Geline Salac

Motorsiklo tinangay ng mga armadong lalaki sa Marikina

Article (news)

magnanakawngmotor

Christopher Sitson

ABS-CBN News

Nakuhanan sa CCTV ang pagtangay ng apat na lalaki sa motorsiklo na minamaneho ng isang rider sa kahabaan ng Santisimo Street, Barangay Sto. Niño, Marikina, nitong madaling araw ng Lunes, Mayo 18.Sa video makikita ang mga suspek na sakay ng dalawang motorsiklo na pinagitnaan ang biktima.Biglang hinto ang mga motorsiklo at tinutukan ng baril ng isa sa mga suspek ang pinagitnaang rider.Napaluhod ang biktima at ipinaubaya na lang ang motorsiklo.Mabilis na tumakas ang mga suspek at iniwan ang biktima sa tabing kalsada.“Nandoon ako sa area, madilim doon, nagyoyosi ako. Naalimpungatan ako. Akala ko magkakasama ‘yung mga nagmo-motor.&#x27;&quot;Huminto sila, ginitgit nila ‘yung isa. Akala ko mag-aaway, suntukan, sisitahin ko sana kaso biglang naglabas ng baril ‘yung isa. Kinasa, tinutok. Tapos dumapa na lang ‘yung biktima,” kwento ng isang lalaki na nakakita sa insidente.Hindi na nakita sa CCTV pero hindi pa natapos ang pagbabanta ng isang suspek sa biktima.“Yung isang nakasakay sa motor nakatutok pa rin ng baril sa kanya. Naglalakad na lang siya na wala namang ginagawa,” dagdag ng lalaking nakakita.Dumiretso sa barangay ang lalaki para humingi ng saklolo.Agad na tumawag sa pulisya at nagbacktrack sa CCTV ang barangay at nakitang umaaligid na sa biktima ang mga suspek bago ang insidente.“Sa unang CCTV nakita na nakasunod na ‘yung suspect. Pagdating dito sa malapit na doon na siya tinutukan kaya nakuha ‘yung motor niya,” sabi ni Manuel Angeles na Barangay Tanod ng Barangay Sto. Niño.Patuloy ang imbestigasyon ng Marikina Police sa insidente habang hinahanap na ang mga suspek.“Sumuko na po kayo para hindi na kayo mahirapan,” ani Angeles.Sinusubukan pang kuhanan ng pahayag ng ABS-CBN News ang biktima.Pinaigting naman ng barangay ang seguridad sa lugar.

Nakuhanan sa CCTV ang pagtangay ng apat na lalaki sa motorsiklo na minamaneho ng isang rider sa kahabaan ng Santisimo Street, Barangay Sto. Niño, Marikina, nitong madaling araw ng Lunes, Mayo 18.

Nakuhanan sa CCTV ang pagtangay ng apat na lalaki sa motorsiklo na minamaneho ng isang rider sa kahabaan ng Santisimo Street, Barangay Sto. Niño, Marikina, nitong madaling araw ng Lunes, Mayo 18.