacañang vicinity, at US Embassy—kung saan inilalapit ang mga panawagan para sa dagdag-sahod, regularisasyon, at iba pang karapatan sa paggawa. Sa bahagi ng San Sebastian Church at Claro M. Recto Avenue, daan-daang pulis ang nakaantabay, habang mahigpit ding binantayan ang paligid ng Malacañang at Mendiola. Naglatag din ng mga barikada, kabilang ang barbed wire, bilang “first line of defense” upang hindi makalapit ang mga raliyista sa mga itinuturing na restricted areas.<div> <a href="https://www.abs-cbn.com/news/nation/2026/5/1/protesters-demand-wage-hike-cheaper-commodities-on-labor-day-0917">Massive Labor Day protest demands wage hike, relief from soaring prices</a></div> Ayon kay NCRPO Regional Director P/Maj. Gen. Anthony Aberin, handa ang pulisya na kumilos sakaling magkaroon ng paglabag sa batas. “Pero of course kung may karahasan at na paglabag sa batas ang ating kapulisan ay hindi lang basta basta nakatayo diyan. Kung hindi magpapatupad po tayo ng of course pag-aresto dahil ito po ang ating mandato,” ani Aberin. Ipinaliwanag din niya ang estratehiya ng paglalagay ng mga harang sa mga pangunahing kalsada. “Dati na po natin ginagawa ito yung dito sa may Claro M Recto ay may harang na po, nang sa ganun ay ito po yung ating first line of defense, at pag ito po yung na-breach nila ay may harang pa rin naman po dito po,” dagdag niya. Tinatayang nasa 3,000 katao ang nakiisa sa mga kilos-protesta sa Recto, habang umabot din sa halos 3,000 ang kabuuang bilang ng mga raliyista sa buong Metro Manila, ayon sa NCRPO. Sa Kalaw Avenue, partikular na malapit sa US Embassy, nasa 800 ang dumalo.<div> <a href="https://www.abs-cbn.com/news/nation/2026/5/1/workers-call-protest-a-success-despite-pnp-blocking-way-to-mendiola-1557">Workers call protest a success despite PNP blocking way to Mendiola </a></div> Sa kabila nito, sinabi ni Aberin na wala silang namonitor na direktang banta sa seguridad. “Sa ngayon po ay wala tayong namomonitor na direktang banta sa kaayusan o kaligatas ng ating mamamayan pero just the same hindi po tayo magpapakakampante at tuloy tuloy yung pakikipag-ugnayan po natin sa ibang intelligence unit,” aniya. Pinayagan pa rin ng NCRPO ang ilang grupong magsagawa ng rally kahit walang permit, ngunit tiniyak na hindi na papayagang makalapit ang mga ito sa Malacañang. Binigyang-diin din ni Aberin na ang mahigpit na paghahanda ay leksyon mula sa mga nakaraang insidente, kabilang ang kilos-protesta noong Setyembre 21 kung saan nagkaroon ng tensyon sa pagitan ng pulis at raliyista. “Of couse ayaw natin mangyari yung last year, if you will remember yung last September 21, wala po tayong nailagay na harang dito po yung lugar kung saan nagkaroon ng batuhan at habulan,” paliwanag niya. Iginiit din ng NCRPO chief na hindi “overkill” ang deployment ng libo-libong pulis. “Walang pong overkill po dito, ang sa atin naghahanda po tayo. Mahirap na po na tayo po ay malusutan, kasi kung hindi po tayo naghanda ng maayos ay baka at the end of the day tayo po ang masisi, so mas maganda na po yung overprepared,” sabi ni Aberin. Bahagi rin ng deployment ang mga legal officer na kasama sa negotiating teams ng pulisya. “May mga legal officers tayo, actually hindi lang po isang legal officers po natin na nakadeploy po dito. We have to understand sa hanay ng mga nagrarally marami rin po ang abogado diyan, para in case may diskusyon sila po yung makikipag discuss po,” dagdag niya.<div> <a href="https://www.abs-cbn.com/news/business/2026/5/1/marcos-says-nearly-p2-t-worth-of-investments-approved-in-2025-to-generate-150k-jobs-1257">Marcos says nearly P2-trillion investments to generate 150,000 jobs </a></div> Nagkaroon naman ng tensyon sa Kalaw Avenue nang magkasalubong ang mga pulis at raliyista, kung saan tatlong pulis ang nasugatan. “Nagkagirian po kanina nagkaagawan po ng shield, ayaw po ibigay, siyempre dedepensahan po ng kapulisan natin yung hawak niyang shield, nagkahatakan nasugatan po yung ano natin,” ayon kay Aberin. “Yung isa po na nakalmot tapos tumakbo po nangalmot, hindi natin nahabol,” dagdag pa niya. Sa kabila nito, walang naitalang pag-aresto at natapos ang mga kilos-protesta bandang ala-1:30 ng hapon kung saan kusang nag-disperse ang mga raliyista. Sa kabuuan, sinabi ng NCRPO na naging mapayapa ang selebrasyon ng Labor Day sa Metro Manila, at walang naitalang malubhang insidente.<div> </div>

Mahigit 14,000 tauhan ng National Capital Region Police Office (NCRPO) ang ikinalat sa iba’t ibang bahagi ng Metro Manila bilang bahagi ng seguridad para sa paggunita ng Labor Day ngayong Mayo 1.

Mahigit 14,000 tauhan ng National Capital Region Police Office (NCRPO) ang ikinalat sa iba’t ibang bahagi ng Metro Manila bilang bahagi ng seguridad para sa paggunita ng Labor Day ngayong Mayo 1.

Higit 14,000 pulis, dineploy sa Labor Day rallies sa Maynila; 3 pulis naitalang sugatan

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

Higit 14,000 pulis, dineploy sa Labor Day rallies sa Maynila; 3 pulis naitalang sugatan

Jeff Caparas,

ABS-CBN News

Published May 01, 2026 04:22 PM PHT

Read More:

NCRPO

Labor Day

May 1

Protest rally

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.